Valimai: అజిత్‌ ‘వలిమై’ తెలుగు ట్రైలర్‌ వచ్చేసింది..!

ఇంటర్నెట్‌ డెస్క్‌: సినీ అభిమానులు ఎప్పుడెప్పుడా అని ఎదురుచూస్తున్న ‘వలిమై’ తెలుగు ట్రైలర్‌ వచ్చేసింది. ఈ ట్రైలర్‌ను మహేశ్‌బాబు సోషల్‌ మీడియా వేదికగా విడుదల చేశారు. ఈ చిత్రం మంచి విజయం అందుకోవాలని ఆకాంక్షించారు. బైక్‌ ఛేజింగ్‌ సన్నివేశంతో మొదలయ్యే ఈ ప్రచార చిత్రం ఆసక్తిగా సాగింది. అజిత్‌ సీబీసీఐడీ అధికారిగా, ప్రతినాయకుడి పాత్రలో కార్తికేయ అందరినీ ఆకట్టుకునేలా ఉన్నారు. అజిత్‌, కార్తికేయ లుక్స్‌, వారు చెప్పిన సంభాషణలు మెప్పిస్తున్నాయి. హెచ్‌. వినోద్‌ దర్శకత్వం వహించిన ఈ సినిమాలో హ్యూమా ఖురేషి కథానాయిక. సుమిత్ర, అచ్చుత్‌ కుమార్‌, యోగిబాబు తదితరులు కీలక పాత్రలు పోషించారు. యువన్‌ శంకర్‌ రాజా సంగీతం అందించారు. జీ స్టూడియోస్‌ సంస్థతో కలిసి బోనీ కపూర్‌ నిర్మించిన ఈ చిత్రం తమిళం, తెలుగు, కన్నడ, హిందీ భాషల్లో ఫిబ్రవరి 24న విడుదలకానుంది.