Ravi Teja: ప్రభుత్వ అధికారిగా రవితేజ.. ‘ఆన్‌ డ్యూటీ’ అప్పటి నుంచే!

ఇంటర్నెట్‌ డెస్క్‌: ప్రముఖ నటుడు రవితేజ చేతిలో ఇప్పుడు నాలుగు సినిమాలున్నాయి. వాటిలో ప్రభుత్వ అధికారిగా నటిస్తున్న చిత్రం ‘రామారావు ఆన్‌ డ్యూటీ’. శరత్‌ మండవ దర్శకత్వం వహిస్తున్నారు. దివ్యాంశ కౌశిక్‌ కథానాయిక. ఈ సినిమా విడుదల తేదీని చిత్ర బృందం ఖరారు చేసింది. 2022 మార్చి 25న ఈ సినిమాని ప్రేక్షకుల ముందుకు తీసుకొస్తున్నట్టు సామాజిక మాధ్యమాల వేదికగా ప్రకటించింది. ఈ మేరకు ఓ పోస్టర్‌ను విడుదల చేసింది. ఈ సినిమా వాస్తవ సంఘటనల ఆధారంగా థ్రిల్లర్‌ నేపథ్యంలో రూపొందుతోంది. సుధాకర్‌ చెరుకూరి నిర్మిస్తున్నారు. సామ్‌ సి.ఎస్‌. సంగీతం అందిస్తున్నారు. ఈ చిత్రంతోపాటు ‘ఖిలాడి’, ‘ధమాకా’, ‘టైగర్‌ నాగేశ్వరరావు’లతో రవితేజ బిజీగా ఉన్నారు. 

► Read latest Cinema News and Telugu News