The Warriorr: ట్రైలర్‌తో వారియర్‌

రామ్‌ (Ram)- లింగుస్వామి(Lingusamy) కాంబినేషన్‌లో రూపొందిన చిత్రం ‘ది వారియర్‌’ (The Warriorr). శ్రీనివాసా చిట్టూరి నిర్మాత. కృతి శెట్టి (Krithi Shetty) కథానాయిక. ఆది పినిశెట్టి (Aadi) ప్రతినాయకుడిగా నటించారు. తెలుగు, తమిళ భాషల్లో తెరకెక్కిన ఈ ద్విభాషా చిత్రం జులై 14న ప్రేక్షకుల ముందుకు రానుంది. ఈ నేపథ్యంలోనే ప్రచార పర్వంలో భాగంగా జులై 1న సాయంత్రం 7:57 గంటలకు ట్రైలర్‌ విడుదల చేయనున్నారు. ఈ విషయాన్ని చిత్ర బృందం మంగళవారం అధికారికంగా ప్రకటించింది. ‘‘కొత్తదనం నిండిన ఓ మాస్‌ యాక్షన్‌ ఎంటర్‌టైనర్‌గా ఈ చిత్రం రూపొందించాం. ఇందులో రామ్‌ శక్తిమంతమైన పోలీస్‌ అధికారిగా కనిపించనున్నారు. ఆయన లుక్‌, నటన చాలా కొత్తగా ఉంటాయి’’ అని చిత్ర వర్గాలు తెలిపాయి. సంగీతం: దేవిశ్రీ ప్రసాద్‌, మాటలు: సాయిమాధవ్‌ బుర్రా, ఛాయాగ్రహణం: సుజీత్‌ వాసుదేవ్‌.