Sai Dharam Tej: ఆ పాత్రని చంపితే.. నువ్వు ఈ ప్రశ్న అడగవు: సాయిధరమ్‌ తేజ్‌

ఇంటర్నెట్‌ డెస్క్‌: ‘విరూపాక్ష’ (Virupaksha) విజయోత్సాహంలో ఉన్న హీరో సాయిధరమ్‌ తేజ్‌ (Sai Dharam Tej) సోషల్‌ మీడియా వేదికగా అభిమానులతో ముచ్చటించారు. వారు అడిగిన ప్రశ్నలకు సరదాగా సమాధానాలిచ్చారు. సినిమా విశేషాలతోపాటు పెళ్లి ప్రస్తావనపైనా తనదైన శైలిలో స్పందించారు. ఆ వివరాలివీ.. 

* ‘విరూపాక్ష’ హిందీ వెర్షన్‌ ఎప్పుడు విడుదల చేస్తారు?

సాయిధరమ్‌ తేజ్‌: మే 5న రిలీజ్‌ చేసేలా ప్రయత్నిస్తున్నాం.

* ఈ సినిమా పార్ట్‌ 2 ఉంటుందా?

సాయిధరమ్‌ తేజ్‌: ఉంది అనే కదా పార్ట్‌ 1లో హింట్‌ ఇచ్చాం.

* ‘విరూపాక్ష’లో రాజీవ్‌ కనకాల పాత్రను ఎందుకు చంపలేదు?

సాయిధరమ్‌ తేజ్‌: చంపితే నువ్వు ఈ ప్రశ్న అడగవు కదా!

* మీ తదుపరి చిత్రం #PKSDT టైటిల్‌ లీక్‌ చేయండి.

సాయిధరమ్‌ తేజ్‌: నీదేం పోయింది. అలా చేస్తే ‘తేజూ గారు’ అంటూ నాకు ఫోన్‌ కాల్‌ వస్తుంది.

* PKSDT కాకుండా మరో సినిమా చేస్తున్నారా?

సాయిధరమ్‌ తేజ్‌: నూతన దర్శకుడు జయంత్‌ తెరకెక్కిస్తోన్న లవ్లీ ఫ్యామిలీ డ్రామా చిత్రంలో నటిస్తున్నా.

* మీతో ఓ సినిమా తీయాలని ఉంది. దాని కోసం ఏం చేయాలి?

సాయిధరమ్‌ తేజ్‌: కార్తిక్‌ (విరూపాక్ష దర్శకుడు), జయంత్‌లా మంచి కథతో వస్తే సినిమా చేసేందుకు నేను రెడీ.

* తమిళ దర్శకుల్లో మీ ఫేవరెట్‌ ఎవరు?

సాయిధరమ్‌ తేజ్‌: మణిరత్నం సర్‌. ఇప్పటి దర్శకుల్లో లోకేశ్‌ కనగరాజ్‌, మిత్రన్‌. 

* చిరంజీవితో కలిసి ఎప్పుడు నటిస్తారు?

సాయిధరమ్‌ తేజ్‌: ఆయన పిలిచినప్పుడు.

* కథానాయికల్లో మీ క్రష్‌ ఎవరు?

సాయిధరమ్‌ తేజ్‌: సమంత.

* రామ్‌చరణ్‌ గురించి ఒక్క మాటలో..

సాయిధరమ్‌ తేజ్‌: ఒక్క మాటలో చెప్పాలంటే కష్టం బ్రదర్‌.

* మెగా ఫ్యామిలీ కాకుండా మీరు అభిమానించే టాలీవుడ్‌ హీరోలు?

సాయిధరమ్‌ తేజ్‌: రవితేజ గారు, ప్రభాస్‌ అన్న.

* మీ కెరీర్‌లో సవాలు విసిరిన పాత్ర?

సాయిధరమ్‌ తేజ్‌: ‘రిపబ్లిక్‌’లోని అభిరామ్‌ పాత్ర.

* మీకు ఇష్టమైన వంటలు?

సాయిధరమ్‌ తేజ్‌: అన్నం.. పప్పు.. నెయ్యి.. ఆవకాయ్‌.

* పెళ్లి ఎప్పుడు చేసుకుంటారు?

సాయిధరమ్‌ తేజ్‌: నీకు అయిన తర్వాత చేసుకుంటా. నీ పెళ్లి ఎప్పుడు?

* అరేంజ్‌ మ్యారేజ్‌ చేసుకుంటారా? లవ్‌ మ్యారేజా?

సాయిధరమ్‌ తేజ్‌: ఇన్ని ఆప్షన్లు ఉంటాయా!