Vishal: ‘డిటెక్టివ్‌-2’ షూటింగ్‌పై విశాల్‌ ఏమన్నారంటే?

హైదరాబాద్‌: విశాల్‌ కథానాయకుడిగా తమిళంలో ఘన విజయం సాధించిన చిత్రం ‘తుప్పరివాలన్‌’. తెలుగులో ‘డిటెక్టివ్‌’ పేరుతో వచ్చిన ఈ సినిమా ఇక్కడ కూడా మంచి విజయాన్ని సొంతం చేసుకుంది. ‘డిటెక్టివ్‌’కు కొనసాగింపు మరో సినిమా ఉంటుందని విశాల్‌ ఎప్పుడో ప్రకటించారు. అయితే, కరోనా కారణంగా ఈ సినిమా షూటింగ్‌ మొదలు కాలేదు.

ఈ నేపథ్యంలో ‘డిటెక్టివ్‌-2’ త్వరలోనే సెట్స్‌పైకి వెళ్లనున్నట్లు విశాల్‌ తెలిపారు. జనవరి నుంచి లండన్‌లో చిత్రీకరణ మొదలు పెట్టనున్నట్లు పేర్కొన్నారు. ఏప్రిల్‌ నుంచి రెగ్యులర్‌ షూటింగ్‌ మొదలవుతుందని వెల్లడించారు. అంతేకాదు, ఈ చిత్రంతో విశాల్‌ దర్శకుడిగానూ మారబోతున్నారు. తొలి చిత్రానికి మిస్కిన్‌ దర్శకత్వం వహించిన సంగతి తెలిసిందే. సీక్వెల్‌ను కూడా ఆయనే తెరకెక్కించాల్సి ఉంది. కానీ, విశాల్‌తో అభిప్రాయభేదాలు రావడంతో ప్రాజెక్టు నుంచి పక్కకు వెళ్లిపోయారు.

► Read latest Cinema News and Telugu News