Telugu Movies: ఉగాది స్పెషల్‌.. ఈ వారం థియేటర్‌/ఓటీటీలో వచ్చే చిత్రాలివే!

ఇంటర్నెట్‌ డెస్క్‌: గతవారం, అంతకుముందు వారం విడుదలైన సినిమాలు థియేటర్లలో సందడి చేస్తూనే ఉన్నాయి. మరోవైపు, ‘ఉగాది’ని పురస్కరించుకుని పలు చిత్రాలు ఈ బుధవారం ప్రేక్షకుల ముందుకొచ్చేందుకు సిద్ధమయ్యాయి. కొన్ని థియేటర్ల వేదికగా.. కొన్ని ఓటీటీ వేదికగా అలరించనున్నాయి. అవేంటంటే?

ధమ్కీ ఇచ్చేందుకు..

‘పాగల్‌’ తర్వాత విశ్వక్‌సేన్‌ (Vishwak Sen), నివేదా పేతురాజ్‌ కలిసి నటించిన చిత్రం ‘దాస్‌ కా ధమ్కీ’ (Das Ka Dhamki). విశ్వక్‌సేనే ఈ సినిమాకి దర్శకత్వం వహించారు. యాక్షన్‌- కామెడీ తరహాలో రూపొందింది.

రంగస్థల కళాకారుల జీవితం..

రంగస్థల కళాకారుల జీవితాన్ని ‘రంగమార్తాండ’ (Rangamarthanda)తో తెరపైకి తీసుకొచ్చే ప్రయత్నం చేశారు దర్శకుడు కృష్ణవంశీ. మరాఠీ హిట్‌ చిత్రం ‘నట్‌సామ్రాట్‌’కు రీమేక్‌గా దాన్ని రూపొందించారాయన. ప్రకాశ్‌రాజ్‌, బ్రహ్మానందం, రమ్యకృష్ణ, రాహుల్‌ సిప్లిగంజ్‌, శివాత్మిక రాజశేఖర్‌ తదితరులు నటించారు.

భయపెడుతూ నవ్వించేందుకు

కాజల్‌ అగర్వాల్‌ (Kajal Aggarwal) ప్రధాన పాత్రధారిగా దర్శకుడు కల్యాణ్‌ తెరకెక్కించిన తమిళ చిత్రం ‘ఘోస్టి’. తెలుగులో ‘కోస్టి’ పేరుతో రిలీజ్‌ అవుతోంది. హారర్‌ కామెడీ నేపథ్యంలో రూపొందిన ఈ సినిమాలో యోగిబాబు, ఊర్వశి తదితరులు కీలక పాత్రలు పోషించారు.

థియేటర్లలో.. మరికొన్ని

* గీతసాక్షిగా (మార్చి 22)

ఓటీటీల్లో సందడి చేసేందుకు..

ఈటీవీ విన్‌

* పంచతంత్రం

ఆహా

* వినరో భాగ్యము విష్ణుకథ

నెట్‌ఫ్లిక్స్‌

* అమెరికన్‌ అపోకలిప్స్‌ (ఇంగ్లిష్‌)

* జానీ (ఇంగ్లిష్‌) (మార్చి 23)