Vishal: ఓటీటీలోకి విశాల్‌ ‘సామాన్యుడు’.. స్ట్రీమింగ్‌ ఎక్కడంటే?

ఇంటర్నెట్‌ డెస్క్‌: విశాల్‌ హీరోగా తెరకెక్కిన యాక్షన్‌ థ్రిల్లర్‌ చిత్రం ‘సామాన్యుడు’. థియేటర్లలో ఫిబ్రవరి 4న విడుదలై ప్రేక్షకుల్ని మెప్పించిన ఈ సినిమా అతి త్వరలోనే ఓటీటీలో స్ట్రీమింగ్‌కానుంది. ‘జీ 5’లో మార్చి 4 నుంచి అలరించేందుకు సిద్ధమైంది. శరవణన్‌ దర్శకత్వం వహించిన ఈ సినిమాలో విశాల్‌ సరసన డింపుల్‌ హయాతి నటించింది. విశాల్‌ నిర్మించిన ఈ సినిమాకి యువన్‌ శంకర్‌ రాజా స్వరాలు సమకూర్చారు.

సామాన్యుడి కథ ఇదీ..

పోరస్ (విశాల్) పోలీస్ ఆఫీసర్ కావాలని కలలు కనే ఓ సామాన్య యువకుడు. మైథిలి (డింపుల్ హయాతి)తో ప్రేమలో ఉంటాడు. తన కుటుంబం, కలలే ప్రపంచంగా బతుకుతున్న పోరస్ చెల్లెలు ద్వారక ఓ పోకిరి వల్ల ఇబ్బంది పడుతుంది. పోకిరి నుంచి ద్వారకను కాపాడుకునే క్రమంలోనే ఆమె హత్యకు గురవుతుంది. ద్వారకతోపాటు మరి కొన్ని హత్యలూ జరుగుతాయి. ఈ హత్యల వెనక రాజకీయం ఉంటుంది. ఆ వలయాన్ని ఛేదించి హత్యల వెనకున్న హంతకులను పోరస్ ఎలా బయటకు తీశాడన్నది ఆసక్తికరం.

► Read latest Movies News and Telugu News

► Follow us on Facebook, Twitter, Instagram, Koo, ShareChat and Google News.

ఇవీ చదవండి

Tags :

గమనిక: ఈనాడు.నెట్‌లో కనిపించే వ్యాపార ప్రకటనలు వివిధ దేశాల్లోని వ్యాపారస్తులు, సంస్థల నుంచి వస్తాయి. కొన్ని ప్రకటనలు పాఠకుల అభిరుచిననుసరించి కృత్రిమ మేధస్సు సాంకేతికతతో పంపబడతాయి. ఏ ప్రకటనని అయినా పాఠకులు తగినంత జాగ్రత్త వహించి, ఉత్పత్తులు లేదా సేవల గురించి సముచిత విచారణ చేసి కొనుగోలు చేయాలి. ఆయా ఉత్పత్తులు / సేవల నాణ్యత లేదా లోపాలకు ఈనాడు యాజమాన్యం బాధ్యత వహించదు. ఈ విషయంలో ఉత్తర ప్రత్యుత్తరాలకి తావు లేదు.