Veyi Daruveyi: దరువెయ్‌

సాయిరామ్‌ శంకర్‌ (Sairam Shankar), యాశ శివకుమార్‌ జంటగా నటించిన చిత్రం ‘వెయ్‌ దరువెయ్‌’ (Veyi Daruveyi). నవీన్‌ రెడ్డి (Naveen Reddy) దర్శకుడు. దేవరాజు పొత్తూరు నిర్మించారు. సునీల్‌, కాశీ విశ్వనాథ్‌, పోసాని కృష్ణమురళి తదితరులు కీలక పాత్రలు పోషించారు. ఈ సినిమా ఫిబ్రవరి 24న ప్రేక్షకుల ముందుకు రానుంది. ఈ నేపథ్యంలోనే ఈ చిత్ర టైటిల్‌ గీతాన్ని హీరో నాగచైతన్య విడుదల చేశారు. ఈ సందర్భంగా ఆయన మాట్లాడుతూ.. ‘‘పాట చాలా బాగుంది. సినిమా చూడాలని కుతూహలాన్ని రేపుతోంది. కచ్చితంగా ఈ చిత్రం విజయవంతం కావాలని కోరుకుంటున్నా’’ అన్నారు. ‘‘సినిమా కథ చెప్పగానే సాయి చేస్తానన్నారు. ఆయన నాపై ఉంచిన నమ్మకాన్ని నిలబెట్టుకున్నాననే అనుకుంటున్నా’’ అన్నారు దర్శకుడు నవీన్‌. హీరో సాయిరామ్‌ మాట్లాడుతూ.. ‘‘మా చిత్రానికి ఈ పాటే బెస్ట్‌ డ్యాన్స్‌ నంబర్‌. తప్పకుండా ఈ పాట అందరికీ నచ్చుతుంది’’ అన్నారు. ‘‘సినిమా చాలా బాగా వచ్చింది. సాయిరామ్‌ కెరీర్‌లో మరొక మంచి చిత్రమవుతుంది’’ అన్నారు నిర్మాత దేవరాజు. ఈ సినిమాకి సంగీతం: భీమ్స్‌, ఛాయాగ్రహణం: ముత్యాల సతీష్‌.