Allu Sirish: రొమాంటిక్‌గా అల్లు శిరీష్‌ ‘ఊర్వశివో రాక్షసివో’ టీజర్‌

ఇంటర్నెట్‌ డెస్క్‌: అల్లు శిరీష్‌ (Allu Sirish) హీరోగా తెరకెక్కుతున్న చిత్రం ‘ఊర్వశివో రాక్షసివో’ (Urvasivo Rakshasivo). అను ఇమ్మాన్యుయేల్‌ కథానాయిక. రాకేష్‌ శశి దర్శకత్వం వహిస్తున్నారు. తాజాగా చిత్ర బృందం టీజర్‌ను విడుదల చేసింది. యువత లక్ష్యంగా ఈ సినిమాని తెరకెక్కిస్తున్నట్టు టీజర్‌లో వినిపించిన సంభాషణలను బట్టి అర్థమవుతోంది. స్నేహానికి, ప్రేమకు మధ్య తేడాను వివరించే కథతో ఈ చిత్రాన్ని రూపొందిస్తున్నట్టు తెలుస్తోంది. హీరోహీరోయిన్లు స్టైలిష్‌గా కనిపించారు. టీజర్‌లో వెన్నెల కిశోర్‌ తనదైన శైలి హాస్యం పంచారు. గీతా ఆర్ట్స్‌ 2 పతాకంపై ధీరజ్‌ మొగిలినేని నిర్మిస్తున్న ఈ చిత్రానికి అచ్చు రాజమణి సంగీతం అందిస్తున్నారు. ఈ సినిమా నవంబరు 4న ప్రేక్షకుల ముందుకు రానుంది.