Published : 19 Jan 2022 01:22 IST

Tollywood: ఈ వారం థియేటర్‌/ఓటీటీలో విడుదలయ్యే సినిమాలు

upcoming movies: రోజు రోజుకీ పెరుగుతున్న కరోనా కేసులు సినిమా షెడ్యూల్స్‌ను తారుమారు చేశాయి. సంక్రాంతికి సందడి చేయాల్సిన పెద్ద సినిమాలు విడుదలను వాయిదా వేసుకున్నాయి. చిన్న సినిమాలు బాక్సాఫీస్‌ వద్ద సందడి చేస్తున్నాయి. ఈ క్రమంలో ఈ వారం కూడా కొన్ని చిన్న చిత్రాలు అలరించేందుకు సిద్ధమయ్యాయి. వాటితో పాటు, ఓటీటీలోనూ అలరించే చిత్రాలు రెడీగా ఉన్నాయి. అవేంటో చూసేయండి.

‘వర్మ.. వీడు తేడా’

ట్టి క్రాంతి, ముస్కాన్‌, సుపూర్ణ మలాకర్‌ నాయకానాయికలుగా నటిస్తున్న చిత్రం ‘వర్మ’. వీడు తేడా.. అనేది ఉపశీర్షిక. నట్టి కుమార్‌ తెరకెక్కిస్తున్నారు. నట్టి కరుణ నిర్మాత. ఈ సినిమా తెలుగు, హిందీ, తమిళ, కన్నడ, మలయాళ భాషల్లో జనవరి 21న విడుదల కానుంది. ‘ఎంతో హాయిగా సాగిపోతున్న ఓ సాఫ్ట్‌వేర్‌ కుర్రాడి జీవితంలో కొన్ని అనూహ్య సంఘటనలు చోటు చేసుకుంటాయి. దాంతో అతని జీవితం ఎలా మారిపోయింది? ఆ తర్వాత ఏం జరిగింది? అన్న ఆసక్తికర మలుపులతో సినిమా సాగుతుంది’ అని చిత్ర బృందం చెబుతోంది. మరి వర్మ కథేంటో చూడాలి.


‘ఉనికి’ చాటిందా?

ఆశిష్‌గాంధీ కథానాయకుడిగా ఎవర్‌గ్రీన్‌ ఎంటర్‌టైన్‌మెంట్స్‌ పతాకంపై తెరకెక్కుతున్న చిత్రం ‘ఉనికి’. చిత్రశుక్లా  కథానాయిక. రాజ్‌కుమార్‌ బాబీ దర్శకత్వం వహిస్తున్నారు. బాబీ ఏడిద, రాజేష్‌ బొబ్బూరి నిర్మాతలు. ‘ఒక మధ్య తరగతి కుటుంబంలో పుట్టిన ఓ యువతి కష్టపడి చదివి కలెక్టర్‌ అవుతుంది. సమాజానికి మంచి చేయాలనుకున్న ఆమెకి ఎటువంటి పరిస్థితులు ఎదురయ్యాయి? వాటిని ఎలా అధిగమించి తన ‘ఉనికి’ని చాటుకుందనేది తెరపైనే చూడాలి. జనవరి 21న ఈ సినిమా ప్రేక్షకుల ముందుకు రానుంది.


వినూత్న కథతో ‘వధుకట్నం’

శ్రీహర్ష, ప్రియా శ్రీనివాస్‌, అనన్యా పాణిగ్రహి, జాన్‌ కుషాల్‌, రఘు.జి, కవిత శ్రీరంగం, ఆర్యన్‌ గౌర తదితరులు ప్రధాన పాత్రల్లో నటించిన చిత్రం ‘వధుకట్నం’. భార్గవ గొట్టిముక్కల దర్శకుడు. షేక్‌బాబు సాహేబ్‌ నిర్మించారు. అన్ని కార్యక్రమాలు పూర్తి చేసుకున్న ఈ సినిమా జనవరి 21న థియేటర్‌లలో విడుదల కానుంది. ‘‘ప్రస్తుత సమాజంలో మహిళలు ఎన్నో రంగాల్లో పురుషులతో సమానంగా రాణిస్తున్నారు. కానీ, ఇంకా వారి పట్ల వివక్ష కొనసాగుతూనే ఉంది. గర్భంలో ఉండగానే ఆడ శిశువుల్ని చంపేస్తున్నారు. ఫలితంగా ఆడపిల్లల సంఖ్య తగ్గిపోతుంది. ఇదిలాగే కొనసాగితే.. పెళ్లి కోసం మగపిల్లలే ఆడపిల్లలకు ‘వధుకట్నం’ ఇవ్వాల్సి వస్తుందన్న సందేశంతో ఈ సినిమా తెరకెక్కించాం. ఇది అన్ని వర్గాల ప్రేక్షకులకు నచ్చేలా ఉంటుందని చిత్ర బృందం చెబుతోంది.


ఈ వారం ఓటీటీలో విడుదలయ్యే చిత్రాలివే!

ఇక ఓటీటీలో మాస్‌ జాతర

బాలకృష్ణ కథానాయకుడిగా బోయపాటి శ్రీను దర్శకత్వంలో తెరకెక్కిన చిత్రం ‘అఖండ’. డిసెంబరులో విడుదలైన ఈ సినిమా బాక్సాఫీస్‌ వద్ద ఘన విజయాన్ని అందుకుంది. ఇప్పటికీ థియేటర్‌లలో విజయవంతంగా ప్రదర్శితమవుతూ 50రోజులకు చేరువైంది. కాగా, జనవరి 21న డిస్నీ+హాట్‌ స్టార్‌ వేదికగా ‘అఖండ’ స్ట్రీమింగ్‌ కానుంది. బాలకృష్ణ నటన, బోయపాటి టేకింగ్‌, తమన్‌ నేపథ్య సంగీతానికి థియేటర్లు దద్దరిల్లిపోగా, 21వ తేదీ నుంచి హోంథియేటర్లు వంతు రానుంది.


శ్యామ్‌ సింగరాయ్‌ కూడా ఓటీటీలో..

‘అఖండ’ తర్వాత ఈ వారం ఓటీటీలో అలరించేందుకు వస్తున్న మరో పెద్ద చిత్రం ‘శ్యామ్‌ సింగరాయ్‌’. రాహుల్ సాంకృత్యన్‌ దర్శకత్వంలో వచ్చిన ఈ సినిమా మంచి టాక్‌ తెచ్చుకుంది. ముఖ్యంగా దేవదాసీ వ్యవస్థపై పోరాటం చేసే వ్యక్తి శ్యామ్‌ సింగరాయ్‌గా నాని, దేవదాసిగా సాయిపల్లవి నటన హైలైట్‌గా నిలిచింది. జనవరి 21న నెట్‌ఫ్లిక్‌ వేదికగా ఈ చిత్రం స్ట్రీమింగ్‌ కానుంది.


లూజర్‌2

ప్రియదర్శి, ధన్యా బాలకృష్ణన్, కల్పికా గణేష్, శశాంక్, పావనీ గంగిరెడ్డి, హర్షిత్ రెడ్డి ప్రధాన పాత్రల్లో నటించిన ‘జీ 5’ ఒరిజినల్ సిరీస్ ‘లూజర్ 2’. సూపర్ హిట్ సిరీస్ ‘లూజర్’కు సీక్వెల్‌గా వస్తోంది. అభిలాష్ రెడ్డి దర్శకత్వంలో తొలి సీజన్ తెరకెక్కింది. ఇప్పుడు ‘లూజర్ 2’కు అభిలాష్ రెడ్డి, శ్రవణ్ మాదాల దర్శకత్వం వహించారు.  ఇక ఈ నెల 21న ‘జీ 5’లో ఈ సిరీస్ స్ట్రీమింగ్ కానుంది.


Read latest Movies News and Telugu News

 Follow us on Facebook, Twitter, Instagram, Koo, ShareChat and Google News.

Tags :

గమనిక: ఈనాడు.నెట్‌లో కనిపించే వ్యాపార ప్రకటనలు వివిధ దేశాల్లోని వ్యాపారస్తులు, సంస్థల నుంచి వస్తాయి. కొన్ని ప్రకటనలు పాఠకుల అభిరుచిననుసరించి కృత్రిమ మేధస్సు సాంకేతికతతో పంపబడతాయి. ఏ ప్రకటనని అయినా పాఠకులు తగినంత జాగ్రత్త వహించి, ఉత్పత్తులు లేదా సేవల గురించి సముచిత విచారణ చేసి కొనుగోలు చేయాలి. ఆయా ఉత్పత్తులు / సేవల నాణ్యత లేదా లోపాలకు ఈనాడు యాజమాన్యం బాధ్యత వహించదు. ఈ విషయంలో ఉత్తర ప్రత్యుత్తరాలకి తావు లేదు.


మరిన్ని

జిల్లా వార్తలు

బిజినెస్

మరిన్ని

క్రీడలు

మరిన్ని

పాలిటిక్స్

మరిన్ని

వెబ్ ప్రత్యేకం

మరిన్ని

జాతీయం

మరిన్ని

జనరల్

మరిన్ని