Ramarao On Duty: సీఐ మురళిగా వేణు

రవితేజ(Raviteja) హీరోగా శరత్‌ మండవ తెరకెక్కించిన యాక్షన్‌ థ్రిల్లర్‌ ‘రామారావు ఆన్‌ డ్యూటీ’ (Ramarao On Duty). సుధాకర్‌ చెరుకూరి నిర్మాత. రజిషా విజయన్‌, దివ్యాంశ కౌశిక్‌ కథానాయికలు. ఈ సినిమాలో వేణు తొట్టెంపూడి(Venu) ఓ కీలక పాత్రలో నటిస్తున్న సంగతి తెలిసిందే. ఆయన పాత్రకు  సంబంధించిన లుక్‌ను బుధవారం విడుదల చేశారు. ఆ పోస్టర్‌లో వేణు ఖాకీ యూనీఫాంలో సీరియస్‌గా చూస్తూ కనిపించారు. ఆయన బ్యాడ్జ్‌పై ఉన్న పేరును బట్టి ఇందులో తను సీఐ మురళిగా కనిపించనున్నట్లు తెలుస్తోంది. ఈ సినిమా జులై 29న ప్రేక్షకుల ముందుకు రానుంది. సంగీతం: సామ్‌ సిఎస్‌, కూర్పు: ప్రవీణ్‌ కె.ఎల్‌, ఛాయాగ్రహణం: సత్యన్‌ సూర్యన్‌.