Vikram: ఓటీటీలో ‘విక్రమ్‌’ స్ట్రీమింగ్‌ అప్పటి నుంచేనా?

ఇంటర్నెట్‌డెస్క్‌: కమల్‌హాసన్‌, విజయ్‌ సేతుపతి, ఫహద్‌ ఫాజిల్‌ కీలక పాత్రల్లో లోకేశ్‌ కనకరాజ్‌ దర్శకత్వంలో తెరకెక్కిన మాస్‌ యాక్షన్‌ థ్రిల్లర్‌ ‘విక్రమ్‌’(Vikram). ఇటీవల ప్రేక్షకుల ముందుకు వచ్చిన ఈ సినిమా బాక్సాఫీస్‌ వద్ద భారీ విజయాన్ని నమోదు చేసింది. కలెక్షన్ల వర్షం కురిపిస్తోంది. లోకేశ్‌ టేకింగ్‌, కమల్‌, విజయ్‌ సేతుపతి, ఫహద్‌ల నటన మరో స్థాయికి తీసుకెళ్లింది. ఇప్పటికే థియేటర్‌లో సినిమా చూసిన ప్రేక్షకులు ఓటీటీకి ఎప్పుడు వస్తుందా? అని వేస్తున్నారు. ఈ చిత్ర ఓటీటీ రైట్స్‌ను డిస్నీ+హాట్‌స్టార్‌ దక్కించుకున్న సంగతి తెలిసిందే. ఈ క్రమంలో ఓ వార్త సోషల్‌మీడియా వేదికగా చక్కర్లు కొడుతోంది. జులై 8వ తేదీ నుంచి ‘విక్రమ్‌’ను ఓటీటీలో అందుబాటులోకి తీసుకురానున్నట్లు సమాచారం. దీనిపైన త్వరలోనే అధికారిక ప్రకటన వెలువడనుంది.