వినోదం పండించడమే కష్టం
‘‘ఒకేసారి రెండు మూడు కథలు సిద్ధంగా ఉంచుకోవడం నాకు నచ్చదు. ఒక సినిమా విడుదలయ్యాక.. దానికి ప్రేక్షకుల నుంచి ఎలాంటి స్పందన వచ్చిందో తెలుసుకొని, ఎలాంటి చిత్రం చేయాలనే దానిపై తుది నిర్ణయం తీసుకుంటా’’ అన్నారు హీరో వరుణ్ తేజ్. ఇటీవలే ‘గని’గా ప్రేక్షకుల్ని పలకరించిన ఆయన.. ఇప్పుడు వెంకటేష్తో కలిసి ‘ఎఫ్3’తో నవ్వులు పంచేందుకు సిద్ధమయ్యారు.
‘‘ఒకేసారి రెండు మూడు కథలు సిద్ధంగా ఉంచుకోవడం నాకు నచ్చదు. ఒక సినిమా విడుదలయ్యాక.. దానికి ప్రేక్షకుల నుంచి ఎలాంటి స్పందన వచ్చిందో తెలుసుకొని, ఎలాంటి చిత్రం చేయాలనే దానిపై తుది నిర్ణయం తీసుకుంటా’’ అన్నారు హీరో వరుణ్ తేజ్. ఇటీవలే ‘గని’గా ప్రేక్షకుల్ని పలకరించిన ఆయన.. ఇప్పుడు వెంకటేష్తో కలిసి ‘ఎఫ్3’తో నవ్వులు పంచేందుకు సిద్ధమయ్యారు. అనిల్ రావిపూడి తెరకెక్కించిన చిత్రమిది. శుక్రవారం ప్రేక్షకుల ముందుకొస్తుంది. ఈ నేపథ్యంలోనే గురువారం హైదరాబాద్లో విలేకర్లతో చిత్ర విశేషాలు పంచుకున్నారు వరుణ్ తేజ్.
మీ గత చిత్రం ‘గని’ ఆశించిన ఫలితాన్ని అందుకోలేదు. దానిపై మీరు ఓ నోట్ విడుదల చేశారు. ఎందుకలా?
‘‘ఏ చిత్రమైనా నమ్మే చేస్తాం. ‘గని’తో దాదాపు మూడేళ్లు ప్రయాణించాం. దానికోసం అందరం చాలా కష్టపడ్డాం. విడుదలకు ముందు ఎన్నోసార్లు చూసుకున్నా. నేను సాధారణంగా ‘సినిమా బాగుంటుంది.. వందశాతం ఆడుతుంది’ అని స్టేట్మెంట్లు ఇవ్వను. ఈ చిత్ర విషయంలో నాకు మనస్ఫూర్తిగా అనిపించింది చెప్పాను. అయితే నా అంచనాలు తప్పాయి. దానిపై నేనెవరికీ వివరణ ఇవ్వాల్సిన అవసరమైతే లేదు. నా సంతృప్తి కోసం ప్రేక్షకులకు ఓ మాట చెప్పాలనిపించింది. అందుకే ఆ నోట్ వదిలాను’’.
ఎఫ్2’ పెద్ద హిట్. దానికి సీక్వెల్గా ‘ఎఫ్3’ వస్తుందనగానే భారీ అంచనాలుంటాయి. ఏమన్నా ఒత్తిడిగా అనిపించేదా?
‘‘ఎఫ్2’ సినిమా చేస్తున్నప్పుడే అనిల్ రావిపూడి నాకు ‘ఎఫ్3’ ఆలోచన చెప్పారు. డబ్బు మీద తను చెప్పిన పాయింట్ నాకు బాగా నచ్చింది. చేసేద్దామన్నా. నిజానికి ఈ చిత్ర విషయంలో మాకెలాంటి ఒత్తిడి లేదు. ఏమైనా ఉంటే అనిల్కే ఉండాలి. మాకైతే తనపై చాలా నమ్మకం. ఎందుకంటే కామెడీ తన బలం. దీనికి తోడు ‘ఎఫ్2’కి ప్రేక్షకుల నుంచి దక్కిన ఆదరణ చూశాక మరింత ధైర్యమొచ్చింది. సీక్వెల్ ఎందుకు తీసుకురాకూడదు అనిపించింది. అందుకే ఈ ‘ఎఫ్3’ చేశాం’’.
మీకు బాగా సవాల్గా అనిపించిన అంశాలేంటి?
‘‘ఫైట్లు చాలా కష్టం.. కామెడీ పండించడం చాలా ఈజీ’ అని అందరూ అనుకుంటుంటారు. వాస్తవానికి వినోదం పండించడమే చాలా కష్టం. ‘ఎఫ్2’, ‘ఎఫ్3’లతో నాకీ విషయం బాగా అర్థమైంది. దానికి తోడు ఈ సినిమాలో నేను నత్తితో ఇబ్బంది పడే వ్యక్తిగా కనిపిస్తా. అలా నత్తిగా మాట్లాడుతూ.. టైమింగ్తో కామెడీ చేయడం ఇంకాస్త సవాల్గా అనిపించేది. ఇక్కడ లక్కీ విషయం ఏంటంటే.. సెట్లో అనిల్ ఏదైనా చేసి చూపిస్తాడు. ఏ పదం ఎలా మాట్లాడాలి.. ఎక్కడ ఏది నొక్కి పలకాలి చేసి చూపించేవాడు. నేను దాన్ని అనుకరిస్తూ వెళ్లిపోయేవాడిని. మొదట్లో నా పాత్ర ఎలా వస్తుందో.. ఏమోనని ఆందోళన ఉండేది. రెండు మూడు రోజులయ్యాక బాగా చేస్తున్నానన్న నమ్మకం వచ్చింది’’.
ఇంతకీ ఫన్ ఎవరిది? ఫ్రస్ట్రేషన్ ఎవరిది?
‘‘ఫన్ అయినా ఫ్రస్ట్రేషన్ అయినా సినిమాలోని అందరిదీ. డబ్బులు త్వరగా కొట్టేస్తే ఫన్ అని వీళ్లనుకుంటారు. దాని వల్ల ఎంత ఫ్రస్ట్రేషన్ వస్తుందన్నది సినిమాలో చూపిస్తారు. నత్తి ఉన్నోడు.. రేచీకటి సమస్య ఉన్నోడు ఫ్రెండ్స్ అయితే.. వాళ్లిద్దరికీ రాత్రి పూట ఓ సీన్ పడిదంటే ఎలా ఉంటుందో ఊహించుకోండి. ఈ చిత్రంలోనూ లవ్ ట్రాక్స్ ఉన్నాయి. కానీ, అందరికీ డబ్బంటేనే ఎక్కువ ప్రేమ. దీంట్లో తమన్నా, మెహ్రీన్ పాత్రల్ని చాలా వినోదాత్మకంగా తీర్చిదిద్దారు’’.
వెంకటేష్తో రెండోసారి కలిసి చేయడం ఎలా అనిపించింది?
‘‘వ్యక్తిగతంగా నేను ఆయన్ని చాలా ఇష్టపడతా. సెట్లో నాకు ఓ తండ్రిలా, మంచి ఫ్రెండ్లా ప్రోత్సాహమిస్తుంటారు. ఆయన గత చిత్రాల అనుభవాల్ని, పెద్దనాన్న చిరంజీవితో తనకున్న అనుబంధాన్ని నాతో పంచుకునేవారు. నేను అప్పుడప్పుడు రానాకి ఫోన్ చేసి ఏడిపిస్తుంటా.. ‘మీ బాబాయ్ నీకిప్పటి వరకు చెప్పనివి నాకు చెప్పార’ని.’’
మీరెప్పుడైనా డబ్బు గురించి ఫ్రస్ట్రేట్ అయ్యారా? డబ్బుపై మీ ఆలోచన ఏంటి?
‘‘చదువుకునే రోజుల్లో డబ్బు వల్ల ఫ్రస్ట్రేట్ అయిన సందర్భాలు చాలా ఉన్నాయి. సినిమాకి వెళ్తానంటే నాన్న యాభై రూపాయలు ఇచ్చేవారు. అది దేనికీ సరిపోయేది కాదు (నవ్వుతూ). లక్కీగా మంచి స్నేహితులు ఉండటం వల్ల సర్దుకునేవాళ్లం. కొంత మందిని చూస్తే డబ్బు ఇంత ఈజీగా వస్తుందా? అనిపిస్తుంది. అయితే అంత ఈజీగా వచ్చిన డబ్బు అంతే ఈజీగా వెళ్లిపోతుంది. ‘ఎఫ్3’లోనూ అదే చెప్పాం’’.
నటుడిగా బరువైన పాత్రల నుంచి కామెడీ పాత్రల వరకు అన్నీ చేశారు. వ్యక్తిగతంగా మీకు బాగా దగ్గరైంది ఏది?
‘‘ప్రత్యేకంగా ఒకటని ఏమీ లేదు. ప్రతి సినిమా ‘ఇది నాది’ అనుకునే చేస్తా. ఓ వంద రోజులు ఇదే నా జీవితం అనుకొని కష్టపడతా. అది ‘గని’ కావొచ్చు.. ‘అంతరిక్షం’ కావొచ్చు. వీటిలో కొన్ని పాత్రలు కష్టంగా.. ఇంకొన్నీ ఈజీగా అనిపించొచ్చు. కష్టమైనా.. సులువైనా అది ఆరోజు వరకే. నేనిప్పటి వరకు చేసిన సినిమాల్లో ‘కంచె’, ‘తొలి ప్రేమ’, ‘గద్దలకొండ గణేష్’ల్లోని పాత్రలు నాకు చాలా ఇష్టం’’.
కొత్త సినిమా సంగతులేంటి?
‘‘ప్రవీణ్ సత్తారు దర్శకత్వంలో ఓ యాక్షన్ సినిమా చేస్తున్నా. మా నాన్న, బీవీఎస్ఎన్ ప్రసాద్ సంయుక్తంగా నిర్మిస్తున్నారు. జూన్ నెలాఖరున లేదా జులైలో చిత్రీకరణ మొదలవుతుంది. లండన్లో ఓ 70రోజుల షూటింగ్ ఉంటుంది. ‘ఎఫ్4’కు సంబంధించి అనిల్ ఓ మూడు పాయింట్స్ చెప్పాడు. చాలా ఫన్నీగా అనిపించింది. అయితే అదెప్పుడు సెట్స్పైకి వెళ్తుందో ఇప్పుడే చెప్పలేను’’.
ఇప్పుడంతా పాన్ ఇండియా ట్రెండ్ నడుస్తోంది. కథల ఎంపిక ఏమైనా సవాల్గా అనిపిస్తోందా?
‘‘ఇప్పుడు కథల ఎంపిక మారింది. అయితే ఇది పాన్ ఇండియా సినిమా వల్ల కాదని భావిస్తున్నా. ఓటీటీలో డిఫరెంట్ కంటెంట్ పెరిగింది. ప్రేక్షకులు ఇంకా వైవిధ్యభరితమైన కథలు కోరుకుంటున్నారు. వారికి కావాల్సిన కంటెంట్ ఇవ్వడం ఛాలెంజింగ్గానే మారింది. ఇది ఒకరకంగా మంచిదే. కొత్త కథలు బయటకు వస్తాయి. వ్యక్తిగతంగా నేనైతే ఎలాంటి కథ చేయడానికైనా సిద్ధమే. అన్ని రకాల జానర్లు చేయాలని ఉంది’’.
Trending
గమనిక: ఈనాడు.నెట్లో కనిపించే వ్యాపార ప్రకటనలు వివిధ దేశాల్లోని వ్యాపారస్తులు, సంస్థల నుంచి వస్తాయి. కొన్ని ప్రకటనలు పాఠకుల అభిరుచిననుసరించి కృత్రిమ మేధస్సుతో పంపబడతాయి. పాఠకులు తగిన జాగ్రత్త వహించి, ఉత్పత్తులు లేదా సేవల గురించి సముచిత విచారణ చేసి కొనుగోలు చేయాలి. ఆయా ఉత్పత్తులు / సేవల నాణ్యత లేదా లోపాలకు ఈనాడు యాజమాన్యం బాధ్యత వహించదు. ఈ విషయంలో ఉత్తర ప్రత్యుత్తరాలకి తావు లేదు.
మరిన్ని
-
మాధురి దీక్షిత్తో నటించాలంటే భయమేసింది: మనీషా కొయిరాలా
కొంత విరామం తర్వాత ‘హీరామండీ’తో పలకరించేందుకు సిద్ధమయ్యారు నటి మనీషా కొయిరాలా. దీని ప్రమోషన్స్లో తన కెరీర్కు సంబంధించిన ఓ విషయాన్ని పంచుకున్నారు. -
తెలుగులో ‘నాయట్టు’.. స్ట్రీమింగ్ ఎక్కడంటే?
మలయాళ చిత్రం ‘నాయట్టు’ ఇప్పుడు తెలుగు ఆడియోతో అందుబాటులోకి వచ్చేందుకు సిద్ధమైంది. -
పెళ్లి పీటలెక్కనున్న యంగ్ హీరోయిన్.. వైరలవుతోన్న హల్దీ ఫొటోలు..
హీరోయిన్ అపర్ణ దాస్ వివాహ వేడుకలు ప్రారంభమయ్యాయి. హల్దీ వేడుకలకు సంబంధించిన ఫొటోలను సోషల్ మీడియాలో షేర్ చేశారు. -
ఆయన్ని చూసి ఆశ్చర్యపోయాను.. అల్లు అర్జున్పై ‘కేజీఎఫ్’ నటుడు ప్రశంసలు..
అల్లు అర్జున్ హీరోగా సుకుమార్ తెరకెక్కిస్తున్న ‘పుష్ప2’లో కన్నడ నటుడు తారక్ పొన్నప్ప కీలకపాత్రలో నటిస్తున్నారు. తాజాగా తన పాత్ర గురించి వివరించారు. -
ఎవరీ అశ్వత్థామ.. కృష్ణుడు అతడికి ఇచ్చిన శాపం ఏంటి?
ప్రభాస్ (Prabhas) కథానాయకుడిగా నాగ్ అశ్విన్ దర్శకత్వంలో రూపొందుతున్న సైన్స్ ఫిక్షన్ మూవీ ‘కల్కి 2898 ఏడీ’ (Kalki 2898 AD). ఇందులో ప్రముఖ నటుడు అమితాబ్ బచ్చన్ అశ్వత్థామగా (Ashwathama) కనిపించనున్నారు. -
హిట్ జోడీ.. మళ్లీ సెట్!
నాయకానాయికలు తెరపై జంటగా కనిపించి ఒక్కసారి హిట్ జోడీ అనిపించుకుంటే చాలు.. మళ్లీ వారిద్దరి కలయికలో ఎప్పుడెప్పుడు సినిమా వస్తుందా? అని ఎదురుచూస్తుంటారు ప్రేక్షకులు. -
ఒక్క పోరాటం 26 రోజులు
అగ్ర తారల సినిమా అనగానే పాటలు, పోరాటాలే గుర్తొస్తాయి. వాటిపై కథానాయకులు మరింత శ్రద్ధ తీసుకుంటుంటారు. సెట్లో ఎన్ని సవాళ్లు ఎదురైనా స్వీకరించి రాజీ పడకుండా నటిస్తుంటారు. -
ఈ వేసవిలో బాగా నవ్విస్తాం: అల్లరి నరేశ్
పెళ్లెప్పుడు పెళ్లెప్పుడు అని వెంటపడేవాళ్లకి ఓ కొత్త సెక్షన్ పెట్టి లోపల వేయించండంటూ న్యాయస్థానంలో మొర పెట్టుకున్నాడు ఓ కుర్రాడు. అతని పెళ్లి గోల వెనక కథేమిటి? ఇంతకీ అతడికి పెళ్లయిందా లేదా? -
డైరెక్టర్స్ డేని ఘనంగా నిర్వహిస్తాం
‘‘భారతీయ సినిమాకి డైరెక్టర్స్ డే అనేది తలమానికం. తెలుగులో తప్ప ఇతర భాషల్లో ఎక్కడా ఇలాంటి ప్రయత్నం జరగలేదు. ఇందుకు కారణం... తెలుగు సినిమా గౌరవాన్ని ప్రపంచవ్యాప్తంగా చాటి చెప్పి, గిన్నిస్ బుక్ రికార్డ్ సాధించిన ఏకైక దర్శకుడు దాసరి నారాయణరావు. -
గురిపెట్టిన సత్యభామ
కాజల్ అగర్వాల్ ప్రధాన పాత్రధారిగా తెరకెక్కుతున్న ‘సత్యభామ’ విడుదల ఖరారైంది. సుమన్ చిక్కాల దర్శకత్వం వహిస్తున్న ఈ సినిమాని మే 17న ప్రేక్షకుల ముందుకు తీసుకొస్తున్నట్టుగా ఓ ప్రత్యేకమైన వీడియోతో ప్రకటించింది చిత్రబృందం. -
రజనీకాంత్ చిత్రం... కూలీ
లోకేశ్ కనగరాజ్ దర్శకత్వంలో రజనీకాంత్ కథానాయకుడిగా తెరకెక్కుతున్న చిత్రానికి ‘కూలీ’ అనే పేరుని ఖరారు చేశారు. ఇది రజనీ 171వ చిత్రం. సన్ పిక్చర్స్ నిర్మిస్తోంది. -
మహేశ్బాబు- కమిన్స్ ఫొటో వైరల్.. ఫ్రెండ్స్తో రాశీ.. కాజల్ ‘వింటేజ్ వైబ్స్’
సినీ తారలు సోషల్ మీడియా వేదికగా అభిమానులతో పంచుకున్న విశేషాలివీ.. -
పెద్ద స్టార్స్ ఎవరూ ఉండరు.. ‘ది దిల్లీ ఫైల్స్’ అప్డేట్ ఇచ్చిన దర్శకుడు
‘ది దిల్లీ ఫైల్స్’లో పెద్ద స్టార్స్ ఎవరూ ఉండరని దర్శకుడు స్పష్టం చేశారు.
తాజా వార్తలు (Latest News)
-
మాధురి దీక్షిత్తో నటించాలంటే భయమేసింది: మనీషా కొయిరాలా
-
రోహిత్తో ఓపెనింగ్ చేసేది ఎవరు? మీ ఛాయిస్ ఎవరు?
-
యాడ్ సైజ్లోనే ‘క్షమాపణలు’ ప్రచురించారా?.. పతంజలిని ప్రశ్నించిన సుప్రీం
-
తెలుగులో ‘నాయట్టు’.. స్ట్రీమింగ్ ఎక్కడంటే?
-
ఈనాడు.నెట్లో టాప్ 10 వార్తలు @ 1 PM
-
దుబాయ్ వరదలకు ముందు.. తర్వాత: శాటిలైట్ చిత్రాల్లో ఇలా