Virat-Anushka: దుబాయ్‌లో పార్టీ చేసుకున్న విరుష్క, రాహుల్‌-అతియా శెట్టి

ఇంటర్నెట్‌డెస్క్‌: విరాట్‌ కోహ్లీ (Virat Kohli), అనుష్క శర్మ (Anushka Sharma) దంపతులు నూతన సంవత్సర వేడుకలను ఎంతో సంతోషంగా నిర్వహించుకున్నారు. ఈ వేడుకల కోసం కొన్నిరోజుల ముందే వీళ్లిద్దరూ తమకెంతో ఇష్టమైన దుబాయ్‌కి వెళ్లారు. అక్కడి ప్రకృతి రమణీయత, సూర్యోదయం, సూర్యాస్తమయం అందాలను ఆస్వాదిస్తూ పలు ఫొటోలను షేర్‌ చేశారు. షాపింగ్‌, డిన్నర్‌డేట్‌లతో కొత్త సంవత్సరానికి స్వాగతం పలికారు.

మరోవైపు, మరో ఇండియన్‌ క్రికెటర్‌ కె.ఎల్‌.రాహుల్‌ సైతం దుబాయ్‌ వేదికగా న్యూ ఇయర్‌ సెలబ్రేషన్స్‌ చేసుకున్నారు. తన ప్రియురాలు, నటి అతియా శెట్టితో కలిసి వేడుకల్లో పాల్గొన్నాడు. ప్రస్తుతం ఈ జోడీ ఫొటోలు నెట్టింటిలో వైరల్‌గా మారాయి. ఈ ఏడాదిలోనే వీరి వివాహం జరగనుందని బీటౌన్‌లో కొంతకాలంగా టాక్‌ వినిపిస్తోన్న సంగతి తెలిసిందే. బీటౌన్‌ సెలబ్రిటీ కపుల్‌ కియారా అడ్వాణీ, సిద్దార్థ్‌ మల్హోత్ర కూడా దుబాయ్‌లోనే న్యూ ఇయర్‌ పార్టీ చేసుకున్నారు. మనీశ్‌ మల్హోత్ర ఏర్పాటు చేసిన ఈ పార్టీలో ఈ జోడీ ప్రత్యేక ఆకర్షణగా నిలిచింది. ఫిబ్రవరిలో వీరి వివాహం జరగనున్నట్లు తెలుస్తోంది. రాజస్థాన్‌లోని ఓ కోటలో మూడు రోజులపాటు వీరి పెళ్లి వేడుకలు జరిగే అవకాశం ఉందని పలు పత్రికల్లో వార్తలు చక్కర్లు కొడుతున్నాయి.