Vijay Sethupathi review: రివ్యూ: విజయ్ సేతుపతి
విజయ్ సేతుపతి కథానాయకుడిగా నటించిన ‘విజయ్సేతుపతి’ సినిమా ఎలా ఉందంటే?
చిత్రం: విజయ్ సేతుపతి; నటీనటులు: విజయ్ సేతుపతి, రాశీఖన్నా, నివేదా పేతురాజ్, సూరి, రవికిషన్, అశుతోష్ రానా తదితరులు; సంగీతం: వివేక్ మర్విన్; సినిమాటోగ్రఫీ: ఆర్.వేల్రాజ్; ఎడిటింగ్: ప్రవీణ్ కె.ఎల్.; నిర్మాత: భారతీరెడ్డి; రచన, దర్శకత్వం: విజయ్ చందర్; బ్యానర్: విజయ ప్రొడక్షన్స్; విడుదల: ఆహా
తమిళంతో పాటు తెలుగులోనూ మంచి గుర్తింపు ఉన్న నటుడు విజయ్ సేతుపతి. ఇటీవల వరుస తెలుగు చిత్రాల్లోనూ కీలక పాత్రలు పోషిస్తూ అలరిస్తున్నాడు. విలక్షణ నటుడిగా ఆయనకు తమిళంలో పేరుంది. అందుకు తగినట్లుగానే పాత్రల ఎంపిక ఉంటుంది. అయితే, ఫుల్లెంగ్త్ మాస్ ఎంటర్టైనర్ చిత్రాల్లో నటించింది మాత్రం తక్కువే. అలా వచ్చిన చిత్రాల్లో ‘సంఘతమిజన్’ ఒకటి. 2019 తమిళంలో విడుదలై అలరించిన ఈ చిత్రం ఇప్పుడు ‘ఆహా’ ఓటీటీ వేదికగా ‘విజయ్ సేతుపతి’గా తెలుగు ప్రేక్షకుల ముందుకు వచ్చింది? మరి మాస్ హీరోగా విజయ్ సేతుపతి నటన ఎలా ఉంది? అసలు ఈ చిత్ర కథేంటి?
కథేంటంటే: చరణ్(విజయ్ సేతుపతి) తన స్నేహితుడు (సూరి)తో కలిసి సినిమా అవకాశాల కోసం నగరానికి వస్తాడు. ఒకరోజు సరదాగా పబ్కు వెళ్లిన చరణ్కు కమలిని(రాశీఖన్నా) పరిచయం అవుతుంది. తను ఫొటోగ్రఫీ కోర్సు చదువుతుంటుంది. ప్రాజెక్టులో భాగంగా చరణ్ ఉండే ఏరియాలో పరిస్థితులను ఫొటో తీసేందుకు వెళ్తుంది. అలా వీరి మధ్య మొదలైన పరిచయం ప్రేమగా మారుతుంది. మరోవైపు రామాపురం అనే గ్రామంలో కాపర్ ఫ్యాక్టరీ ఏర్పాటు చేయడానికి బిజినెస్మెన్ అయిన సంజయ్(రవికిషన్) ప్రయత్నిస్తుంటాడు. అందుకు స్థానిక ఎమ్మెల్యే చంటబ్బాయ్(అసుతోష్ రాణా) సహాయం తీసుకుంటాడు. అయితే ఆ ఊరి ప్రజలు కోర్టుకు వెళ్లడంతో ఫ్యాక్టరీ పనులు ఆగిపోతాయి. తన కుమార్తె కమలిని ప్రేమిస్తున్న చరణ్ రామాపురానికి చెందిన విజయ్ సేతుపతిలా ఉండటంతో సంజయ్ ఆశ్చర్యపోతాడు. దీంతో ఊరి ప్రజలను దారి తెచ్చుకునేందుకు అచ్చం విజయ్లా ఉన్న చరణ్కు అక్కడకు పంపిస్తాడు. మరి ఆ ఊరు వెళ్లిన చరణ్ ఏం చేశాడు? ఇంతకీ విజయ్ సేతుపతి ఎవరు? అతనికి ఏమైంది? తెలియాలంటే సినిమా చూడాల్సిందే!
ఎలా ఉందంటే: విలక్షణ నటనకు, పాత్రలకు విజయ్ సేతుపతి పెట్టింది పేరు. తాను ఎంచుకునే ప్రతి పాత్రలోనూ కొత్తదనం ఉండేలా చూసుకుంటారు. అయితే ‘సంఘతమిజన్’ ఔట్ అండ్ ఔట్ మాస్ మసాలా కమర్షియల్ చిత్రం. ఇలాంటి కథతో ఎన్నో చిత్రాలు ఇప్పటికే ప్రేక్షకులను అలరించాయి. అగ్ర కథానాయకుల నుంచి ఇటీవల ఫామ్లో ఉన్న యువ కథానాయకుల వరకూ ఇలాంటి కథను కాస్త అటూ ఇటూగా మార్చి ప్రయోగాలు చేశారు. తెలిసిన కథే అయినా, దాన్ని ఎంటర్టైనింగ్ చూపించడంలోనే దర్శకుడి ప్రతిభ దాగి ఉంది. ఈ విషయంలో విజయ్ చందర్ ఓకే అనిపించాడు. సినిమా తర్వాత ఏం జరుగుతుందో తెలిసిపోతున్నా సన్నివేశాలు సరదాగా సాగిపోతాయి. నటీనటులు కూడా తెలుగు ప్రేక్షకులకు కాస్త తెలిసిన వాళ్లే కావడం కాస్త ఊరట కలిగించే అంశం.
దర్శకుడు మొదటి సన్నివేశం నుంచి చివరి వరకూ ఎక్కడా రిస్క్ తీసుకోలేదు. ప్రథమార్థమంతా ఎంటర్టైనింగ్ చేసేలా తీర్చిదిద్దాడు. చరణ్, సూరిలు సినిమా అవకాశాల కోసం చేసే ప్రయత్నాలు, చరణ్-కమలిని ప్రేమ సన్నివేశాలతో సగటు సాధారణ సినిమాలాగానే సాగుతుంది. ద్వితీయార్థంలోనైనా బలమైన కథ ఉంటుందని ఆశించిన ప్రేక్షకుడికి నిరాశే అవుతుంది. విలన్ డబ్బుతో ప్రజలకు సౌకర్యాలు కల్పించి.. చివరకు విలన్కే ట్విస్ట్ ఇచ్చే పాత రొటీన్ ఫార్ములాగా ఇక్కడా కనపడుతుంది. కథ, కథనాలు ప్రేక్షకుడి ఊహకు తగినట్లే సాగుతాయి. ప్రతినాయకుడి పాత్ర అయినా బలంగా ఉందనుకుంటే అదీ లేదు.
ఎవరెలా చేశారంటే: తన మార్క్ నటనా ప్రాధాన్యం కలిగిన చిత్రాలకు భిన్నంగా విజయ్ సేతుపతి ఒక మాస్ మసాలా ఎంటర్టైనర్లో నటించాడు. ఇలాంటి పాత్రలు నటించడం ఆయనకు పెద్ద కష్టమేమీ కాదు. కథానాయికలు రాశీఖన్నా, నివేదా పేతురాజ్ల పాత్ర పరిమితం. రవి కిషన్, అశుతోష్ రాణా వారి పాత్రల పరిధి మేరకు నటించారు. నాజర్ మరోసారి తండ్రి పాత్రలో అలరించారు. సూరి తనదైన శైలిలో నవ్వించాడు. సాంకేతికంగా సినిమా ఓకే. ఒక మాస్ కమర్షియల్ సినిమాకు ఏం కావాలో అన్నీ ఉన్నాయి. దర్శకుడు విజయ్ చందర్ పాత చింతకాయ పచ్చడిని తీసుకొచ్చి, దానికి కాస్త తాలింపు, మసాలా వేసి ఇచ్చాడంతే. ప్రస్తుతం సినిమాలు విడుదలయ్యే పరిస్థితి లేదు కాబట్టి, సరదాగా కొత్త సినిమా చూడాలనుకుంటే ‘విజయ్ సేతుపతి’పై ఓ లుక్కేయొచ్చు. సినిమా రెండున్నర గంటలు ఉంది. తెలుగులోనైనా పాటలకు కత్తెర వేసి ఉంటే బాగుండేది.
బలాలు | బలహీనతలు |
+ విజయ్ సేతుపతి | - తెలిసిన కథే కావటం |
+ సూరి కామెడీ | - నిడివి |
చివరిగా: విజయ్ సేతుపతి.. అదే పాత కథ.. !
గమనిక: ఈ సమీక్ష సమీక్షకుడి దృష్టికోణానికి సంబంధించింది. ఇది సమీక్షకుడి వ్యక్తిగత అభిప్రాయం మాత్రమే!
Trending
గమనిక: ఈనాడు.నెట్లో కనిపించే వ్యాపార ప్రకటనలు వివిధ దేశాల్లోని వ్యాపారస్తులు, సంస్థల నుంచి వస్తాయి. కొన్ని ప్రకటనలు పాఠకుల అభిరుచిననుసరించి కృత్రిమ మేధస్సుతో పంపబడతాయి. పాఠకులు తగిన జాగ్రత్త వహించి, ఉత్పత్తులు లేదా సేవల గురించి సముచిత విచారణ చేసి కొనుగోలు చేయాలి. ఆయా ఉత్పత్తులు / సేవల నాణ్యత లేదా లోపాలకు ఈనాడు యాజమాన్యం బాధ్యత వహించదు. ఈ విషయంలో ఉత్తర ప్రత్యుత్తరాలకి తావు లేదు.
మరిన్ని
-
రివ్యూ: ఆర్టికల్ 370.. యామి గౌతమ్, ప్రియమణి నటించిన పొలిటికల్ థ్రిల్లర్ ఎలా ఉంది?
యామి గౌతమ్, ప్రియమణి నటించిన పొలిటికల్ థ్రిల్లర్ మెప్పించిందా? -
రివ్యూ: మై డియర్ దొంగ.. అభినవ్ గోమఠం నటించిన సినిమా ఎలా ఉందంటే?
అభినవ్ గోమఠం, శాలిని కొండెపూడి ప్రధాన పాత్రల్లో నటించిన చిత్రం ‘మై డియర్ దొంగ’. ఓటీటీ ‘ఆహా’లో విడుదలైన ఈ సినిమా రివ్యూ మీ కోసం.. -
రివ్యూ: సైరెన్.. జయం రవి, కీర్తి సురేశ్ యాక్షన్ థ్రిల్లర్ ఎలా ఉంది?
siren movie review: జయం రవి కథానాయకుడిగా ఆంటోనీ భాగ్యరాజా దర్శకత్వంలో వచ్చిన ‘సైరెన్’ మూవీ తెలుగులో మెప్పించిందా? -
రివ్యూ: పారిజాత పర్వం.. క్రైమ్ కామెడీ థ్రిల్లర్ ఎలా ఉంది?
Paarijatha Parvam Review; చైతన్యరావు, సునీల్, శ్రద్ధాదాస్ కీలక పాత్రల్లో నటించిన క్రైమ్ థ్రిల్లర్ మెప్పించిందా? -
రివ్యూ: ఆట్టం.. మలయాళ సస్పెన్స్ డ్రామా ఎలా ఉంది?
వినయ్, కళాభవన్ షాజాన్, జరీన్ షిహబ్ కీలక పాత్రల్లో నటించిన ‘ఆట్టం’ ఎలా ఉంది? -
రివ్యూ: డియర్.. భార్య గురకపెట్టే కాన్సెప్ట్తో రూపొందిన ఈ మూవీ మెప్పించిందా?
DeAr Movie 2024 Review: జీవీ ప్రకాష్కుమార్, ఐశ్వర్య రాజేశ్ కీలక పాత్రల్లో నటించిన ‘డియర్’ మూవీ మెప్పించిందా? -
రివ్యూ: శ్రీ రంగనీతులు.. సుహాస్, కార్తీక్ రత్నంల కొత్త మూవీ మెప్పించిందా?
sri ranga neethulu review: తాజాగా ప్రేక్షకుల ముందుకు వచ్చిన ‘శ్రీరంగ నీతులు’ మూవీ ఎలా ఉంది? -
రివ్యూ: బడే మియా ఛోటే మియా.. అక్షయ్, టైగర్ ష్రాఫ్ నటించిన యాక్షన్ థ్రిల్లర్ ఎలా ఉంది?
అలీ అబ్బాస్ జాఫర్ దర్శకత్వంలో అక్షయ్, టైగర్ ష్రాఫ్ కీలక పాత్రల్లో నటించిన ‘బడే మియా ఛోటే మియా’ మెప్పించిందా? -
రివ్యూ: గీతాంజలి మళ్ళీ వచ్చింది.. హారర్ కామెడీ థ్రిల్లర్ ఎలా ఉంది?
అంజలి కీలక పాత్రలో నటించిన హారర్ కామెడీ థ్రిల్లర్ ‘గీతాంజలి మళ్ళీ వచ్చింది’ ప్రేక్షకులను మెప్పించిందా? -
రివ్యూ: లవ్గురు.. విజయ్ ఆంటోనీ మూవీ ఎలా ఉంది?
Love Guru Review: విజయ్ ఆంటోని, మృణాళిని రవి కీలక పాత్రల్లో నటించిన న్యూఏజ్ ఫ్యామిలీడ్రామా మెప్పించిందా? -
రివ్యూ: మైదాన్.. అజయ్ దేవ్గణ్ కీలక పాత్రలో నటించిన స్పోర్ట్స్ డ్రామా మెప్పించిందా?
భారత ఫుట్బాల్ కోచ్ అబ్దుల్ సయ్యద్ రహీం జీవిత చరిత్ర ఆధారంగా రూపొందిన ‘మైదాన్’ మూవీ ఎలా ఉంది? -
రివ్యూ: ప్రాజెక్ట్-Z.. సందీప్ కిషన్, లావణ్య త్రిపాఠి సైన్స్ ఫిక్షన్ థ్రిల్లర్ ఎలా ఉంది?
Project Z Movie Review: ఏడేళ్ల కిందట తమిళంలో విడుదలై తాజాగా తెలుగు ప్రేక్షకుల ముందుకు వచ్చిన ‘ప్రాజెక్ట్-Z’ ప్రేక్షకులను మెప్పించిందా? -
రివ్యూ: మంజుమ్మల్ బాయ్స్.. మలయాళ సూపర్హిట్ తెలుగులో ఎలా ఉంది?
మలయాళంలో రూ.200 కోట్లకు పైగా వసూళ్లు సాధించి రికార్డు సృష్టించిన ‘మంజుమ్మల్ బాయ్స్’ మూవీ తెలుగు ప్రేక్షకులకు నచ్చుతుందా? -
రివ్యూ: ఫ్యామిలీస్టార్.. విజయ్ దేవరకొండ ఖాతాలో హిట్ పడిందా?
Family Star Review: విజయ్ దేవరకొండ, మృణాళ్ ఠాకూర్ కీలక పాత్రల్లో నటించిన ‘ఫ్యామిలీస్టార్’ ఎలా ఉందంటే? -
రివ్యూ: టిల్లు స్క్వేర్.. సిద్ధు, అనుపమ జోడీ మేజిక్ చేసిందా?
Tillu Square Review: సిద్ధు జొన్నలగడ్డ, అనుపమ పరమేశ్వర్ జంటగా నటించిన రొమాంటిక్ క్రైమ్ కామెడీ మెప్పించిందా? -
రివ్యూ: ఆడుజీవితం: ది గోట్లైఫ్.. పృథ్వీరాజ్ సుకుమారన్ సర్వైవల్ థ్రిల్లర్ ఎలా ఉంది?
మలయాళ నటుడు పృథ్వీరాజ్ సుకుమారన్, అమలాపాల్ కీలకపాత్రల్లో బ్లెస్సీ తీసిన ‘ఆడు జీవితం’ తెలుగు ప్రేక్షకులను మెప్పించిందా? -
Om Bhim Bush Review; రివ్యూ: ఓం భీమ్ బుష్.. కామెడీ ఎంటర్టైనర్ అలరించిందా?
om bhim bush review: శ్రీ విష్ణు, ప్రియదర్శి, రాహుల్ రామకృష్ణ కీలక పాత్రల్లో నటించిన ‘ఓం భీమ్ బుష్’ ఎలా ఉందంటే? -
ThulasiVanam Review: రివ్యూ: తులసీవనం: మిడిల్క్లాస్ కుర్రాడి బయోపిక్
ఓటీటీ ‘ఈటీవీ విన్’లో విడుదలైన ‘తులసీవనం’ వెబ్సిరీస్ ఎలా ఉందంటే? -
Abraham Ozler review: రివ్యూ: అబ్రహాం ఓజ్లర్.. మలయాళ క్రైమ్ థ్రిల్లర్ ఎలా ఉంది?
Abraham Ozler review: జయరామ్, మమ్ముట్టి కీలక పాత్రల్లో నటించిన ‘అబ్రహాం ఓజ్లర్’ ఎలా ఉందంటే? -
Save The Tigers 2 Review: రివ్యూ: సేవ్ ది టైగర్స్ సీజన్ 2.. నవ్వులు రిపీట్ అయ్యాయా?
ప్రియదర్శి, అభినవ్ గోమఠం, చైతన్య కృష్ణ ప్రధాన పాత్రల్లో నటించిన వెబ్సిరీస్ ‘సేవ్ ది టైగర్స్ 2’. ఓటీటీ ‘డిస్నీ+ హాట్స్టార్’లో విడుదలైన ఈ సిరీస్ ఎలా ఉందంటే? -
Sharathulu Varthisthai Review: రివ్యూ: షరతులు వర్తిస్తాయి.. సినిమా ఎలా ఉందంటే?
Sharathulu Varthisthai Review: చైతన్యరావు కీలక పాత్రలో నటించిన ‘షరతులు వర్తిస్తాయి’ మూవీ మెప్పించిందా?
తాజా వార్తలు (Latest News)
-
తితిదే వద్దనున్న రూ.2 వేల నోట్లు మార్పిడి!
-
సివిల్స్ ఫలితాల్లో వికారాబాద్ జిల్లా యువకుడి పొరపాటు
-
ఎంత దెబ్బకు అంత బ్యాండేజ్ కాదా!
-
నేటి రాశి ఫలాలు.. 12 రాశుల ఫలితాలు ఇలా... (26/04/24)
-
ముయిజ్జు పార్టీకి ‘సూపర్ మెజార్టీ’.. భారత్ స్పందనిదే...
-
బంగ్లాదేశ్ను చూసి సిగ్గు పడుతున్నాం - పాకిస్థాన్ ప్రధాని