The Warriorr: రామ్‌ ‘ది వారియర్‌’.. ఆ ఓటీటీలోకి వచ్చేస్తోంది

ఇంటర్నెట్‌ డెస్క్‌: టాలీవుడ్‌ నటుడు రామ్‌ పోతినేని (Ram Pothineni), కోలీవుడ్‌ దర్శకుడు లింగు స్వామి (Lingusamy) కాంబినేషన్‌లో తెరకెక్కించిన చిత్రం ‘ది వారియర్‌’ (The Warriorr). కృతిశెట్టి కథానాయిక. ఈ సినిమా ఓటీటీ విడుదల తేదీ తాజాగా ఖరారైంది. ‘డిస్నీ+ హాట్‌స్టార్‌’లో (Disney+ Hotstar) ఆగస్టు 11 నుంచి స్ట్రీమింగ్‌ కానుంది. జులై 14న థియేటర్ల వేదికగా ప్రేక్షకుల ముందుకొచ్చిన ఈ యాక్షన్‌ చిత్రంలో విలన్‌ ఆది పినిశెట్టి- హీరో రామ్‌ మధ్య వచ్చే సన్నివేశాలు ప్రేక్షకుల్ని విశేషంగా ఆకట్టుకున్నాయి. ఈ సినిమాలో రామ్‌.. సత్య అనే పోలీసు పాత్ర పోషించారు. విధుల్లో చేరగానే ఆ ఊరి గ్యాంగ్‌స్టర్‌ గురు (ఆది పినిశెట్టి)పై దృష్టి పెడతాడు. గురుపై విజయం సాధించేందుకు సత్య ఎలాంటి ఆపరేషన్‌ చేపట్టాడు? ఆ క్రమంలో ఆయన ఎదుర్కొన సవాళ్లేంటి? విజిల్‌ మహాలక్ష్మి (కృతిశెట్టి)గా ఫేమస్‌ అయిన అమ్మాయితో సత్యకి ఉన్న సంబంధమేంటి? అనే విషయాలు ఈ కథలో ఆసక్తికరం.