Saamanyudu: విశాల్‌ ‘సామాన్యుడు’ విడుదల తేదీ ఖరారు

హైదరాబాద్‌: విశాల్‌ కథానాయకుడిగా శరవణన్‌ దర్శకత్వంలో నటించిన చిత్రం ‘సామాన్యుడు’. డింపుల్‌ హయాతీ కథానాయిక గణతంత్రదినోత్సవం సందర్భంగా జనవరి 26న విడుదల కావాల్సిన ఈ సినిమా వాయిదా పడింది. తాజాగా ఈ చిత్రాన్ని ఫిబ్రవరి 4న ప్రేక్షకుల ముందుకు తీసుకురానున్నట్లు చిత్ర బృందం ప్రకటించింది. అంతేకాదు, ఈ సినిమా ఓటీటీ హక్కులను జీ5 దక్కించుకుంది. ‘నేనొక సామాన్యుడిని ఎదురు తిరగకపోతే నన్నూ చంపేస్తారు’ అంటూ విశాల్‌ పలికిన సంభాషణలతో కూడిన ట్రైలర్‌ను ఇటీవల విడుదల చేశారు. మరి ఈ సామాన్యుడు ఎవరిపై పోరాటం చేయాల్సి వచ్చింది? అందుకు కారణాలేంటి? విశాల్‌ పోలీస్‌ ఆఫీసర్‌ అయ్యాడా? తెలియాలంటే సినిమా చూడాల్సిందే!