VijaySethupathi: ‘విక్రమార్కుడు’ విచ్చేశాడు

ఇంటర్నెట్‌ డెస్క్‌: విజయ్‌ సేతుపతి కథానాయకుడిగా దర్శకుడు గోకుల్‌ తెరకెక్కించిన చిత్రం ‘జంగా’. సాయేషా, మడోన్నా సెబాస్టియన్‌ నాయికలు. కోలీవుడ్‌ ప్రేక్షకుల్ని మెప్పించిన ఈ సినిమా ‘విక్రమార్కుడు’ పేరుతో తెలుగుప్రేక్షకులను అలరించేందుకు సిద్ధమైంది. ప్రముఖ ఓటీటీ ఆహాలో జులై 9 నుంచి స్ట్రీమింగ్‌ కానుంది. ఈ సందర్భంగా తెలుగు ట్రైలర్‌ని విడుదల చేసింది ఆహా సంస్థ. ‘ఎప్పుడూ మిగతావాళ్లని కిందకి దించేసి మనం పైకి రావాలనుకోవడం తప్పు’ అనే సంభాషణతో ప్రారంభమైన ఈ ట్రైలర్‌ ఆద్యంతం ఆసక్తిగా సాగింది. డాన్‌గా విజయ్‌ కనిపించిన తీరు ఆకట్టుకుంటోంది. కామెడీ, యాక్షన్‌ సన్నివేశాలు సమపాళ్లలో ఉన్నాయి. మరి ఈ డాన్‌ కథేంటి? ఆయన ప్రయాణం ఎక్కడి నుంచి ఎక్కడికి సాగింది? ఇద్దరు భామల్లో ఎవర్ని ప్రేమిస్తాడు? తెలియాలంటే సినిమా చూడాల్సిందే.