RRR: ‘ఆర్‌ఆర్‌ఆర్‌’కి కొనసాగింపుగా!

‘బాహుబలి’ కథని రెండు భాగాలుగా చెప్పిన దర్శకుడు రాజమౌళి... మరోసారి ఆ తరహా ప్రయత్నం చేసే అవకాశాలున్నాయి. ‘ఆర్‌ఆర్‌ఆర్‌’ కథని కొనసాగించేలా తనకి ఇటీవల కొన్ని ఆలోచనలు వచ్చాయని రచయిత విజయేంద్రప్రసాద్‌ స్వయంగా వెల్లడించారు. ఇటీవల హైదరాబాద్‌లో ‘ఆర్‌ఆర్‌ఆర్‌’ చిత్రబృందం కోసం నిర్మాత దిల్‌రాజు ప్రత్యేకంగా ఓ వేడుకని ఏర్పాటు చేశారు. ఆ వేడుకలో రచయిత విజయేంద్రప్రసాద్‌ చెప్పిన మాటలు  కొనసాగింపు చిత్రంపై ఆశలు పెంచాయి. ఎన్టీఆర్‌, రామ్‌చరణ్‌ కథానాయకులుగా   రాజమౌళి దర్శకత్వంలో తెరకెక్కిన ‘ఆర్‌ఆర్‌ఆర్‌’ విజయవంతంగా ప్రదర్శితమవుతున్న సంగతి తెలిసిందే.