Vijay: ‘దళపతి 68’.. అధికారికం

‘లియో’ సినిమా తర్వాత కథానాయకుడు విజయ్‌ (Vijay) చేయనున్న కొత్త చిత్రమేదన్నది స్పష్టత వచ్చింది. ఆయన.. వెంకట్‌ ప్రభు దర్శకత్వంలో ఓ సినిమా చేయనున్నట్లు ఇప్పటికే వార్తలొచ్చిన సంగతి తెలిసిందే. ఇప్పుడీ ప్రాజెక్ట్‌నే అధికారికంగా ప్రకటించారు. ఈ మేరకు ఆదివారం ఓ వీడియో గ్లింప్స్‌ను సామాజిక మాధ్యమాల్లో పంచుకున్నారు. అందులో హీరో, దర్శక నిర్మాతలు, సంగీత దర్శకుడి పేర్లను ఫజిల్‌ రూపంలో చూపించిన తీరు ఆసక్తి రేకెత్తించింది. ‘దళపతి 68’ వర్కింగ్‌ టైటిల్‌తో పట్టాలెక్కనున్న ఈ చిత్రాన్ని ఏజిఎస్‌ ఎంటర్‌టైన్‌మెంట్స్‌ సంస్థ నిర్మించనుంది. దీనికి యువన్‌శంకర్‌ రాజా సంగీతమందిస్తున్నారు. ఇతర నటీనటులు, సాంకేతిక నిపుణుల వివరాల్ని త్వరలో ప్రకటించనున్నారు. ఈ సినిమా వచ్చే ఏడాది ప్రేక్షకుల ముందుకు రానుంది.