Yash: యశ్‌ వేస్తున్న ‘గూగ్లీ’

‘కేజీఎఫ్‌’ (KGF) భారీ విజయాల తర్వాత కథానాయకుడు యశ్‌ (Yash) క్రేజ్‌ అమాంతం పెరిగిపోయింది. ఆయన పాన్‌ ఇండియా స్టార్‌గా ఎదిగారు. తను నటించిన పాత సినిమాల్ని వరుసపెట్టి రీమేక్‌ చేస్తున్నారు. ఆ జాబితాలో ఇప్పుడు ‘గూగ్లీ’ (Googly) చేరబోతోంది. ఈ రొమాంటిక్‌ కామెడీ సినిమా హక్కుల్ని నిర్మాత మహేష్‌ దనన్నవార్‌ దక్కించుకున్నారు. ఈ చిత్రాన్ని హిందీతోపాటు ఇతర భాషల్లో పునర్నిర్మించనున్నట్టు తాజాగా ప్రకటించారు. ‘నాకు కన్నడ పరిశ్రమతో మంచి సంబంధాలున్నాయి. యశ్‌ కేజీఎఫ్‌ చిత్రాలకు భిన్నంగా ఇందులో రొమాంటిక్‌గా కనిపించారు. కన్నడలాగే రీమేక్‌ చిత్రాన్ని ఇతర భాషా ప్రేక్షకులు ఎంజాయ్‌ చేస్తారని భావిస్తున్నా. పూర్తి వివరాలు త్వరలో ప్రకటిస్తా’ అన్నారు. 2013లో వచ్చిన ఈ చిత్రంలో కృతి కర్బందా కథానాయిక.