Vishal: క్లైమాక్స్‌ ...కసరత్తు

యాక్షన్‌ చిత్రాలకు, సాహసోపేతమైన పోరాటాలకు చిరునామాగా నిలిచే కథా నాయకుడు విశాల్‌ (Vishal). ప్రస్తుతం ఆయన తెల్లవారుజామున 5గంటలకే లేచి భారీగా కసరత్తులు చేస్తున్నారు. ఎందుకంటారా? తన కొత్త చిత్రం ‘లాఠీ’(Laththi) క్లైమాక్స్‌ చిత్రీకరణ కోసం. ‘‘త్వరలోనే ప్రారంభం కానున్న ఈ భారీ యాక్షన్‌ షెడ్యూల్‌ కోసం సిద్ధమవుతున్నా’’ అంటూ ఉదయాన్నే జిమ్‌లో ఉన్న ఫొటోలను సామాజిక మాధ్యమాల్లో పంచుకున్నాడు విశాల్‌. వినోద్‌కుమార్‌ దర్శకత్వం వహిస్తున్న ఈ చిత్రం త్వరలోనే తెలుగులోనూ విడుదల కానుంది. ఇటీవల ఏపీ రాష్ట్ర రాజకీయాల్లోకి తాను వస్తున్నట్లు వెలువడుతున్న వార్తలను విశాల్‌ ఖండించారు. ‘‘నన్ను ఎవరూ సంప్రదించలేదు. ఆంధ్రప్రదేశ్‌ రాజకీయాల్లోకి రావడం లేదు’’ అని ప్రకటించారు.