Vishwak: ప్రశ్నించే కథతో ‘విశ్వక్‌’

అజయ్‌ కతుర్వాన్‌ కథానాయకుడిగా పరిచయమవుతున్న చిత్రం ‘విశ్వక్‌’. వేణు ముల్కాకా దర్శకుడిగా పరిచయం అవుతున్నారు. తాటికొండ ఆనందం బాలకృష్ణ నిర్మిస్తున్నారు. ఈ సినిమా ఈ నెల 18న విడుదలవుతోంది. ఈ సందర్భంగా హైదరాబాద్‌లో ట్రైలర్‌ని విడుదల చేశారు. దర్శకుడు మాట్లాడుతూ ‘‘మూడేళ్ల కష్టం ఈ సినిమా. మేథావులు వలసలు వెళితే ఎలా అభివృద్ధి చెందుతుందని ప్రశ్నించే కథ ఇద’’న్నారు. కథానాయకుడు మాట్లాడుతూ ‘‘ఈ చిత్రం ఎవరినీ వేలెత్తి చూపించేలా ఉండదు. మంచి విషయం పది మందికి చేరాలనే తపనతో చేశాం’’ అన్నారు. కార్యక్రమంలో సంగీత దర్శకుడు సత్యసాగర్‌, ఛాయాగ్రాహకుడు ప్రదీప్‌, ఎడిటర్‌ విశ్వనాథ్‌ తదితరులు పాల్గొన్నారు.