Waltair Veerayya: వీరయ్య రాక ఖరారు

సంక్రాంతికి ‘వాల్తేరు వీరయ్య’గా (Waltair Veerayya) ప్రేక్షకుల్ని పలకరించనున్నారు కథానాయకుడు చిరంజీవి (Chiranjeevi). ఈ విషయమై ఇప్పటికే స్పష్టత రాగా.. బుధవారం విడుదల తేదీనీ చెప్పేశారు. ఈ చిత్రాన్ని వచ్చే ఏడాది జనవరి 13న ప్రేక్షకుల ముందుకు తీసుకొస్తున్నట్లు చిత్ర నిర్మాతలు అధికారికంగా ప్రకటించారు. ఈ మేరకు విడుదల తేదీతో కూడిన ఓ కొత్త పోస్టర్‌ను సామాజిక మాధ్యమాల్లో పంచుకున్నారు. ఆ ప్రచార చిత్రంలో చిరు ఊర మాస్‌ లుక్‌తో ఆకట్టుకునేలా కనిపించారు. వినూత్నమైన మాస్‌ యాక్షన్‌ కథాంశంతో బాబీ (కె.ఎస్‌.రవీంద్ర) (Bobby) తెరకెక్కిస్తున్న చిత్రమిది. మైత్రీ మూవీ మేకర్స్‌ సంస్థ నిర్మిస్తోంది. శ్రుతిహాసన్‌ నాయిక. ఇందులో హీరో రవితేజ (Raviteja) ఓ కీలక పాత్ర పోషిస్తున్నారు. ప్రస్తుతం చిత్రీకరణ ముగింపు దశలో ఉంది. ఈ సినిమాకి సంగీతం: దేవిశ్రీ ప్రసాద్‌,  ఛాయాగ్రహణం: ఆర్థర్‌ ఎ.విల్సన్‌.