‘అరణ్య’ నుంచి ఆకట్టుకునే పాట

ఇంటర్నెట్‌ డెస్క్‌: రానా ప్రధానపాత్రలో నటిస్తున్న ‘అరణ్య’ నుంచి మరో పాట విడుదలైంది. ‘వెళ్లు వెళ్లు వెళ్లవే అలా.. వెచ్చనైన ఊహ నువ్వలా’ అంటూ సాగే పాట మనసుకు హత్తుకునేలా ఉంది. విష్ణువిశాల్‌, జోయా హుస్సేన్‌ జంటపై ఈ పాట చిత్రీకరించారు. వనమాలి రచించగా శాంతను సంగీతం అందించారు. హరిచరణ్‌ ఆలపించారు. ఈ చిత్రం నుంచి ఇటీవల వచ్చిన అరణ్య గీతం కూడా సంగీత ప్రియులను ఆకట్టుకుంది. కాగా చిత్రబృందం మరో పాటను విడుదల చేసింది. ప్రభుసాల్మన్‌ దర్శకత్వంలో తెరకెక్కుతున్న ఈ చిత్రం హిందీలో ‘హథీ మేరే సాథి’, తమిళంలో ‘కాదన్’ పేర్లతో విడుదల కానుంది. విష్ణు విశాల్‌, జోయా హస్సేన్‌, శ్రీయ కీలక పాత్రల్లో కనిపించనున్నారు. శాంతను సంగీతం అందించారు. ఏరోస్‌ ఇంటర్నేషనల్‌ సంస్థ నిర్మిస్తోంది. ఈ చిత్రం మార్చి 26న ప్రేక్షకుల ముందుకు రానుంది.