ఆనాడు ప్రగ్యాను రిస్క్‌లో పెట్టానన్న విష్ణు

హీరోయిన్‌ ప్రగ్యాజైశ్వాల్‌ని రిస్క్‌లో పెట్టడం తనని ఎంతగానో బాధపెట్టిందని నటుడు మంచు విష్ణు అన్నారు. వీళ్లిద్దరూ కలిసి జంటగా నటించిన ‘ఆచారి అమెరికా యాత్ర’ షూట్‌కు సంబంధించిన...

Updated : 24 Apr 2021 21:01 IST

బైక్‌ యాక్సిడెంట్‌ వీడియో షేర్‌ చేసిన నటుడు

హైదరాబాద్‌: హీరోయిన్‌ ప్రగ్యా జైశ్వాల్‌ని రిస్క్‌లో పెట్టడం తనని ఎంతగానో బాధపెట్టిందని నటుడు మంచు విష్ణు అన్నారు. వీళ్లిద్దరూ కలిసి జంటగా నటించిన ‘ఆచారి అమెరికా యాత్ర’ షూట్‌కు సంబంధించిన ఓ యాక్సిడెంట్‌ వీడియోని తాజాగా విష్ణు షేర్‌ చేశారు. ఈ సినిమాలో ఓ యాక్షన్‌ సీక్వెన్స్‌ చిత్రీకరిస్తున్న సమయంలో మంచు విష్ణుకి పెద్ద ప్రమాదం తప్పిన విషయం తెలిసిందే. ఈ ప్రమాదంలోనే ఆయనకు బాగా గాయాలయ్యాయి. తాజాగా ఆ ఫైట్‌ సీక్వెన్స్‌ షూట్‌ వీడియోని విష్ణు  షేర్‌ చేశారు.

‘ఈ ప్రమాదాన్ని నేను తరచూ గుర్తు చేసుకుంటాను. ప్రమాదం జరిగే ఛాన్స్‌ ఉందని షూట్‌కు ముందే దర్శకుడు, ఫైట్‌ మాస్టర్‌కు చెప్పాను. వాళ్లెవరూ నా మాట వినిపించుకోలేదు. నాకెంతో కోపం వచ్చింది. ఆ సమయంలో నాతోపాటు ప్రగ్యాని సైతం రిస్క్‌లో పెట్టినందుకు నాకెంతో బాధగా ఉంది. అదృష్టం కొద్ది తనకి ఏమీ కాలేదు. ఎన్నో సంవత్సరాల నుంచి మార్షల్‌ ఆర్ట్స్‌లో శిక్షణ తీసుకోవడం వల్ల నా తలకు కూడా పెద్దగా గాయాలవలేదు. ఈ ప్రమాదం జరిగిన సమయంలో నా భార్య విరానికా గర్భవతి. నా వల్ల తను ఎంతో భయపడింది. ఈ విషయమై ఇప్పటికీ నేను తనకి క్షమాపణలు చెబుతూనే ఉన్నాను. ఈ ప్రమాదం వల్ల నాకు బంధాలు, అనుబంధాల గురించి ఎంతోగానో తెలిసివచ్చింది’ అని విష్ణు పేర్కొన్నారు.


Read latest Movies News and Telugu News

Follow us on Facebook, Twitter, Instagram & Google News.

Tags :

గమనిక: ఈనాడు.నెట్‌లో కనిపించే వ్యాపార ప్రకటనలు వివిధ దేశాల్లోని వ్యాపారస్తులు, సంస్థల నుంచి వస్తాయి. కొన్ని ప్రకటనలు పాఠకుల అభిరుచిననుసరించి కృత్రిమ మేధస్సుతో పంపబడతాయి. పాఠకులు తగిన జాగ్రత్త వహించి, ఉత్పత్తులు లేదా సేవల గురించి సముచిత విచారణ చేసి కొనుగోలు చేయాలి. ఆయా ఉత్పత్తులు / సేవల నాణ్యత లేదా లోపాలకు ఈనాడు యాజమాన్యం బాధ్యత వహించదు. ఈ విషయంలో ఉత్తర ప్రత్యుత్తరాలకి తావు లేదు.


మరిన్ని

ap-districts
ts-districts

సుఖీభవ

చదువు