Published : 19 Apr 2022 17:58 IST

Tiger Nageswara Rao: టైగర్‌ నాగేశ్వరరావు కోసం రూ.7కోట్ల భారీ సెట్‌?

హైదరాబాద్‌: రవితేజ కథానాయకుడిగా వంశీ దర్శకత్వంలో తెరకెక్కుతున్న చిత్రం ‘టైగర్‌ నాగేశ్వరరావు’. ఇటీవల సెట్స్‌పైకి వెళ్లిన ఈ సినిమా త్వరలోనే రెగ్యులర్‌ షూటింగ్‌ జరుపుకోనుంది. ఈ సందర్భంగా ఓ ఆసక్తికర వార్త టాలీవుడ్‌లో చక్కర్లు కొడుతోంది. ఈ సినిమా కోసం చిత్ర బృందం రూ.7కోట్ల భారీ సెట్‌ను నిర్మిస్తోందట. ప్రముఖ ఆర్ట్‌ డైరెక్టర్‌ అవినాష్‌ కొల్ల సారథ్యంలో ఈ సెట్‌ తీర్చిదిద్దుతున్నారట. అవినాష్‌ గతంలో ‘మహానటి’, ‘జెర్సీ’, ‘ఎవరు’, ‘శ్యామ్‌ సింగరాయ్‌’తదితర చిత్రాలకు పనిచేశారు. ఇప్పుడు ‘టైగర్‌ నాగేశ్వరరావు’ కోసం స్టువర్టుపురం ప్రాంతాన్ని తీర్చిదిద్దుతున్నారు. శంషాబాద్‌ సమీపంలో 5 ఎకరాల స్థలంలో ఈ సెట్‌ను రూపొందిస్తున్నారు.

ఇక సినిమా కోసం రవితేజ ప్రత్యేకంగా సిద్ధమవుతున్నారు. ఆయన డిక్షన్‌, డైలాగ్ డెలవరీ, గెటప్‌ గత చిత్రాలకు పూర్తి భిన్నంగా ఉంటుందని టాక్‌. మునుపెన్నడూ రవితేజ ఇలాంటి పాత్ర చేయలేదు. దీంతో ఈ సినిమాపై మంచి అంచనాలే నెలకొన్నాయి. తెలుగు, తమిళ, కన్నడ, మలయాళ, హిందీ భాషల్లో ఈ చిత్రం విడుదల కానుంది.

Read latest Movies News and Telugu News

 Follow us on Facebook, Twitter, Instagram, Koo, ShareChat and Google News.

Tags :

గమనిక: ఈనాడు.నెట్‌లో కనిపించే వ్యాపార ప్రకటనలు వివిధ దేశాల్లోని వ్యాపారస్తులు, సంస్థల నుంచి వస్తాయి. కొన్ని ప్రకటనలు పాఠకుల అభిరుచిననుసరించి కృత్రిమ మేధస్సు సాంకేతికతతో పంపబడతాయి. ఏ ప్రకటనని అయినా పాఠకులు తగినంత జాగ్రత్త వహించి, ఉత్పత్తులు లేదా సేవల గురించి సముచిత విచారణ చేసి కొనుగోలు చేయాలి. ఆయా ఉత్పత్తులు / సేవల నాణ్యత లేదా లోపాలకు ఈనాడు యాజమాన్యం బాధ్యత వహించదు. ఈ విషయంలో ఉత్తర ప్రత్యుత్తరాలకి తావు లేదు.


మరిన్ని

ap-districts
ts-districts