Tollywood: బన్నీ-బాలయ్య రూ.100కోట్లు.. చైతూ-అఖిల్ రూ.50కోట్లు
telugu movies: 2021లో బాక్సాఫీస్ వద్ద కాసుల వర్షాన్ని కురిపించి రూ.100కోట్లకు పైగా వసూళ్లు సాధించిన చిత్రాలివే!
ఇంటర్నెట్డెస్క్: సినిమా అంటే కేవలం వినోదాన్ని పంచడమే కాదు, ఎంతో మందికి ఉపాధి, అవకాశాలు కల్పిస్తోంది. ఒక సినిమాకు పెట్టిన పెట్టుబడి వస్తే ఆ సినిమా హిట్టయినట్టే. లాభాల్లో దూసుకుపోతే బ్లాక్బస్టర్ హిట్ కొట్టినట్లే. అప్పుడే ఆ నిర్మాత మరిన్ని సినిమాలు తీయగలడు. కరోనా గడ్డు పరిస్థితులను దాటుకుని కొన్ని సినిమాలు బాక్సాఫీస్ వద్ద కలెక్షన్ వర్షం కురిపించాయి. ఆ చిత్రాలివే!
ఈ నాలుగు సెంచరీలు కొట్టాయి..
‘పుష్ప’ అంటే ఫ్లవరు అనుకుంటివా.. కలెక్షన్ల ఫైరు..
ఈ ఏడాది తెలుగు బాక్సాఫీస్ వద్ద కాసుల వర్షం కురిపించిన చిత్రం ‘పుష్ప: ది రైజ్’. అల్లు అర్జున్ కథానాయకుడగా సుకుమార్ దర్శకత్వంలో తెరకెక్కిన ఈ చిత్రం మాస్ ప్రేక్షకులను విశేషంగా ఆకట్టుకుంటోంది. పాన్ ఇండియాలో స్థాయిలో ‘పుష్ప’ విడుదలవటం కూడా కలిసొచ్చింది. ఇప్పటికే రూ.150*కోట్ల(గ్రాస్)వసూలు చేసినట్లు ట్రేడ్ వర్గాలు చెబుతున్నాయి. ఈ ఏడాది చివరి వరకూ ‘పుష్ప’ కాసుల వేట కొనసాగనుంది. అల్లు అర్జున్ నటన, రష్మిక అందాలు, దేవిశ్రీ ప్రసాద్ సంగీతం, యాక్షన్ సన్నివేశాలు సినిమాకే హైలైట్గా నిలిచాయి.
పవన్ స్టామినా ఏంటో చెప్పిన చిత్రం
రాజకీయాలతో కొంతకాలం సినిమాలకు దూరమయ్యారు పవన్కల్యాణ్. అయితే, ‘వకీల్సాబ్’తో ఈ ఏడాది ప్రేక్షకుల ముందుకు వచ్చి అలరించారు. పవన్ సినిమా స్టామినో ఏంటో చూపించారు. హిందీలో విజయవంతమైన ‘పింక్’ రీమేక్గా పవన్ బాడీ లాంగ్వేజ్కు తగిన విధంగా వేణు శ్రీరామ్ ఈ సినిమాను తీర్చిదిద్దారు. ఈ ఏడాది ఏప్రిల్లో విడుదలైన ఈ సినిమా కరోనా పరిస్థితులు ఉన్నా.. రూ.130 కోట్ల(గ్రాస్)కు పైగా వసూలు చేసింది. ‘పవన్ ఈజ్ బ్యాక్’ అంటూ అదరగొట్టింది.
బాక్సాఫీస్ వద్ద ‘అఖండ’ గర్జన
సరైన దర్శకుడు, కథ పడితే అగ్ర కథానాయకుడు బాలకృష్ణను ఆపటం ఎవరికీ సాధ్యం కాదు. అందుకే ఆయనను ఎలా చూడాలనుకుంటున్నారో, ఎలా చూపించాలో బాగా తెలిసిన దర్శకుడు బోయపాటి శ్రీను. సింహా, లెజెండ్ చిత్రాలతో ప్రేక్షకుల నాడిని పట్టేశారు ఆయన. ముచ్చటగా మూడోసారి ‘అఖండ’తో ప్రేక్షకుల ముందుకు వచ్చిన ఈ కాంబినేషన్ బాక్సాఫీస్ వద్ద ఘన విజయాన్ని అందుకుంది. అంతేకాదండోయ్ బాలకృష్ణ కెరీర్లో రూ.115*కోట్లు(గ్రాస్) వసూలు చేసిన చిత్రంగా ‘అఖండ’నిలిచింది. అఘోరగా బాలకృష్ణ నటన, డైలాగ్స్, యాక్షన్ సన్నివేశాలు అభిమానులను విశేషంగా ఆకట్టుకున్నాయి. ఇప్పటికీ థియేటర్లలో ‘అఖండ’ ప్రభంజనం కొనసాగుతోంది.
ప్రేమ ‘ఉప్పెన’.. ప్రేక్షకులను మెప్పించింది
కథానాయకుడిగా వెండితెరకు చిరంజీవి మేనల్లుడు వైష్ణవ్ తేజ్ పరిచయం.. సుకుమార్ శిష్యుడు బుచ్చిబాబు దర్శకత్వం.. యూట్యూబ్లో అదరగొట్టిన దేవిశ్రీ పాటలు.. ఇంకేముందు థియేటర్లో రెడీ అనుకుంటున్న సమయంలో కరోనా ఫస్ట్వేవ్తో సినిమా విడుదల ఆగిపోయింది. ఓటీటీ కోసం భారీ ఆఫర్లు వచ్చినా వద్దనుకున్నారు. దాదాపు ఏడాది పాటు వేచి చూశారు. కథను నమ్మి థియేటర్లో విడుదల చేశారు. అదే ‘ఉప్పెన’. ప్రేక్షకులను ప్రేమ సముద్రంపై విహరింపజేయడమే కాదు, బాక్సాఫీస్ వద్ద కాసుల వర్షాన్ని కురిపించింది. ఆశి, బేబమ్మలుగా వైష్ణవ్ తేజ్, కృతిశెట్టిలు మెస్మరైజ్ చేశారు. కొత్తవారితో తీసిన ‘ఉప్పెన’ రూ.100కోట్ల (గ్రాస్) సాధించిన సినిమా రికార్డు సృష్టించింది.
నవ్వుల ‘జాతిరత్నాలు’
సినిమా అంటేనే వినోదం.. అలాంటి వినోదానికే వినోదాన్ని పంచిన చిత్రం ‘జాతిరత్నాలు’. నవీన్ పొలిశెట్టి, ప్రియదర్శి, రాహుల్ రామకృష్ణ, ఫరియా అబ్దుల్లా కీలక పాత్రల్లో అనుదీప్ కేవీ దర్శకత్వం వహించిన ఈ చిత్రం ప్రేక్షకులను కడుపుబ్బా నవ్వించటంతో పాటు, బాక్సాఫీస్ వద్ద ఘన విజయాన్ని అందుకుంది. సుమారు రూ.5కోట్లతో సినిమాను తెరకెక్కిస్తే ఏకంగా రూ.70కోట్లు(గ్రాస్) వసూలు చేసింది. ఉద్యోగం కోసం పట్టణానికి వచ్చిన ముగ్గురు యువకులు ఎటువంటి ఇబ్బందులు ఎదుర్కొన్నారన్న కథాంశంతో ఆద్యంతం నవ్వులు పంచేలా ‘జాతిరత్నాలు’ను తీర్చిదిద్దారు.
రవితేజ మార్కు యాక్షన్ ‘క్రాక్’
కరోనాతో కుదేలైన చిత్ర పరిశ్రమకు ఈ ఏడాది ఆరంభంలో ఊపిరులూదిన చిత్రం ‘క్రాక్’. గోపిచంద్ మలినేని దర్శకత్వంలో రవితేజ కథానాయకుడిగా నటించిన ఈ మాస్, యాక్షన్ థ్రిల్లర్ సంక్రాంతి కానుకగా విడుదలై బాక్సాఫీస్ వద్ద ఘన విజయాన్ని అందుకుంది.. రవితేజ, శ్రుతిహాసన్, వరలక్ష్మి శరత్కుమార్, సముద్రఖని వారి పాత్రల్లో జీవించారు. తమన్ సంగీతం సినిమాకు హైలైట్గా నిలిచింది. ఈ ఏడాది రూ.50కోట్ల వసూళ్ల మార్కును దాటిన తొలి చిత్రంగా నిలిచింది. మొత్తంగా రూ.60.6(గ్రాస్) వసూళ్లతో తెలుగు చిత్ర పరిశ్రమలో ఉత్సాహాన్ని నింపింది.
అన్నదమ్ములిద్దరూ అదరగొట్టారు!
2021 అక్కినేని కుటుంబానికి కలిసొచ్చింది. నాగార్జున, నాగచైతన్య, అఖిల్ ముగ్గురు హీరోలూ ప్రేక్షకులను పలకరించారు. నాగార్జున ‘వైల్డ్డాగ్’తో చైతన్య ‘లవ్స్టోరీ’తో, అఖిల్ ‘మోస్ట్ ఎలిజిబుల్ బ్యాచ్లర్’తో ప్రేక్షకుల ముందుకు వచ్చారు. శేఖర్ కమ్ముల దర్శకత్వంలో నాగచైతన్య-సాయి పల్లవి జంటగా నటించిన ‘లవ్స్టోరీ’ మంచి విజయాన్ని అందుకుంది. అంతేకాదండోయ్ రూ.58కోట్లు (గ్రాస్) వసూలు చేసిన చిత్రంగా రికార్డు సృష్టించింది. ఎక్కడ చూసినా ‘సారంగదరియా’ పాట మార్మోగింది. ఇక ఎంతోకాలంగా విజయం కోసం ఎదురు చూస్తున్న అఖిల్కు ఈ ఏడాది ‘మోస్ట్ ఎలిజిబుల్ బ్యాచ్లర్’ మధుర జ్ఞాపకంగా నిలిచిపోయింది. ‘బొమ్మరిల్లు’ భాస్కర్ దర్శకత్వంలో పూజా హెగ్డే కథానాయికగా తెరకెక్కిన ఈ సినిమా ప్రేక్షకులను విశేషంగా అలరించింది. అఖిల్ కెరీర్లో రూ.50కోట్లు (గ్రాస్) సాధించిన చిత్రంగా నిలిచింది. 2022 తెలుగు చిత్ర పరిశ్రమ వసూళ్ల సునామీ సృష్టించేందుకు సిద్ధమవుతోంది. వచ్చే ఏడాది అత్యధికంగా భారీ బడ్జెట్, మల్టీస్టారర్, పాన్ ఇండియా సినిమాలు రాబోతున్నాయి.
► Read latest Cinema News and Telugu News
Trending
గమనిక: ఈనాడు.నెట్లో కనిపించే వ్యాపార ప్రకటనలు వివిధ దేశాల్లోని వ్యాపారస్తులు, సంస్థల నుంచి వస్తాయి. కొన్ని ప్రకటనలు పాఠకుల అభిరుచిననుసరించి కృత్రిమ మేధస్సుతో పంపబడతాయి. పాఠకులు తగిన జాగ్రత్త వహించి, ఉత్పత్తులు లేదా సేవల గురించి సముచిత విచారణ చేసి కొనుగోలు చేయాలి. ఆయా ఉత్పత్తులు / సేవల నాణ్యత లేదా లోపాలకు ఈనాడు యాజమాన్యం బాధ్యత వహించదు. ఈ విషయంలో ఉత్తర ప్రత్యుత్తరాలకి తావు లేదు.
మరిన్ని
-
యువతరం.. వైవిధ్యమే తొలి విజయం: స్టార్ నటులు మెచ్చిన యంగ్ హీరోలెవరంటే?
విభిన్న కథలను ఎంపిక చేసుకుంటూ విజయాన్ని అందుకుంటున్న యంగ్ హీరోలపై ప్రత్యేక కథనం.. -
ఎవరీ అశ్వత్థామ.. కృష్ణుడు అతడికి ఇచ్చిన శాపం ఏంటి?
ప్రభాస్ (Prabhas) కథానాయకుడిగా నాగ్ అశ్విన్ దర్శకత్వంలో రూపొందుతున్న సైన్స్ ఫిక్షన్ మూవీ ‘కల్కి 2898 ఏడీ’ (Kalki 2898 AD). ఇందులో ప్రముఖ నటుడు అమితాబ్ బచ్చన్ అశ్వత్థామగా (Ashwathama) కనిపించనున్నారు. -
ఇక్కడ ప్రభాస్, విష్ణు.. అక్కడ రజనీకాంత్, కమల్ హాసన్: వీరి చిత్రాల స్పెషల్ ఏంటంటే?
ప్రముఖ నటులు కొందరు కలిసి నటిస్తున్న చిత్రాలపై ప్రత్యేక కథనం. ఎవరెవరు ఏయే సినిమాల్లో నటిస్తున్నారంటే? -
నాయికలు ‘తెర’ పంచుకుంటే.. వినోదం పెంచినట్టే
త్వరలో విడుదల కాబోయే సినిమాలు ప్రేక్షకులకు రెట్టింపు వినోదాన్ని పంచడానికి సిద్ధమవుతున్నాయి. అందుకు కారణం ఒకే మూవీలో ఇద్దరు/ ముగ్గురు హీరోయిన్లు కలిసి నటిస్తుండటమే.. -
సీనియర్ హీరోయిన్ల జోరు ‘తగ్గేదే లే’.. ఎవరెన్ని సినిమాలతో బిజీగా ఉన్నారంటే?
టాలీవుడ్ సీనియర్ హీరోయిన్లపై ప్రత్యేక కథనం. త్రిష, నయనతార, తమన్నా.. ఇలా ఎవరెవరు ఎన్ని సినిమాలతో సందడి చేసేందుకు సిద్ధంగా ఉన్నారంటే? -
పృథ్వీరాజ్ సుకుమారన్ బెస్ట్ మూవీస్.. ఇప్పుడు ‘ఆడుజీవితం’.. ఇంతకుముందు?
పృథ్వీరాజ్ సుకుమారన్ నటించిన ఉత్తమ చిత్రాలు ఏంటంటే..? -
ఆ అవార్డు అందుకున్న తొలి వ్యక్తిని నేనే అని తెలిసి షాకయ్యా.. అల్లు అర్జున్
నటుడు అల్లు అర్జున్ (Allu Arjun) పుట్టినరోజు నేడు. ఈ సందర్భంగా ఆయనకు సంబంధించిన పలు ఆసక్తికర విశేషాలు. -
రికార్డుల్లోనూ ఫస్టే ఈ నేషనల్ క్రష్.. రష్మిక ఖాతాలో ఘనతలెన్నో!
రష్మిక పుట్టినరోజు సందర్భంగా ఆమె సొంతంచేసుకున్న కొన్ని రికార్డులను చూద్దాం.. -
రామ్ చరణ్ బర్త్డే.. ఆయన బాల్యం గురించి ఈ విశేషాలు తెలుసా..?
టాలీవుడ్ ప్రముఖ హీరో రామ్ చరణ్ పుట్టినరోజు నేడు. ఈ సందర్భంగా ఆయన గురించి కొన్ని విశేషాలు.. -
Challenging Roles: పాత్రలకు ప్రాణం పోశారు.. పృథ్వీరాజ్ సుకుమారన్ ఇలా.. విక్రమ్ అలా!
పాత్రలకు ప్రాణం పోసేందుకు మానసికంగా, శారీరకంగా ఎంతగానో శ్రమించిన నటులు, వారి సినిమాల వివరాలివీ.. -
Tollywood Actresses: అగ్ర నాయికలు అలా రూటు మార్చి.. హాట్టాపిక్గా నిలిచి!
అగ్ర కథానాయిక- వర్ధమాన హీరో కాంబినేషన్లో వచ్చిన సినిమాల విశేషాలు.. -
Actors turned Directors: ధనుష్, ఉపేంద్ర, కంగన.. మళ్లీ మరో కోణాన్ని చూపించేందుకు...
స్వీయ దర్శకత్వంలో నటించిన హీరో/హీరోయిన్పై ప్రత్యేక కథనం. ఎవరు ఏ సినిమాతో అలరించేందుకు సిద్ధమయ్యారంటే? -
Alia Bhatt: అందుకు క్లాస్లో బెంచీలు తుడిచి.. బ్యాగ్రౌండ్ ఉన్నా ఆడిషన్ ఇచ్చి: అలియా భట్ బర్త్డే స్పెషల్
అలియా భట్ పుట్టినరోజు సందర్భంగా ఆమె గురించి పలు విశేషాలు.. -
Mamitha Baiju: గిరిజ, సాయి పల్లవిలా మమితా బైజు.. రాజమౌళి మెచ్చిన ఈ నటి ఎవరు?
యంగ్ హీరోయిన్ మమితా బైజును అగ్ర దర్శకుడు ప్రశంసించడం అందరి దృష్టినీ ఆకర్షించింది. ఎవరీ నటి? -
Comedians as Heros: కమెడియన్లు.. కథానాయకులై.. ఎవరెవరు ఏ సినిమాతో అలరించారంటే?
కమెడియన్లుగా కెరీర్ని ప్రారంభించి హీరోగాను సినిమాలు చేస్తున్న నటులపై ప్రత్యేక కథనం.. -
Krystyna Pyszkova: మనిషే కాదు.. మనసూ అందమే: మిస్ వరల్డ్ క్రిస్టినా గురించి ఆసక్తికర విశేషాలివీ
ప్రపంచ సుందరి-2024 కిరీటం దక్కించుకున్న క్రిస్టినా పిస్కోవా గురించి ఆసక్తికర విశేషాలు మీకోసం.. -
Miss World Pageant: తొలుత ‘బికినీ కాంటెస్ట్’గా.. 28 ఏళ్ల తర్వాత భారత్ ఆతిథ్యం.. ‘మిస్ వరల్డ్’ పోటీల సంగతులివీ!
భారత్ ఆతిథ్యంలో 71వ ఎడిషన్ ‘మిస్ వరల్డ్’ పోటీలు జరుగుతున్నాయి. శనివారం విజేతను ప్రకటించనున్నారు. ఈ సందర్భంగా ఈ అందాల పోటీల గురించి పలు ఆసక్తికర విశేషాలు.. -
Sini Shetty: మిస్ వరల్డ్ పోటీలు.. ‘బెస్ట్ డిజైనర్ డ్రెస్’ విజేతగా సినిశెట్టి
మిస్ వరల్డ్ 2024 పోటీల్లో భారత్కు ప్రాతినిధ్యం వహిస్తున్న సినిశెట్టి గురించి ఆసక్తికర విశేషాలివీ.. -
Movies in March: మార్చిలో మురిపించే చిత్రాలు.. వరుణ్ తేజ్ అలా.. ‘టిల్లు’ ఇలా!
మార్చిలో విడుదల కానున్న సినిమాలపై ప్రత్యేక కథనం. ఏ హీరో చిత్రం ఏ రోజు ప్రేక్షకుల ముందుకు రానుందంటే? -
Valentine Day: వాలంటైన్స్ డేకు రీరిలీజ్ కానున్న ప్రేమకథా చిత్రాలివే..
వాలంటైన్స్ డే సందర్భంగా గతంలో అలరించిన ప్రేమ కథాచిత్రాలు మరోసారి వినోదాన్ని పంచేందుకు సిద్ధమయ్యాయి. -
తొలి సినిమా ఫ్లాప్.. ‘బండమొహం వీడేం హీరో’ అన్నారు.. రీల్ కెరీర్ To పొలిటికల్ ఎంట్రీ.. విజయ్ లైఫ్ జర్నీ ఇదే!
Actor vijay: తల్లిదండ్రులకు సినీ నేపథ్యం ఉన్నా, నటుడిగా తనకంటూ తమిళనాట గుర్తింపు తెచ్చుకున్న విజయ్.. రాజకీయాల్లోకి అడుగు పెట్టారు. ఈ క్రమంలో ఇప్పటివరకూ ఆయన లైఫ్ జర్నీ ఎలా సాగింది?
తాజా వార్తలు (Latest News)
-
జగనన్న నవ్వులు.. జనాలకు చుక్కలు
-
కూలీ బిడ్డకు 993 మార్కులు
-
ఏ ముఖం పెట్టుకుని రాజధాని రైతులను సీఎం ఓట్లు అడుగుతారు
-
ఒకే బైక్పై ప్రయాణం.. బస్సు ఢీకొని నలుగురు ఇంటర్ విద్యార్థుల మృతి
-
సూర్యాపేట జిల్లాలో ఘోర రోడ్డు ప్రమాదం.. ఆరుగురు మృతి
-
జూదరులతో కలిసి పుట్టిన రోజు వేడుకలు.. మంగళ్హాట్ డీఐ సస్పెన్షన్ ?