Vaarasudu: దిల్‌రాజు ఇంట ‘వారసుడు’ వేడుకలు.. డ్యాన్స్‌ చేసిన నిర్మాత మనవరాలు

హైదరాబాద్‌: విజయ్‌ (Vijay) హీరోగా దిల్‌రాజు (Dil Raju) నిర్మించిన చిత్రం ‘వారిసు’ (Vaarisu). సంక్రాంతి కానుకగా ఈ సినిమా తమిళంతోపాటు తెలుగులోనూ విడుదలైంది. ఈ నేపథ్యంలో శనివారం రాత్రి హైదరాబాద్‌లోని దిల్‌రాజు నివాసంలో ‘వారసుడు’ సక్సెస్‌ సెలబ్రేషన్స్‌ (Vaarasudu Success Party) జరిగాయి. ఈ వేడుకల్లో హీరో విజయ్‌ సందడి చేశారు. ఇతర చిత్రబృందంతోపాటు దిల్‌రాజు కుటుంబసభ్యులతోనూ ఆయన ఫొటోలు దిగారు. దిల్‌రాజు మనవరాలు ఇషిత ఈ వేడుకల్లో ‘రంజితమే’ పాటకు డ్యాన్స్‌ చేసింది. దీనిని చూసి మురిసిపోయిన విజయ్‌ ఆ పాపను ఎత్తుకుని ప్రత్యేకంగా అభినందించారు. ప్రస్తుతం ఈ ఫొటోలు నెట్టింట వైరల్‌గా మారాయి. మరోవైపు, రష్మిక ఈ వేడుకల్లో కనిపించలేదు.