Thunivu: ఓటీటీలో ‘తునివు’ వచ్చేస్తోంది.. రిలీజ్‌ ఎప్పుడు? ఎక్కడంటే..?

ఇంటర్నెట్‌డెస్క్‌: స్టార్‌ హీరో అజిత్ (Ajith) ప్రధాన పాత్రలో నటించిన యాక్షన్‌ ఎంటర్‌టైనర్‌ ‘తునివు’ (Thunivu). తెలుగులో ఇదే చిత్రం ‘తెగింపు’ పేరుతో విడుదలైంది. సంక్రాంతి కానుకగా ప్రేక్షకుల ముందుకు వచ్చిన ఈ సినిమా కోలీవుడ్‌లో విజయాన్ని అందుకుంది. ఈ నేపథ్యంలోనే తాజాగా ఈ సినిమా ఓటీటీ విడుదలకు సిద్ధమైంది. ప్రముఖ ఓటీటీ ఫ్లాట్‌ఫామ్‌ నెట్‌ఫ్లిక్స్‌ వేదికగా ఫిబ్రవరి 8 నుంచి అన్ని భాషల్లో ఇది అందుబాటులో ఉండనుంది.

కథేంటంటే: పోలీస్ అధికారితో క‌లిసి ఓ ముఠా విశాఖ‌లోని యువ‌ర్ బ్యాంక్‌లో రూ.500 కోట్ల దోపిడీకి వ్యూహం ర‌చిస్తుంది. పక్కా ప్రణాళిక‌తో బ్యాంక్‌లోకి చొర‌బ‌డిన ముఠా వ్యూహాన్ని చిత్తు చేస్తూ అక్కడ డార్క్ డెవిల్ (అజిత్‌) ప్రత్యక్షం అవుతాడు. దొంగల ముఠాని పట్టుకునేందుకు పోలీస్ క‌మిష‌న‌ర్ (స‌ముద్రఖ‌ని) రంగంలోకి దిగుతాడు. మ‌రి డార్క్ డెవిల్ బ్యాంక్ దోపిడీ కోస‌మే వ‌చ్చాడా? బ్యాంక్‌లో ఉన్నది రూ.500 కోట్లే అన్న లెక్క‌.. ఆ త‌ర్వాత ఎలా మారింది? ఇంత‌కీ ఈ డార్క్ డెవిల్ ఎవ‌రు? అత‌డి ల‌క్ష్యం ఏమిట‌నే ఆసక్తికర కథాంశంతో ఈ సినిమా రూపుదిద్దుకుంది.