The Night Manager: రివ్యూ: ది నైట్ మేనేజర్ (వెబ్సిరీస్)
అనిల్ కపూర్, ఆదిత్యరాయ్ కపూర్, శోభిత ధూళిపాళ ప్రధాన పాత్రల్లో తెరకెక్కిన వెబ్సిరీస్ ‘ది నైట్ మేనేజర్’. ‘డిస్నీ+ హాట్స్టార్’లో విడుదలైన ఈ సిరీస్ ఎలా ఉందంటే?
The Night Manager Review వెబ్సిరీస్: ది నైట్ మేనేజర్; నటులు: అనిల్ కపూర్, ఆదిత్యరాయ్ కపూర్, శోభిత ధూళిపాళ, తిలోత్తమ షోమ్, అరిస్టా మెహతా, సస్వతా ఛటర్జీ, రేష్ లంబా తదితరులు; సంగీతం: సామ్ సి. ఎస్; సినిమాటోగ్రఫీ: బెంజమిన్ జాస్పర్; నిర్మాణ సంస్థలు: ది ఇంక్ ఫ్యాక్టరీ, బనిజయ్ ఏసియా; దర్శకత్వం: సందీప్ మోదీ; స్ట్రీమింగ్ వేదిక: డిస్నీ+ హాట్స్టార్.
విదేశీ చిత్రాలనే కాదు టీవీ సిరీస్లను పలువురు దర్శక,నిర్మాతలు రీమేక్ చేస్తున్నారు. నేటివిటీకి తగ్గట్టు కొన్ని మార్పులు చేసి, భారతీయ సినీ ప్రేక్షకుల ముందుకు తీసుకొస్తున్నారు. అలా.. 2016లో వచ్చిన ఆంగ్ల సిరీస్ ‘ది నైట్ మేనేజర్’ (The Night Manager)ను అదే పేరుతో ఓటీటీ సంస్థ ‘డిస్నీ+ హాట్స్టార్’ హిందీ, తెలుగు, తమిళ్, కన్నడ, మలయాళం, బెంగాలీ, మరాఠీలో రీమేక్ చేసి, శుక్రవారం విడుదల చేసింది. నైట్ మేనేజర్గా ఎవరు కనిపించారు? ఆయన ఏం చేశారు? చూద్దామా (The Night Manager Review)..
ఇదీ కథ: షాన్ సేన్గుప్త (ఆదిత్యరాయ్ కపూర్) (Aditya Roy Kapur) బంగ్లాదేశ్లోని ఓ రాయల్ హోటల్లో నైట్ మేనేజర్గా పనిచేస్తుంటాడు. ఆపదలో ఉన్నవారికి చేయూతనందిస్తుంటాడు. ఈ విషయం తెలిసిన సఫీనా (అరిస్టా మెహతా) తనను ఇండియాకు పంపించమని అతణ్ని ప్రాధేయపడుతుంది. బంగ్లాదేశ్ రాజధాని ఢాకాలో అల్లర్లు చెలరేగడంతో స్వదేశానికి పంపించడం వీలుపడదని షాన్ ఆమెకు చెబుతాడు. అయినా ఆమె వినిపించుకోదు. 14 ఏళ్ల తనకు పెళ్లి చేశారని, తన భర్త రెహమాన్ (రేష్ లంబా) బిజినెస్మ్యాన్ ముసుగులో ఉన్న ఓ గ్యాంగ్స్టర్ అని తెలియజేసే వీడియోను షాన్కు పంపిస్తుంది. అదే వీడియో దిల్లీ కేంద్రంగా ఉన్న రీసెర్చ్ అండ్ అనాలసిస్ వింగ్ (రా) ఏజెంట్ చేతికి వెళ్తుంది. తమ రహస్యాలను బయటపెట్టిందనే కారణంతో సఫీనాను హత్య చేస్తారు. వ్యాపారం పేరుతో ఆయుధాలు సరఫరా చేయాలని రెహమాన్తో డీల్ కుదుర్చుకున్న శైలేంద్ర రుంగ్తా (అనిల్ కపూర్) (Anil Kapoor)నే ఆ మర్డర్ చేయించాడనే షాన్ అనుమానం నిజమైందా? పైకి గొప్ప వ్యాపారవేత్తగా కనిపించే శైలేంద్ర చీకటి వ్యాపారం ఎందుకు చేస్తున్నాడు? ఒకప్పుడు నేవీ అధికారి అయిన షాన్.. మేనేజర్గా ఎందుకు మారాడు? అన్నది తెలియాలంటే సిరీస్ చూడాల్సిందే. (The Night Manager Review).
ఎలా సాగిందంటే: తనను పోలీసులు అరెస్ట్ చేసి జైలుకు తరలిస్తుంటే మార్గమధ్యంలో తప్పించుకుని హీరో పారిపోయే సన్నివేశంతో సిరీస్ ఆసక్తిగా ప్రారంభమవుతుంది. కట్చేస్తే, హీరో బంగ్లాదేశ్లోని హోటల్లో కనిపిస్తాడు. మధ్యలో ఏం జరిగిందో, తన ఫ్లాష్బ్యాక్ ఏంటో తెలుసుకోవాలనే ఉత్సుకత కొనసాగుతూనే ఉంటుంది. మేనేజర్గా షాన్ స్టైలిష్ లుక్, అందరితో కలివిడిగా ఉండడం, సఫీనాకు సాయం చేసే క్రమంలో ఎదుర్కొన్న సమస్యలను అధిగమించడం.. ఇలా ప్రతిదీ ఆకట్టుకుంటుంది. అయితే, తొలుత వేగంగా సాగిన సిరీస్ తర్వాతర్వాత స్లో అవుతుంది. విలన్ల భరతం పట్టేందుకు వారి కుటుంబ సభ్యులను హీరో పావులా వాడుకుని, వారితోనే స్నేహం చేసినట్టు నటించి, గుట్టురట్టు చేసే సన్నివేశాలు ఎన్నో సినిమాల్లో కనిపిస్తాయి. ఈ సిరీస్లో షాన్, శైలేంద్రల మధ్య అదే తరహా కంటెంట్ నడుస్తుంది. సఫీనా ఇచ్చిన వీడియోలో కనిపించిన శైలేంద్రపై అనుమానం వ్యక్తం చేసిన షాన్.. అతడి మోసాల గురించి ప్రపంచానికి తెలియజేయాలనే ఉద్దేశంతో శైలేంద్ర ఫ్యామిలీకి దగ్గరవ్వడం, ఇంట్లో ఎవరూ లేనప్పుడు సీక్రెట్ లాకర్ తెరిచి సమాచారం సేకరించాలనుకోవడం, ఆ క్రమంలో విలన్ భార్య పైకి కనిపించేంత ఆనందంగా లోపల లేదని తెలుసుకుని ఆమెతో అసలు విషయం చెప్పడం.. తదితర సీన్స్ రొటీన్గా అనిపిస్తాయి.
శైలేంద్ర కుటుంబ సభ్యులకు దగ్గరయ్యేందుకు షాన్ వేసిన ప్లాన్ను రివీల్ చేసే సీన్లో స్పష్టత లోపించింది. తన కోసమే షాన్ వచ్చాడని తెలుసుకున్న శైలేంద్ర ఇచ్చే వార్నింగ్ కూడా సాదాగా ఉంటుంది. విలనిజం పెద్దగా ప్రభావం చూపించలేదు. షాన్కు సాయం చేసే ‘రా’ ఏజెంట్ లిపిక పాత్ర మాత్రం ఇంట్రెస్టింగ్గా ఉంటుంది. తన లక్ష్యం నెరవేరదేమోనని హీరో అనుకున్న ప్రతిసారి ఆమె ఫోన్ చేసి ముందడుగేసేలా చేస్తుంది. ఈ కథంతా నాలుగు ఎపిసోడ్లలో సాగగా మరో సీజన్ ఉన్నట్టు ఆఖరి ఎపిసోడ్లో చెప్పారు. ఈ సీజన్లో ప్రేక్షకులకు తలెత్తే పలు సందేహాలకు సీజన్ 2లో సమాధానమిస్తారేమో చూడాలి (The Night Manager Review).
ఎవరెలా చేశారంటే: మేనేజర్ షాన్ సేన్గుప్తగా ఆదిత్యరాయ్ కపూర్ ఒదిగిపోయాడు. ఆహార్యం, హావభావాలు ఆకట్టుకుంటాయి. శైలేంద్రగా ఈ సీజన్లో అనిల్కపూర్ సాఫ్ట్గానే కనించారు. ఆయన్ను ఎలివేట్ చేస్తూ ‘రా’ ఏజెంట్ చెప్పే సీన్స్ మినహా ఆయన ఎక్కడా నెగెటివ్ ఛాయల్లో కనిపించరు. రా ఏజెంట్గా తిలోత్తమ ఆకట్టుకుంటారు. శోభిత ధూళిపాళ.. శైలేంద్ర ఇష్టపడిన అమ్మాయిగా అందాల ఆరబోతకే పరిమితమయ్యారు. అరిస్టా మెహతా పాత్ర నిడివి తక్కువే అయినా భావోద్వేగానికి గురిచేస్తుంది. ఇతరులు తమ తమ పాత్రల మేరకు నటించారు. థీమ్కు తగ్గట్టు సాగిన నేపథ్య సంగీతం అలరిస్తుంది. సిమ్లాలోని మంచు వాతావరణాన్ని, శ్రీలంకలో సాగే కొన్ని సీన్స్ను బెంజిమన్ తన కెమెరాతో చక్కగా చూపించారు. సందీప్ మోదీ టేకింగ్ బాగుంది.
బలాలు: + ఆదిత్యరాయ్ నటన; + షాన్ పాత్రను తీర్చిద్దిన తీరు; + నేపథ్య సంగీతం
బలహీనతలు: - ఎక్కువగా రొటీన్ సన్నివేశాలు ఉండడం; - హీరో, విలన్ల మధ్య సంఘర్షణ లేకపోవడం
చివరిగా: ప్రస్తుతానికి ‘మేనేజ్’ చేశారంతే!
గమనిక: ఈ సమీక్ష సమీక్షకుడి దృష్టి కోణానికి సంబంధించింది. ఇది సమీక్షకుడి వ్యక్తిగత అభిప్రాయం మాత్రమే!
Trending
గమనిక: ఈనాడు.నెట్లో కనిపించే వ్యాపార ప్రకటనలు వివిధ దేశాల్లోని వ్యాపారస్తులు, సంస్థల నుంచి వస్తాయి. కొన్ని ప్రకటనలు పాఠకుల అభిరుచిననుసరించి కృత్రిమ మేధస్సుతో పంపబడతాయి. పాఠకులు తగిన జాగ్రత్త వహించి, ఉత్పత్తులు లేదా సేవల గురించి సముచిత విచారణ చేసి కొనుగోలు చేయాలి. ఆయా ఉత్పత్తులు / సేవల నాణ్యత లేదా లోపాలకు ఈనాడు యాజమాన్యం బాధ్యత వహించదు. ఈ విషయంలో ఉత్తర ప్రత్యుత్తరాలకి తావు లేదు.
మరిన్ని
-
రివ్యూ: ఆర్టికల్ 370.. యామి గౌతమ్, ప్రియమణి నటించిన పొలిటికల్ థ్రిల్లర్ ఎలా ఉంది?
యామి గౌతమ్, ప్రియమణి నటించిన పొలిటికల్ థ్రిల్లర్ మెప్పించిందా? -
రివ్యూ: మై డియర్ దొంగ.. అభినవ్ గోమఠం నటించిన సినిమా ఎలా ఉందంటే?
అభినవ్ గోమఠం, శాలిని కొండెపూడి ప్రధాన పాత్రల్లో నటించిన చిత్రం ‘మై డియర్ దొంగ’. ఓటీటీ ‘ఆహా’లో విడుదలైన ఈ సినిమా రివ్యూ మీ కోసం.. -
రివ్యూ: సైరెన్.. జయం రవి, కీర్తి సురేశ్ యాక్షన్ థ్రిల్లర్ ఎలా ఉంది?
siren movie review: జయం రవి కథానాయకుడిగా ఆంటోనీ భాగ్యరాజా దర్శకత్వంలో వచ్చిన ‘సైరెన్’ మూవీ తెలుగులో మెప్పించిందా? -
రివ్యూ: పారిజాత పర్వం.. క్రైమ్ కామెడీ థ్రిల్లర్ ఎలా ఉంది?
Paarijatha Parvam Review; చైతన్యరావు, సునీల్, శ్రద్ధాదాస్ కీలక పాత్రల్లో నటించిన క్రైమ్ థ్రిల్లర్ మెప్పించిందా? -
రివ్యూ: ఆట్టం.. మలయాళ సస్పెన్స్ డ్రామా ఎలా ఉంది?
వినయ్, కళాభవన్ షాజాన్, జరీన్ షిహబ్ కీలక పాత్రల్లో నటించిన ‘ఆట్టం’ ఎలా ఉంది? -
రివ్యూ: డియర్.. భార్య గురకపెట్టే కాన్సెప్ట్తో రూపొందిన ఈ మూవీ మెప్పించిందా?
DeAr Movie 2024 Review: జీవీ ప్రకాష్కుమార్, ఐశ్వర్య రాజేశ్ కీలక పాత్రల్లో నటించిన ‘డియర్’ మూవీ మెప్పించిందా? -
రివ్యూ: శ్రీ రంగనీతులు.. సుహాస్, కార్తీక్ రత్నంల కొత్త మూవీ మెప్పించిందా?
sri ranga neethulu review: తాజాగా ప్రేక్షకుల ముందుకు వచ్చిన ‘శ్రీరంగ నీతులు’ మూవీ ఎలా ఉంది? -
రివ్యూ: బడే మియా ఛోటే మియా.. అక్షయ్, టైగర్ ష్రాఫ్ నటించిన యాక్షన్ థ్రిల్లర్ ఎలా ఉంది?
అలీ అబ్బాస్ జాఫర్ దర్శకత్వంలో అక్షయ్, టైగర్ ష్రాఫ్ కీలక పాత్రల్లో నటించిన ‘బడే మియా ఛోటే మియా’ మెప్పించిందా? -
రివ్యూ: గీతాంజలి మళ్ళీ వచ్చింది.. హారర్ కామెడీ థ్రిల్లర్ ఎలా ఉంది?
అంజలి కీలక పాత్రలో నటించిన హారర్ కామెడీ థ్రిల్లర్ ‘గీతాంజలి మళ్ళీ వచ్చింది’ ప్రేక్షకులను మెప్పించిందా? -
రివ్యూ: లవ్గురు.. విజయ్ ఆంటోనీ మూవీ ఎలా ఉంది?
Love Guru Review: విజయ్ ఆంటోని, మృణాళిని రవి కీలక పాత్రల్లో నటించిన న్యూఏజ్ ఫ్యామిలీడ్రామా మెప్పించిందా? -
రివ్యూ: మైదాన్.. అజయ్ దేవ్గణ్ కీలక పాత్రలో నటించిన స్పోర్ట్స్ డ్రామా మెప్పించిందా?
భారత ఫుట్బాల్ కోచ్ అబ్దుల్ సయ్యద్ రహీం జీవిత చరిత్ర ఆధారంగా రూపొందిన ‘మైదాన్’ మూవీ ఎలా ఉంది? -
రివ్యూ: ప్రాజెక్ట్-Z.. సందీప్ కిషన్, లావణ్య త్రిపాఠి సైన్స్ ఫిక్షన్ థ్రిల్లర్ ఎలా ఉంది?
Project Z Movie Review: ఏడేళ్ల కిందట తమిళంలో విడుదలై తాజాగా తెలుగు ప్రేక్షకుల ముందుకు వచ్చిన ‘ప్రాజెక్ట్-Z’ ప్రేక్షకులను మెప్పించిందా? -
రివ్యూ: మంజుమ్మల్ బాయ్స్.. మలయాళ సూపర్హిట్ తెలుగులో ఎలా ఉంది?
మలయాళంలో రూ.200 కోట్లకు పైగా వసూళ్లు సాధించి రికార్డు సృష్టించిన ‘మంజుమ్మల్ బాయ్స్’ మూవీ తెలుగు ప్రేక్షకులకు నచ్చుతుందా? -
రివ్యూ: ఫ్యామిలీస్టార్.. విజయ్ దేవరకొండ ఖాతాలో హిట్ పడిందా?
Family Star Review: విజయ్ దేవరకొండ, మృణాళ్ ఠాకూర్ కీలక పాత్రల్లో నటించిన ‘ఫ్యామిలీస్టార్’ ఎలా ఉందంటే? -
రివ్యూ: టిల్లు స్క్వేర్.. సిద్ధు, అనుపమ జోడీ మేజిక్ చేసిందా?
Tillu Square Review: సిద్ధు జొన్నలగడ్డ, అనుపమ పరమేశ్వర్ జంటగా నటించిన రొమాంటిక్ క్రైమ్ కామెడీ మెప్పించిందా? -
రివ్యూ: ఆడుజీవితం: ది గోట్లైఫ్.. పృథ్వీరాజ్ సుకుమారన్ సర్వైవల్ థ్రిల్లర్ ఎలా ఉంది?
మలయాళ నటుడు పృథ్వీరాజ్ సుకుమారన్, అమలాపాల్ కీలకపాత్రల్లో బ్లెస్సీ తీసిన ‘ఆడు జీవితం’ తెలుగు ప్రేక్షకులను మెప్పించిందా? -
Om Bhim Bush Review; రివ్యూ: ఓం భీమ్ బుష్.. కామెడీ ఎంటర్టైనర్ అలరించిందా?
om bhim bush review: శ్రీ విష్ణు, ప్రియదర్శి, రాహుల్ రామకృష్ణ కీలక పాత్రల్లో నటించిన ‘ఓం భీమ్ బుష్’ ఎలా ఉందంటే? -
ThulasiVanam Review: రివ్యూ: తులసీవనం: మిడిల్క్లాస్ కుర్రాడి బయోపిక్
ఓటీటీ ‘ఈటీవీ విన్’లో విడుదలైన ‘తులసీవనం’ వెబ్సిరీస్ ఎలా ఉందంటే? -
Abraham Ozler review: రివ్యూ: అబ్రహాం ఓజ్లర్.. మలయాళ క్రైమ్ థ్రిల్లర్ ఎలా ఉంది?
Abraham Ozler review: జయరామ్, మమ్ముట్టి కీలక పాత్రల్లో నటించిన ‘అబ్రహాం ఓజ్లర్’ ఎలా ఉందంటే? -
Save The Tigers 2 Review: రివ్యూ: సేవ్ ది టైగర్స్ సీజన్ 2.. నవ్వులు రిపీట్ అయ్యాయా?
ప్రియదర్శి, అభినవ్ గోమఠం, చైతన్య కృష్ణ ప్రధాన పాత్రల్లో నటించిన వెబ్సిరీస్ ‘సేవ్ ది టైగర్స్ 2’. ఓటీటీ ‘డిస్నీ+ హాట్స్టార్’లో విడుదలైన ఈ సిరీస్ ఎలా ఉందంటే? -
Sharathulu Varthisthai Review: రివ్యూ: షరతులు వర్తిస్తాయి.. సినిమా ఎలా ఉందంటే?
Sharathulu Varthisthai Review: చైతన్యరావు కీలక పాత్రలో నటించిన ‘షరతులు వర్తిస్తాయి’ మూవీ మెప్పించిందా?
తాజా వార్తలు (Latest News)
-
టీ20 ప్రపంచకప్నకు టీమ్ ఇండియాను మీరే ఎంపిక చేయండి!
-
సరిహద్దు దాటిన మానవత్వం.. భారతీయుడి దానంతో పాక్ యువతికి కొత్త జీవితం
-
టీ20 వరల్డ్ కప్.. ‘‘ధోనీ వైల్డ్ కార్డ్ ఎంట్రీ ఇస్తే బాగుంటుంది’’
-
నేటి రాశి ఫలాలు.. 12 రాశుల ఫలితాలు ఇలా... (25/04/24)
-
ఎన్నికల బరిలో ‘పొలిమేర’ నటి..
-
శిక్షణ నుంచి తప్పించుకున్న గుర్రాలు.. లండన్ వీధుల్లో హల్చల్!