Updated : 21 Jan 2022 07:12 IST

Vaani Kapoor: అది నటులకున్న వరం

బాలీవుడ్‌ గ్లామర్‌ డాల్‌గా  గుర్తింపుతెచ్చుకున్న వాణీకపూర్‌ కొత్త దారిలో వెళుతోంది. ఇటీవల ఆమె ట్రాన్స్‌ గర్ల్‌ పాత్రలో నటించింది. ఆయుష్మాన్‌ ఖురానా కథానాయకుడిగా నటించిన ‘ఛంఢీగడ్‌ కరే ఆషికీ’ చిత్రంలో ట్రాన్స్‌గర్ల్‌ మాన్విగా అందరినీ అలరిస్తోంది. నెట్‌ఫ్లిక్స్‌లో విడుదలైన ఈ సినిమాలో వాణీ పాత్రకు ప్రశంసలు దక్కాయి. భారీ బడ్జెట్‌తో రణ్‌బీర్‌ కపూర్‌ ప్రధాన పాత్రలో తెరకెక్కుతోన్న ‘షమ్‌షేరా’లో నాయికగా నటిస్తోంది. ‘‘ఛంఢీగడ్‌ కరే ఆషికీ’, ‘షమ్‌షేరా’ చిత్రాల్లో నా నటన చూశాకా నేను ఏ పాత్రైనా పోషించగలను అనే నమ్మకం దర్శకనిర్మాతల్లో కలుగుతుందని బలంగా చెబుతోంది వాణి. ‘‘నా సినిమాల జాబితాలో సాధ్యమైనన్ని వైవిధ్యమైన చిత్రాలు ఉండాలని కోరుకుంటున్నాను. దర్శకనిర్మాతలు నాపై నమ్మకం కలిగి గొప్ప చిత్రాలు తీయడంలో సిద్ధహస్తులైన దర్శకుల సినిమాల్లో భాగం కావాలనుకుంటున్నాను. నేను ఒప్పుకొన్న పాత్ర కోసం వందశాతం కష్టపడతాను. ఒకే మనిషి రకరకాల పాత్రల్లో కనిపించే వరం నటులకు మాత్రమే దక్కుతుంది. ఈ చిన్న జీవితంలో ఎన్నో కొత్త పాత్రల పోషిస్తూ ముందుకెళ్లడానికి కృషి చేస్తున్నాను’’అని చెప్పింది వాణి. గతేడాది ఆమె అక్షయ్‌కుమార్‌తో నటించిన ‘బెల్‌బాటమ్‌’ థియేటర్లలో విడుదలై మంచి చిత్రంగా నిలిచింది.

Read latest Movies News and Telugu News

 Follow us on Facebook, Twitter, Instagram, Koo, ShareChat and Google News.

Tags :

గమనిక: ఈనాడు.నెట్‌లో కనిపించే వ్యాపార ప్రకటనలు వివిధ దేశాల్లోని వ్యాపారస్తులు, సంస్థల నుంచి వస్తాయి. కొన్ని ప్రకటనలు పాఠకుల అభిరుచిననుసరించి కృత్రిమ మేధస్సు సాంకేతికతతో పంపబడతాయి. ఏ ప్రకటనని అయినా పాఠకులు తగినంత జాగ్రత్త వహించి, ఉత్పత్తులు లేదా సేవల గురించి సముచిత విచారణ చేసి కొనుగోలు చేయాలి. ఆయా ఉత్పత్తులు / సేవల నాణ్యత లేదా లోపాలకు ఈనాడు యాజమాన్యం బాధ్యత వహించదు. ఈ విషయంలో ఉత్తర ప్రత్యుత్తరాలకి తావు లేదు.


మరిన్ని

జిల్లా వార్తలు

బిజినెస్

మరిన్ని

క్రీడలు

మరిన్ని

పాలిటిక్స్

మరిన్ని

వెబ్ ప్రత్యేకం

మరిన్ని

జాతీయం

మరిన్ని

జనరల్

మరిన్ని