ఈ యాక్షన్‌ సీన్స్‌ మళ్లీ మళ్లీ చూడాలనిపిస్తాయి.. మీరూ చూస్తారా?

హైదరాబాద్‌: కొన్ని యాక్షన్‌ సీన్స్‌ సినిమాకే హైలైట్‌గా నిలుస్తాయి. ఎన్నిసార్లు చూసినా, చూడాలనిపిస్తాయి. అలాంటి వాటిలో కొన్నింటిని జతచేసి, అమెజాన్‌ ప్రైమ్‌ వీడియో యూట్యూబ్‌ వేదికగా పంచుకుంది. సుకుమార్‌ దర్శకత్వంలో అల్లు అర్జున్‌ కథానాయకుడిగా నటించిన యాక్షన్‌ థ్రిల్లర్‌ ‘పుష్ప’. గతేడాది విడుదలైన ఈ సినిమా బాక్సాఫీస్‌ వద్ద ఘన విజయాన్ని అందుకుంది. ఇందులో జక్కారెడ్డిని పుష్పరాజ్‌ కాపాడేసీన్‌ మాస్‌ ప్రేక్షకులను ఎంతగానో అలరించింది. అలాగే మహేశ్‌బాబు హీరోగా పరశురామ్‌ తెరకెక్కించిన ‘సర్కారువారి పాట’లోని బీచ్‌ఫైట్‌ సినిమాకే హైలైట్‌. ఈ రెండింటితో పాటు, ‘కడువా’, ‘విరుమన్‌’ చిత్రాల్లోని యాక్షన్‌ సీన్స్‌ను అమెజాన్‌ ప్రైమ్‌ పంచుకుంది. ఇంకెందుకు ఆలస్యం ఆ ఫైట్స్‌ మీరూ చూసేయండి.