2020లో ‘క‌ల‌ర్ ఫోటో’.. 2021లో వెబ్ సిరీస్‌ 

ఇంట‌ర్నెట్ డెస్క్‌: సుహాస్‌, చాందిని చౌద‌రి, సునీల్ ప్ర‌ధాన పాత్ర‌ల్లో తెర‌కెక్కిన చిత్రం ‘క‌ల‌ర్ ఫోటో’. సందీప్ రాజ్ ద‌ర్శ‌క‌త్వం వ‌హించారు. నేరుగా ఓటీటీ ఆహా వేదిక‌గా విడుద‌లై విశేష ప్రేక్ష‌కాద‌రణ‌ పొందింది ఈ ప్రేమ‌క‌థా చిత్రం. ఈ బృందం నుంచి త్వ‌ర‌లోనే ఓ వెబ్ సిరీస్ రానుంది. క‌ల‌ర్‌ఫొటోలో న‌టించిన చాలామంది ఈ సిరీస్‌లోనూ క‌నిపించ‌నున్నారు. ఈ విష‌యాన్ని సామాజిక మాధ్య‌మాల వేదిక‌గా తెలియ‌జేశారు ద‌ర్శ‌కుడు సందీప్‌. ఓ వీడియో పంచుకుంటూ మ‌రిన్ని వివ‌రాలు త్వ‌ర‌లోనే అంటూ ప్రేక్ష‌కుల్లో ఆస‌క్తిని పెంచుతున్నారు. కామెడీ, ఎమోష‌న్‌, ఫాంట‌సీ, అతిథి పాత్ర‌లు.. ఇలా అన్ని ర‌కాల వినోదం ఉంటుంద‌న్నారు.మ‌రి సిరీస్‌లో క‌నిపించే ఆ న‌టులెవ‌రో తెలియాలంటే వేచి చూడాల్సిందే. ఈ సిరీస్‌కి ప్ర‌ముఖ సంగీత ద‌ర్శ‌కుడు మ‌ణిశ‌ర్మ స్వ‌రాలు సమ‌కూర్చ‌డం విశేషం.