Vijay Devarakond Rashmika: ముంబయిలో గ్రాండ్‌ పార్టీ.. రష్మిక, విజయ్‌ దేవరకొండకి మాత్రమే ఎంట్రీ..?

ముంబయి‌: బుధవారం సాయంత్రం ముంబయిలో జరగనున్న ఓ గ్రాండ్‌ పార్టీలో పాల్గొనేందుకు నటుడు విజయ్‌ దేవరకొండ, నటి రష్మికకు ఆహ్వానం అందినట్లు తెలుస్తోంది. దీంతో ఈ పార్టీలో వీరిద్దరూ సెంటర్‌ ఆఫ్‌ ఎట్రాక్షన్‌ కానున్నారని అభిమానులు చెప్పుకుంటున్నారు. ఇంతకీ, వీరిద్దరూ పాల్గొనే పార్టీ ఏమిటంటే.. కరణ్‌ పుట్టినరోజు వేడుకలు. క్లాస్‌ ప్రేమకథా చిత్రాలను తెరకెక్కించి నిర్మాత, దర్శకుడిగా బాలీవుడ్‌కి ఎంతోమంది నటీనటులు, దర్శకులను పరిచయం చేసిన వ్యక్తి కరణ్‌ జోహార్‌. బుధవారంతో ఆయన 50వ సంవత్సరంలోకి అడుగుపెట్టారు. దీంతో ఆయన పుట్టినరోజుని వేడుకగా చేయాలని కుటుంబసభ్యులు నిర్ణయించారు. ఈ క్రమంలోనే నేటి సాయంత్రం కరణ్‌ నివాసంలో ఓ భారీ బర్త్‌డే వేడుకకు సర్వం సిద్ధం చేశారు. కరణ్‌ మిత్రులు, సినిమా పరిశ్రమకు చెందిన పలువురు స్టార్స్‌కు మాత్రమే ఆహ్వానం అందినట్లు సమాచారం. దీని ప్రకారం.. షారుఖ్‌ ఖాన్‌, ఆయన సతీమణి గౌరీ ఖాన్‌, మలైకా అరోఢా, ఆమె ప్రియుడు అర్జున్‌ కపూర్‌, కరీనాకపూర్‌ ఆమె భర్త సైఫ్‌ అలీఖాన్‌, రణ్‌బీర్‌ కపూర్‌, ఆయాన్‌ ముఖర్జీ, మనీశ్‌ మల్హోత్ర, రణ్‌వీర్‌ సింగ్‌, అనన్యపాండే, జాన్వీకపూర్‌, సారా అలీఖాన్‌ ఇందులో పాల్గొనే అవకాశం ఉన్నట్లు తెలుస్తోంది. హాలీవుడ్‌ సినిమా షూట్‌ కోసం విదేశాలకు వెళ్లిన ఆలియాభట్‌, కేన్స్‌ ఫెస్టివల్స్‌లో ఉన్న దీపిక.. ఈరోజు సాయంత్రానికి నగరానికి రానున్నారని కరణ్‌ బర్త్‌డే వేడుకల్లో పాల్గొననున్నారని పలు ఆంగ్ల పత్రికల్లో వార్తలు చక్కర్లు కొడుతున్నాయి. ఇక, దక్షిణాది నుంచి విజయ్‌ దేవరకొండ, రష్మికలకు ఈ వేడుకల్లో పాల్గొనేందుకు ఆహ్వానం అందినట్లు సమాచారం.