Venkatesh: దసరాకి షురూ?

‘ఎఫ్‌3’తో నవ్వించిన వెంకటేష్‌...తన కొత్త సినిమాని మాత్రం ఇంకా ఖరారు చేయలేదు. కొంతకాలంగా కథల విషయంలో ఆచితూచి నిర్ణయాలు తీసుకుంటున్న ఆయన, ప్రస్తుతం సల్మాన్‌ఖాన్‌తో కలిసి హిందీ చిత్రం ‘కభీ ఈద్‌ కభీ దివాలి’ చేస్తున్నారు.

Updated : 16 Jul 2022 06:34 IST

‘ఎఫ్‌3’తో నవ్వించిన వెంకటేష్‌ (Venkatesh)...తన కొత్త సినిమాని మాత్రం ఇంకా ఖరారు చేయలేదు. కొంతకాలంగా కథల విషయంలో ఆచితూచి నిర్ణయాలు తీసుకుంటున్న ఆయన, ప్రస్తుతం సల్మాన్‌ఖాన్‌తో కలిసి హిందీ చిత్రం ‘కభీ ఈద్‌ కభీ దివాలి’ చేస్తున్నారు. మరి సోలోగా వెంకీ చేయనున్న కొత్త చిత్రం ఏమిటనేది మాత్రం ఇంకా అధికారికంగా ఖరారు కాలేదు. కొంతకాలం కిందట ‘జాతిరత్నాలు’ ఫేమ్‌ అనుదీప్‌కీ, వెంకటేష్‌కీ మధ్య కథా చర్చలు నడిచాయి. ఈ కలయికలోనే సినిమా పట్టాలెక్కుతుందనే ప్రచారం సాగినా... అనుదీప్‌ మరో చిత్రం ‘ప్రిన్స్‌’ కోసం రంగంలోకి దిగారు. అయితే వెంకీ - అనుదీప్‌ కలయికలో సినిమా మాత్రం దాదాపు ఖరారైనట్టు తెలిసింది. దసరాకి ఆ చిత్రానికి కొబ్బరికాయ కొట్టనున్నట్టు సమాచారం. త్వరలోనే ఈ విషయంపై స్పష్టత వచ్చే అవకాశాలున్నాయనేది పరిశ్రమ వర్గాల మాట.

Read latest Movies News and Telugu News

Follow us on Facebook, Twitter, Instagram & Google News.

Tags :

గమనిక: ఈనాడు.నెట్‌లో కనిపించే వ్యాపార ప్రకటనలు వివిధ దేశాల్లోని వ్యాపారస్తులు, సంస్థల నుంచి వస్తాయి. కొన్ని ప్రకటనలు పాఠకుల అభిరుచిననుసరించి కృత్రిమ మేధస్సుతో పంపబడతాయి. పాఠకులు తగిన జాగ్రత్త వహించి, ఉత్పత్తులు లేదా సేవల గురించి సముచిత విచారణ చేసి కొనుగోలు చేయాలి. ఆయా ఉత్పత్తులు / సేవల నాణ్యత లేదా లోపాలకు ఈనాడు యాజమాన్యం బాధ్యత వహించదు. ఈ విషయంలో ఉత్తర ప్రత్యుత్తరాలకి తావు లేదు.


మరిన్ని

ap-districts
ts-districts