Varun Tej: ఏజెంట్‌గా.. వరుణ్‌?

ఇటీవలే ‘ఎఫ్‌3’తో (F3) వినోదాలు పంచారు కథానాయకుడు వరుణ్‌ తేజ్‌ (VarunTej). ఇప్పుడు కొత్త సినిమా కోసం రంగంలోకి దిగేందుకు సిద్ధమవుతున్నారు. ప్రస్తుతం ఆయన ప్రవీణ్‌ సత్తారు (Praveen Sattaru) దర్శకత్వంలో ఓ చిత్రం చేయనున్న సంగతి తెలిసిందే. విభిన్నమైన యాక్షన్‌ థ్రిల్లర్‌  కథాంశంతో రూపొందుతోంది. పూర్తిగా లండన్‌ నేపథ్యంలో సాగుతుంది. ఇందులో వరుణ్‌ ఓ  ఇంటర్నేషనల్‌ ఏజెంట్‌గా స్టైలిష్‌ అవతారంలో కనిపించనున్నారని సమాచారం. ఈ గూఢచారి పాత్ర కోసం ఆయన ప్రస్తుతం తన లుక్‌ను మార్చుకునే పనిలో ఉన్నారు. వరుణ్‌ తేజ్‌ కెరీర్‌లో భారీ బడ్జెట్‌తో రూపొందనున్న చిత్రమిది. స్క్రిప్ట్‌ పనులు ఇప్పటికే పూర్తయ్యాయని, త్వరలో చిత్రీకరణ మొదలు కానుందని తెలిసింది.