Bhumi Pednekar: మనాలీ వెళ్లడానికి..

బాలీవుడ్‌ యువ కథానాయిక భూమి పెడ్నేకర్‌ ప్రస్తుతం ‘ది లేడీ కిల్లర్‌’ చిత్రంలో నటిస్తోంది. కథానాయకుడు అర్జున్‌ కపూర్‌. అజయ్‌ బహ్‌ల్‌ దర్శకత్వం వహిస్తున్నారు. చిత్రీకరణ కోసం ఈ బృందం త్వరలోనే మనాలీ వెళ్లనుంది. ఈ సందర్భంగా భూమి తన ఆనందాన్ని పంచుకుంది. ‘నా వృత్తి వల్లే నేను ఎపుడూ చూడని ప్రదేశాలను చూడగలుగుతున్నాను. వివిధ ప్రదేశాల అందాలను, సంస్కృతిని చూసే అదృష్టం దక్కింది. మనాలీలో తొలి సారి షూటింగ్‌లో పాల్గొనడానికి ఎదురుచూస్తున్నా..’ అంది. ప్రయాణాలంటే ఇష్టపడే ఈ భామ తను మొదటి సారిగా మనాలీకి వెళ్తుండటంతో ఎగిరిగంతేస్తోంది. చిన్న పట్టణంలో జరిగే ఒక రొమాంటిక్‌ థ్రిల్లర్‌గా ‘ది లేడీ కిల్లర్‌’ తెరకెక్కుతోంది.