Veera Simha Reddy: ముగించారు ‘వీరసింహారెడ్డి’

సంక్రాంతి బరిలో ‘వీరసింహారెడ్డి’గా (Veera Simha Reddy) వినోదాలు పంచనున్నారు నందమూరి బాలకృష్ణ (Balakrishna). ఆయన కథానాయకుడిగా నటిస్తున్న ఈ చిత్రాన్ని గోపీచంద్‌ మలినేని తెరకెక్కిస్తున్నారు. మైత్రీ మూవీ మేకర్స్‌ సంస్థ నిర్మిస్తోంది. శ్రుతిహాసన్‌ (Shruti Haasan) కథానాయిక. దునియా విజయ్‌, వరలక్ష్మీ శరత్‌ కుమార్‌ కీలక పాత్రలు పోషిస్తున్నారు. ఈ సినిమా జనవరి 12న ప్రేక్షకుల ముందుకు రానుంది. కాగా, తాజాగా ఈ చిత్ర షూటింగ్‌ పూర్తయింది. ఈ విషయాన్ని చిత్ర బృందం బుధవారం అధికారికంగా ప్రకటించింది. ‘‘టాకీ పార్ట్‌ మొత్తం పూర్తయింది. ఒక్క పాట చిత్రీకరణ మాత్రమే మిగిలి ఉంది. నిర్మాణాంతర పనులు శరవేగంగా జరుగుతున్నాయ’’ని నిర్మాతలు తెలిపారు. మాస్‌ యాక్షన్‌ కథాంశంతో రూపొందుతోన్న ఈ సినిమాకి తమన్‌ స్వరాలందిస్తున్నారు. రిషి పంజాబీ ఛాయాగ్రాహకుడిగా వ్యవహరిస్తున్నారు.