Radheshyam: తెలంగాణ ప్రభుత్వ నిర్ణయంతో ప్రభాస్‌ ఫ్యాన్స్ హ్యాపీ

హైదరాబాద్‌: ‘రాధేశ్యామ్‌’ విడుదల కోసం రెబల్‌స్టార్‌ అభిమానులందరూ ఎంతగానో ఎదురుచూస్తున్నారు. ఈ క్రమంలోనే సినీ ప్రియులందరికీ తెలంగాణ ప్రభుత్వం శుభవార్త చెప్పింది. ప్రభాస్‌ కథానాయకుడిగా నటించిన ‘రాధేశ్యామ్‌’ సినిమా ఐదో ఆటకు అనుమతి ఇస్తున్నట్లు ఉత్తర్వులు జారీ చేసింది. ఈ మేరకు మార్చి 11 నుంచి 25 వరకూ ఐదో షో ప్రదర్శించుకోవచ్చని తెలిపింది. తెలంగాణ ప్రభుత్వం తీసుకున్న నిర్ణయం పట్ల ప్రభాస్‌ అభిమానులు ఆనందం వ్యక్తం చేస్తున్నారు. వరుస కమర్షియల్‌, యాక్షన్‌ సినిమాల తర్వాత ప్రభాస్‌ లవర్‌బాయ్‌ రోల్‌ పోషించిన చిత్రమిది. వింటేజ్‌ ప్రేమకథగా రూపుదిద్దుకున్న ఈ సినిమాలో ప్రభాస్‌ సరసన పూజాహెగ్డే నటించారు. రాధాకృష్ణ కుమార్‌ దర్శకుడు.