Published : 01 Jul 2022 10:59 IST

Sai Pallavi: ‘వెన్నెల’ పాత్ర చేయడం నా అదృష్టం: సాయిపల్లవి

హైదరాబాద్‌: ‘విరాటపర్వం’లో (Virataparvam) వెన్నెల (Vennala) పాత్ర పోషించడం తన అదృష్టంగా భావిస్తున్నట్లు నటి సాయిపల్లవి (Sai Pallavi) అన్నారు. ఆ సినిమా చిత్రీకరణ సమయంలో దిగిన ఫోటోలను షేర్‌ చేస్తూ శుక్రవారం ఉదయం ఆమె ఓ ట్వీట్ పెట్టారు. ‘‘విరాటపర్వం’లోని వెన్నెల పాత్రను ఎప్పటికీ మర్చిపోలేను. ఆ పాత్ర పోషించడం నిజంగా నా అదృష్టం. ఆ పాత్ర, చిత్రబృందం, చిత్రీకరణ రోజులు ఎప్పటికీ గుర్తుపెట్టుకుంటాను. ఇలాంటి అద్భుతమైన పాత్రను నాకందించిన రానా, వేణు ఊడుగుల, ఇతర బృందానికి ధన్యవాదాలు. ఈరోజు నుంచి ‘విరాటపర్వం’ నెట్‌ఫ్లిక్స్‌ వేదికగా అందరికీ అందుబాటులో ఉండనుంది. వెన్నెల ప్రయాణాన్ని మీరందరూ వీక్షిస్తే నేను మరింత ఆనందిస్తా’’ అని ట్వీట్‌ చేశారు.

నక్సలిజం బ్యాక్‌డ్రాప్‌లో సిద్ధమైన ఇంటెన్స్‌ ప్రేమకథా చిత్రం ‘విరాటపర్వం’. వేణు ఊడుగుల దర్శకుడు. రానా(Rana), సాయిపల్లవి ప్రధాన పాత్రలు పోషించారు. 90ల్లో సాగే కథ ఇది. రవన్న (రానా) రాసిన పుస్తకాలకు ప్రభావితమవుతుంది వెన్నెల (సాయి పల్లవి). ఆ అక్షరాలతోపాటు అతడితోనూ ఆమె ప్రేమలో పడుతుంది. కుటుంబ సభ్యులు పెళ్లి సంబంధం చూడగా.. తనకు ఆ వివాహం చేసుకోవడం ఇష్టంలేదని, రవన్నతోనే ఉంటానని ఇల్లు విడిచి వెళ్లిపోతుంది. ఈ క్రమంలో ఆమె నక్సలైట్‌గా మారి, ఎట్టకేలకు రవన్నను కలిసి, తన ప్రేమను వ్యక్తం చేస్తుంది. ఈ క్రమంలో వెన్నెలకు ఎదురైన సమస్యలేంటి? రవన్న.. వెన్నెల ప్రేమను అంగీకరించాడా? అనే ఆసక్తికర అంశాలతో ఈ సినిమా రూపొందింది.


Read latest Movies News and Telugu News

Follow us on Facebook, Twitter, Instagram, Koo, ShareChat, and Google News.

Tags :

గమనిక: ఈనాడు.నెట్‌లో కనిపించే వ్యాపార ప్రకటనలు వివిధ దేశాల్లోని వ్యాపారస్తులు, సంస్థల నుంచి వస్తాయి. కొన్ని ప్రకటనలు పాఠకుల అభిరుచిననుసరించి కృత్రిమ మేధస్సు సాంకేతికతతో పంపబడతాయి. ఏ ప్రకటనని అయినా పాఠకులు తగినంత జాగ్రత్త వహించి, ఉత్పత్తులు లేదా సేవల గురించి సముచిత విచారణ చేసి కొనుగోలు చేయాలి. ఆయా ఉత్పత్తులు / సేవల నాణ్యత లేదా లోపాలకు ఈనాడు యాజమాన్యం బాధ్యత వహించదు. ఈ విషయంలో ఉత్తర ప్రత్యుత్తరాలకి తావు లేదు.


మరిన్ని

ap-districts
ts-districts

ఎక్కువ మంది చదివినవి (Most Read)

మరిన్ని