రాధికా ఆంటీ.. నా సీక్రెట్స్‌ బయటపెట్టేస్తుంది..!

కోలీవుడ్‌ ప్రముఖ నటుడు శరత్‌కుమార్‌ కుమార్తెగా వెండితెరకు పరిచయమైనప్పటికీ ఇండస్ట్రీలో ఎన్నో ఆటుపోట్లు ఎదుర్కొన్నారు నటి వరలక్ష్మి. ఇటీవల కాలంలో తమిళం, మలయాళం, కన్నడ చిత్ర పరిశ్రమల్లో మంచి గుర్తింపు తెచ్చుకున్న ఈ ముద్దుగుమ్మ ప్రస్తుతం....

Published : 22 Jan 2021 01:45 IST

నటి వరలక్ష్మి శరత్‌కుమార్‌

హైదరాబాద్‌: కోలీవుడ్‌ ప్రముఖ నటుడు శరత్‌కుమార్‌ కుమార్తెగా వెండితెరకు పరిచయమైనప్పటికీ ఇండస్ట్రీలో ఎన్నో ఆటుపోట్లు ఎదుర్కొన్నారు నటి వరలక్ష్మి. ఇటీవల కాలంలో తమిళం, మలయాళం, కన్నడ చిత్ర పరిశ్రమల్లో మంచి గుర్తింపు తెచ్చుకున్న ఈ ముద్దుగుమ్మ ప్రస్తుతం తెలుగులో తన సత్తా చాటుకుంటున్నారు. ప్రతినాయకురాలు లక్షణాలున్న పాత్రలో నటిస్తూ ప్రతిభ నిరూపించుకొంటున్నారు. ఇటీవల ఆమె.. లేడీ విలన్‌గా కనిపించిన ‘క్రాక్‌’ బాక్సాఫీస్‌ వద్ద భారీ వసూళ్లను రాబట్టింది. అంతేకాకుండా ఆమెకు మంచి గుర్తింపు తెచ్చిపెట్టింది. ఈ నేపథ్యంలో తన సినీ కెరీర్‌ గురించి వరలక్ష్మి కొన్ని ఆసక్తికర విషయాలను వెల్లడించారు.

‘నాకు 17 ఏళ్ల వయసు ఉన్నప్పుడు శంకర్‌ ‘బాయ్స్‌’ సినిమాలో అవకాశం లభించింది. ఆ సినిమా ఆడిషన్స్‌లో కూడా సెలెక్ట్‌ అయ్యాను. కాకపోతే నా వయసు చాలాక పోవడంతో.. మా నాన్న ఒప్పుకోలేదు. దాంతో ఆ సినిమా చేజారిపోయింది. అలా ఆ సినిమాలో నటించే అవకాశం జెనీలియాకు దక్కింది. అనంతరం చదువు పూర్తి చేసిన తర్వాత ‘పోడాపోడి’తో నటిగా ఎంట్రీ ఇచ్చాను’

‘పిల్లల్ని ఇండస్ట్రీలోకి పంపించడం మా నాన్నకు ఇష్టం లేదు. మొదట్లో నేను సినీ పరిశ్రమలోకి వస్తానంటే నాన్న ఒప్పుకోలేదు. కానీ, ఇప్పుడు నా నటనను చూసి ఆయన ఎంతో సంతోషిస్తున్నారు. రాధికా ఆంటీ.. చాలా మంచి వ్యక్తి. మేమిద్దరం ఎప్పుడూ సరదాగానే ఉంటాం. అయితే ఆమెకు ఏదైనా రహస్యం చెప్తే.. ఏదో ఒక సందర్భంలో మన ఎదుటే.. అందరికీ ఆ రహస్యాన్ని చెప్పేస్తుంది (నవ్వులు). కొన్ని సందర్భాల్లో నేను ఇలాంటివి ఎదుర్కొన్నాను. వెంటనే నేను.. ఆంటీ.. అది సీక్రెట్‌.. కాబట్టి ఎవరికీ చెప్పకండి అంటూ సరదాగా అనేదాన్ని’ అని వరలక్ష్మి ఓ ఇంటర్వ్యూలో తెలియజేశారు.

ఇదీ చదవండి

రివ్యూ: క్రాక్‌


Read latest Movies News and Telugu News

Follow us on Facebook, Twitter, Instagram & Google News.

Tags :

గమనిక: ఈనాడు.నెట్‌లో కనిపించే వ్యాపార ప్రకటనలు వివిధ దేశాల్లోని వ్యాపారస్తులు, సంస్థల నుంచి వస్తాయి. కొన్ని ప్రకటనలు పాఠకుల అభిరుచిననుసరించి కృత్రిమ మేధస్సుతో పంపబడతాయి. పాఠకులు తగిన జాగ్రత్త వహించి, ఉత్పత్తులు లేదా సేవల గురించి సముచిత విచారణ చేసి కొనుగోలు చేయాలి. ఆయా ఉత్పత్తులు / సేవల నాణ్యత లేదా లోపాలకు ఈనాడు యాజమాన్యం బాధ్యత వహించదు. ఈ విషయంలో ఉత్తర ప్రత్యుత్తరాలకి తావు లేదు.


మరిన్ని

ap-districts
ts-districts