‘ఉప్పెన’ జోడీగా సుధీర్‌-రష్మి సందడి

ఇంటర్నెట్‌ డెస్క్‌: ‘వీడు ముసలోడు అవ్వకూడదు’ అంటూ బేబమ్మగా వెండి తెరపై సందడి చేసింది కృతిశెట్టి. ఇప్పుడదే సందడిని బుల్లి తెరపైకి తీసుకొస్తుంది రష్మి. సుధీర్‌ని ఉద్దేశిస్తూ ఈ డైలాగ్‌ చెప్పి ఆకట్టుకుంటోంది. ప్రతి పండగకు ప్రత్యేక కార్యక్రమాలతో తెలుగు ప్రేక్షకులను అలరిస్తోన్న ఈటీవీ ఉగాది సందర్భంగా ‘ఉగాది జాతిరత్నాలు’ కార్యక్రమాన్ని రూపొందించింది. దీనికి ‘టక్‌ జగదీష్‌’ చిత్ర కథానాయకుడు నాని, రీతూ వర్మ అతిథులుగా విచ్చేశారు. ఈ షోలోనే సుధీర్- రష్మి ‘ఉప్పెన’ జోడీగా మారి జల జల జలపాతం గీతంలో కనిపించి, అందులోని ఫేమస్‌ డైలాగ్‌ చెప్పి అలరించారు.

ఈ కార్యక్రమంలో సుధీర్‌- రష్మి ప్రేమకథతోపాటు పవన్‌ కల్యాణ్‌గా సుధీర్‌, జూనియర్‌ ఎన్టీఆర్‌గా రామ్‌ ప్రసాద్‌, రామ్‌ చరణ్‌గా ఆది వేసిన స్టెప్పులు ఆకట్టుకుంటున్నాయి. గాయకుడు మనో, నటి పూర్ణ మధ్య సాగే సన్నివేశాలు నవ్వులు పూయిస్తున్నాయి. మరి ఈ హంగామా అంతా చూడాలంటే ఉగాది వరకు ఆగాల్సిందే. అప్పటి వరకు ఈ ప్రోమో చూసి ఆనందించండి...