Vijayanand: వీఆర్‌ఎల్‌ గ్రూప్‌ అధినేత బయోపిక్‌.. స్ఫూర్తినిచ్చేలా ‘విజయానంద్‌’ టీజర్‌

ఇంటర్నెట్‌ డెస్క్‌: ప్రముఖ లాజిస్టిక్‌ కంపెనీ వీఆర్‌ఎల్‌ (VRL Logistics) వ్యవస్థాపకుడు ఆనంద్‌ శంకేశ్వర్‌ జీవితం తెరపైకి వస్తోంది. ఆయన ప్రస్థానాన్ని ‘విజయానంద్‌’ (Vijayanand) పేరుతో రిషికా శర్మ ఓ సినిమాగా రూపొందిస్తున్నారు. శంకేశ్వర్‌ పాత్రలో నిహాల్‌ నటిస్తున్నారు. అనంత్‌ నాగ్‌, వినయ ప్రసాద్‌, ప్రకాశ్‌ బెలవాడి, అనిష్‌ కురువిల్లా తదితరులు కీలక పాత్రలు పోషిస్తున్నారు. మంగళవారం ఈ చిత్ర టీజర్‌ విడుదలైంది. ఆనంద్‌ శంకేశ్వర్‌ తండ్రిపై ఆధార‌ప‌డ‌కుండా స్వతహాగా లారీల వ్యాపారంలోకి ఎలా ప్ర‌వేశించారు? ఆయ‌న‌కు స‌పోర్ట్‌గా నిలిచిందెవ‌రు? తదితర విష‌యాల‌ను టీజ‌ర్‌లో చూపించారు. ఈ వీడియో ప్రేక్షకుల్లో స్ఫూర్తినింపేలా ఉంది. ఈ సినిమాతో వీఆర్‌ఎల్‌ సంస్థ నిర్మాణ రంగంలో అడుగుపెట్టింది. గోపీ సుందర్‌ సంగీతం అందిస్తున్న ఈ చిత్రం పాన్‌ ఇండియా స్థాయిలో విడుదలయ్యే అవకాశాలున్నాయి.