Trisha: 14 ఏళ్ల తర్వాత..

‘విక్రమ్‌’(Vikram)తో గతేడాది సంచలన విజయం అందుకున్నారు దర్శకుడు లోకేశ్‌ కనకరాజ్‌ (Lokesh KanagaRaj). ఆ చిత్రం భాషలతో సంబంధం లేకుండా ప్రేక్షకుల్ని అలరించింది. ఈ నేపథ్యంలో లోకేశ్‌ కనకరాజ్‌ సృష్టించిన సినిమాటిక్‌ యూనివర్స్‌ గురించి మరింతగా చర్చ జరిగింది. ‘విక్రమ్‌’ తర్వాత విజయ్‌ (Vijay) కథానాయకుడిగా సినిమాని తెరకెక్కిస్తున్నారు లోకేశ్‌. ‘దళపతి 67’గా  పట్టాలెక్కుతున్న ఆ చిత్రంలో కథానాయికగా త్రిష (Trisha) ఎంపికైనట్టు సినీవర్గాలు ప్రకటించాయి. విజయ్‌ - త్రిషలు 14 ఏళ్ల విరామం తర్వాత మళ్లీ కలిసి నటిస్తున్నారు. సంజయ్‌దత్‌, ప్రియా ఆనంద్‌, అర్జున్‌ సర్జా, గౌతమ్‌ మేనన్‌, మిస్కిన్‌, మన్సూర్‌ అలీఖాన్‌, మాథ్యూ థామస్‌ తదితరులు నటిస్తున్న ఈ చిత్రాన్ని 7 స్క్రీన్‌ స్టూడియో పతాకంపై ఎస్‌.ఎస్‌.లలిత్‌కుమార్‌ నిర్మిస్తున్నారు. అనిరుధ్‌ స్వరాలు సమకూరుస్తుండగా, మనోజ్‌ పరమహంస కెమెరా ఛాయాగ్రాహకుడు.