Enemy: ఓటీటీలో విశాల్‌-ఆర్య ‘ఎనిమి’.. స్ట్రీమింగ్‌ ఎక్కడంటే?

హైదరాబాద్‌: తమిళంతో పాటు తెలుగులోనూ మంచి గుర్తింపు ఉన్న నటుడు విశాల్‌. ఆర్యతో కలిసి ఆయన నటించిన చిత్రం ‘ఎనిమి’. ఆనంద్‌ శంకర్‌ దర్శకుడు. మిని స్టూడియోస్‌ పతాకంపై ఎస్‌.వినోద్‌ కుమార్‌  నిర్మించారు. మృణాళిని రవి కథానాయిక. మమతా మోహన్‌ దాస్‌, ప్రకాశ్‌ రాజ్‌ కీలక పాత్రలు పోషించారు. దీపావళి సందర్భంగా గత నవంబరు 4న తమిళ/తెలుగు భాషల్లో విడుదలైంది. యాక్షన్‌ ఎంటర్‌టైనర్‌గా పర్వాలేదనిపించింది. ఇప్పుడు ఈ చిత్రం ఓటీటీలో విడుదలయ్యేందుకు సిద్ధమైంది. ‘ఎనిమి’ ఓటీటీ రైట్స్‌ను సోనీలివ్‌ దక్కించుకుంది. ఫిబ్రవరి నెలలో ఈ సినిమా తెలుగు/తమిళ భాషల్లో సోనీలివ్‌ వేదికగా స్ట్రీమింగ్‌ కానుంది. మిత్రులుగా ఉన్న విశాల్‌, ఆర్యలు ఎందుకు శత్రువులుగా మారాల్సి వచ్చింది? ఇద్దరి మధ్య జరిగే పోరులో పై చేయి ఎవరిది? అన్నది తెరపైనే చూడాలి. తమన్‌ ఈ చిత్రానికి సంగీతం అందించారు.