Manike Mage Hithe: అమెరికాలోనూ ‘మాణికే మాగే హితే’ ట్రెండ్‌ 

ఇంటర్నెట్‌ డెస్క్‌: మొబైల్‌ రింగ్‌ టోన్స్‌ నుంచి ఇన్‌స్టాగ్రామ్‌ రీల్స్‌ వరకూ సింగర్‌ యొహిని పాడిన ‘మాణికే మాగే హితే’ పాట ఎంత ఫేమస్‌ అయ్యిందో మనందరికీ తెలిసిందే. బాలీవుడ్‌ నటులు అమితాబ్‌ బచ్చన్‌, మాధురి దీక్షిత్ తో పాటు సంగీత ప్రియులందరూ ఈ పాటకు ఫిదా అయ్యారు. శ్రీలంక భాషలో ఈ ఒరిజినల్‌ పాట రాగా.. తరువాత హిందీ, తెలుగు, తమిళ, కన్నడ బెంగాళీ వర్షెన్స్‌లోనూ ఈ సాంగ్‌ విడుదలైంది. తాజాగా అమెరికాలోనూ ‘మాణికే మాగే హితే’  క్రేజ్‌ సంపాదించుకుంది. కాలిఫోర్నియాకి చెందిన ఓ 12ఏళ్ల అమ్మాయి కరోలినా ప్రోట్సెంకో ఈపాటను రోడ్‌మీద డ్యాన్స్‌ చేస్తూ వయోలిన్‌తో ప్లే చేయగా.. అక్కడున్న వారంతా ఆకర్షితులై  కెమెరాల్లో బంధించారు.  ఆ వీడియోను ఇన్‌స్టాగ్రామ్‌ వేదికగా పంచుకున్నారామె.