Yashoda Review: రివ్యూ: యశోద
‘యశోద’ రివ్యూ (Yashoda Review). సమంత (Samantha) ప్రధాన పాత్రలో నటించిన ఈ సినిమా ఎలా ఉందంటే?
Yashoda Review చిత్రం: యశోద, నటీనటులు: సమంత, వరలక్ష్మీ శరత్ కుమార్, ఉన్ని ముకుందన్, రావు రమేష్, మురళీ శర్మ, సంపత్ రాజ్, శత్రు, మధురిమ, కల్పికా గణేష్, దివ్య శ్రీపాద, ప్రియాంకా శర్మ తదితరులు, సంగీతం: మణిశర్మ, మాటలు: పులగం చిన్నారాయణ, డా. చల్లా భాగ్యలక్ష్మి, పాటలు: రామజోగయ్య శాస్త్రి, ఛాయాగ్రహణం: ఎం. సుకుమార్, కళ: అశోక్, పోరాటాలు: వెంకట్, యానిక్ బెన్, కూర్పు: మార్తాండ్ కె. వెంకటేష్, నిర్మాణం: శివలెంక కృష్ణప్రసాద్. దర్శకత్వం: హరి - హరీష్,
సంస్థ: శ్రీదేవి మూవీస్, విడుదల: 11 నవంబర్ 2022.
కథానాయిక ప్రాధాన్యమున్న చిత్రాలకి కేరాఫ్గా మారారు సమంత. తొలినాళ్లలో గ్లామర్ తారగా సందడి చేసినా... కొన్నాళ్లుగా తనలోని నటిని ఆవిష్కరించేలా కథల్ని ఎంపిక చేసుకుంటూ ప్రయాణం చేస్తున్నారు. ‘యూ టర్న్‘, ‘ఓ బేబి’ చిత్రాల తర్వాత మళ్లీ ఆమె చేసిన నాయికా ప్రధానమైన చిత్రం.. ‘యశోద’. ఈ సినిమాలో సమంత గర్భవతిగా నటించడమే కాదు...పోరాటాలూ చేశారు. సినిమా పూర్తయ్యే క్రమంలో అనారోగ్యంతో ఇబ్బందిపడినా సరే.. డబ్బింగ్ పనులు పూర్తి చేశారు. పాన్ ఇండియా స్థాయిలో మంచి ప్రచారం, అంచనాల మధ్య విడుదలైన ఈ సినిమా ఎలా ఉందో తెలుసుకునే ముందు కథేమిటో చూద్దాం...
కథేంటంటే?
యశోద (సమంత) మధ్య తరగతి కుటుంబానికి చెందిన అమ్మాయి. ఆర్థిక అవసరాల రీత్యా సరోగసి పద్ధతిలో బిడ్డకి జన్మనివ్వడం కోసం డా.మధు (వరలక్ష్మి శరత్కుమార్)కి చెందిన ఈవా ఆస్పత్రిలో చేరుతుంది. ఒక ప్రత్యేక ప్రపంచంలా అనిపించే ఈవాలో జరిగే కొన్ని పరిణామాలు యశోదలో అనుమానం రేకెత్తిస్తాయి. తనతోపాటు బిడ్డలకి జన్మనివ్వడం కోసం ఆస్పత్రిలో చేరిన తోటి మహిళలు అనుమానాస్పద రీతిలో కనుమరుగైపోతుంటారు. ఇంతకీ ఆ మహిళలు ఏమవుతున్నారు? యశోద తన అనుమానాల్ని నివృత్తి చేసుకోవడం కోసం ఏం చేసింది? ఆ ఆ క్రమంలో ఆమెకి ఎలాంటి విషయాలు తెలిశాయి? ఇంతకీ ఈ మధు ఎవరు? ఈ ఆస్పత్రిలో సంఘటనలకీ, బయట జరిగిన మరో రెండు హత్యలకీ సంబంధమేమిటనేది మిగతా కథ.
ఎలా ఉందంటే?
సరోగసి నేపథ్యంలో సాగే మెడికల్ మాఫియా కథ ఇది. వాస్తవ సంఘటనల ఆధారంగా హరి - హరీష్ దర్శకద్వయం తెరకెక్కించింది. కథ సాగే నేపథ్యం, మనసుల్ని తాకే భావోద్వేగాలు, సమంత నటన సినిమాకి హైలైట్గా నిలిచాయి. గర్భధారణ కోసం ఆస్పత్రిలో చేరడం, ఈవాలో సాగే ఆరంభ సన్నివేశాలతో ప్రేక్షకుడు నేరుగా యశోద ప్రపంచంలోకి వెళతాడు. అక్కడ అనుమానాస్పదంగా అనిపించే విషయాలతో ప్రేక్షకుడిని థ్రిల్ చేస్తూ కథని మరింత రక్తి కట్టించడంలో దర్శకులు సఫలమయ్యారు. సరోగసి పేరుతో జరిగే నేరం చుట్టూ సాగే కథ అనే విషయం అర్థమవుతున్నప్పటికీ... ఉత్కంఠ రేకెత్తించే సన్నివేశాలతో తర్వాత ఏం జరుగుతుందనే ఆసక్తి మాత్రం కొనసాగుతుంది. మాతృత్వం చుట్టూ సాగే సన్నివేశాలు, అద్దె గర్భం కోసం వచ్చిన కొద్దిమంది యువతుల జీవిత నేపథ్యాలతో భావోద్వేగాలు పండడం ప్రథమార్ధానికి మరింతగా కలిసొచ్చింది.
ద్వితీయార్ధంలోనే అసలు కథ. సాధారణంగా నేర పరిశోధన జరుగుతున్నప్పుడు దొరికే చిన్న చిన్న ఆధారాలతోనే అసలు విషయాలు బయటికొస్తుంటాయి. ఆ తరహా సన్నివేశాలే థ్రిల్ని పంచుతుంటాయి. ఈ కథలో మాత్రం నేరాలు చేసేవాళ్లే తమ అసలు రూపాన్ని బయటపెట్టడం అంతగా అతకలేదనిపిస్తుంది. కథలో థ్రిల్ మిస్ కావడానికి అదొక ప్రధాన కారణం. కానీ మధు పాత్రలో నటించిన వరలక్ష్మి శరత్కుమార్, డా.గౌతమ్ (ఉన్ని ముకుందన్), కేంద్రమంత్రి (రావు రమేష్) నేపథ్యాలు, వాళ్లు కలిసిన విధానం ఆసక్తికరంగా అనిపిస్తుంది. పతాక సన్నివేశాల్లో సమంత పాత్రలో మరో కోణం కనిపిస్తుంది. అది కూడా సినిమాకి హైలైట్గా నిలిచింది. సమంత చేసిన పోరాట ఘట్టాలు బాగున్నాయి. ఈ కథలో భావోద్వేగాలు పండినప్పటికీ, ప్రేక్షకుడికి మరింత థ్రిల్ని పంచడంలో దర్శకులు తడబడినట్టు అనిపిస్తుంది. పాన్ ఇండియా స్థాయి సినిమాకి తగ్గట్టుగా నిర్మించడం సినిమాకి కలిసొచ్చే మరో అంశం.
ఎవరెలా చేశారంటే?
యశోదగా సమంత నటన సినిమాకి ప్రధానబలం. ఆరంభంలో అమాయకంగా కనిపిస్తూ, తనవైన హావభావాలతో వినోదం పంచిన ఆమె, ఆ తర్వాత తనలో మరో కోణాన్ని ఆవిష్కరిస్తూ పాత్రని పండించిన తీరు బాగుంది. పోరాట ఘట్టాల్లోనూ సత్తా చాటింది. వరలక్ష్మి శరత్కుమార్, ఉన్ని ముకుందన్, రావురమేష్ల పాత్రలు ఆకట్టుకుంటాయి. మురళీశర్మ, సంపత్రాజ్, శత్రు అలవాటైన పాత్రల్లోనే కనిపిస్తారు. సాంకేతిక విభాగాలు సినిమాకి మరింత వన్నె తీసుకొచ్చాయి. మణిశర్మ సంగీతం, అశోక్ కళా ప్రతిభ, సుకుమార్ కెమెరా పనితనం సినిమాలోని ప్రతి ఫ్రేమ్లో కనిపిస్తుంది. ఈవా ఆస్పత్రిని తీర్చిదిద్దిన విధానం, దాన్ని తెరపై అంతే కొత్తగా చూపించిన విధానం బాగుంది. సంభాషణలు ఆకట్టుకున్నాయి. దర్శకులు హరి -హరీష్ తెరపై ఓ కొత్త కథని చూపించారు. అయితే ఆ కథని నడిపించిన విధానంలోనే అక్కడక్కడా లోపాలు కనిపిస్తాయి. మరింత థ్రిల్ని జోడించడంలో దర్శకులు విఫలమయ్యారు.
బలాలు
+ కథా నేపథ్యం
+ సమంత నటన
+ భావోద్వేగాలు
+ ప్రథమార్ధం
బలహీనతలు
- ఊహకు తగ్గట్టుగా సాగే సన్నివేశాలు
- కీలక సన్నివేశాల్లో థ్రిల్ కొరవడటం
చివరిగా: యశోద... మెప్పిస్తుంది
గమనిక: ఈ సమీక్ష సమీక్షకుడి దృష్టి కోణానికి సంబంధించింది. ఇది సమీక్షకుడి వ్యక్తిగత అభిప్రాయం మాత్రమే!
Trending
గమనిక: ఈనాడు.నెట్లో కనిపించే వ్యాపార ప్రకటనలు వివిధ దేశాల్లోని వ్యాపారస్తులు, సంస్థల నుంచి వస్తాయి. కొన్ని ప్రకటనలు పాఠకుల అభిరుచిననుసరించి కృత్రిమ మేధస్సుతో పంపబడతాయి. పాఠకులు తగిన జాగ్రత్త వహించి, ఉత్పత్తులు లేదా సేవల గురించి సముచిత విచారణ చేసి కొనుగోలు చేయాలి. ఆయా ఉత్పత్తులు / సేవల నాణ్యత లేదా లోపాలకు ఈనాడు యాజమాన్యం బాధ్యత వహించదు. ఈ విషయంలో ఉత్తర ప్రత్యుత్తరాలకి తావు లేదు.
మరిన్ని
-
Om Bhim Bush Review; రివ్యూ: ఓం భీమ్ బుష్.. కామెడీ ఎంటర్టైనర్ అలరించిందా?
om bhim bush review: శ్రీ విష్ణు, ప్రియదర్శి, రాహుల్ రామకృష్ణ కీలక పాత్రల్లో నటించిన ‘ఓం భీమ్ బుష్’ ఎలా ఉందంటే? -
ThulasiVanam Review: రివ్యూ: తులసీవనం: మిడిల్క్లాస్ కుర్రాడి బయోపిక్
ఓటీటీ ‘ఈటీవీ విన్’లో విడుదలైన ‘తులసీవనం’ వెబ్సిరీస్ ఎలా ఉందంటే? -
Abraham Ozler review: రివ్యూ: అబ్రహాం ఓజ్లర్.. మలయాళ క్రైమ్ థ్రిల్లర్ ఎలా ఉంది?
Abraham Ozler review: జయరామ్, మమ్ముట్టి కీలక పాత్రల్లో నటించిన ‘అబ్రహాం ఓజ్లర్’ ఎలా ఉందంటే? -
Save The Tigers 2 Review: రివ్యూ: సేవ్ ది టైగర్స్ సీజన్ 2.. నవ్వులు రిపీట్ అయ్యాయా?
ప్రియదర్శి, అభినవ్ గోమఠం, చైతన్య కృష్ణ ప్రధాన పాత్రల్లో నటించిన వెబ్సిరీస్ ‘సేవ్ ది టైగర్స్ 2’. ఓటీటీ ‘డిస్నీ+ హాట్స్టార్’లో విడుదలైన ఈ సిరీస్ ఎలా ఉందంటే? -
Sharathulu Varthisthai Review: రివ్యూ: షరతులు వర్తిస్తాయి.. సినిమా ఎలా ఉందంటే?
Sharathulu Varthisthai Review: చైతన్యరావు కీలక పాత్రలో నటించిన ‘షరతులు వర్తిస్తాయి’ మూవీ మెప్పించిందా? -
Yodha Review: రివ్యూ: యోధ.. యాక్షన్ థ్రిల్లర్ మెప్పించిందా?
సిద్ధార్థ్ మల్హోత్రా, రాశీఖన్నా నటించిన యాక్షన్ థ్రిల్లర్ ప్రేక్షకులను అలరించిందా..? -
Razakar Movie Review: రివ్యూ: రజాకార్.. బాబీ సింహా, అనసూయ నటించిన మూవీ ఎలా ఉంది?
Razakar Movie Review: తెలంగాణ సాయుధ పోరాటం నేపథ్యంలో రూపొందిన ‘రజాకార్’ ఎలా ఉందంటే? -
Merry Christmas review: రివ్యూ: మెర్రీ క్రిస్మస్.. విజయ్ సేతుపతి, కత్రినా కైఫ్ నటించిన చిత్రం ఎలా ఉందంటే?
విజయ్ సేతుపతి, కత్రినా కైఫ్ ప్రధాన పాత్రల్లో నటించిన చిత్రం ‘మెర్రీ క్రిస్మస్’. ఓటీటీ ‘నెట్ఫ్లిక్స్’లో స్ట్రీమింగ్ అవుతోంది. ఎలా ఉందంటే? -
Anweshippin Kandethum Review: రివ్యూ: అన్వేషిప్పిన్ కండెతుమ్.. మలయాళ బ్లాక్బస్టర్ ఎలా ఉంది?
Anweshippin Kandethum Review: టొవినో థామస్ కీలకపాత్రలో నటించిన పోలీస్ ప్రొసీడల్ డ్రామా మెప్పించిందా? -
Shaitaan Movie Review: రివ్యూ: షైతాన్.. మాధవన్ నెగెటివ్ షేడ్స్లో నటించిన మూవీ మెప్పించిందా?
Shaitaan Movie Review: అజయ్ దేవ్గణ్, జ్యోతిక, మాధవన్ కీలక పాత్రల్లో నటించిన మూవీ ఎలా ఉంది? -
Breathe Review: రివ్యూ: బ్రీత్.. నందమూరి చైతన్య కృష్ణ హీరోగా నటించిన సినిమా ఎలా ఉందంటే?
Breathe telugu movie Review: నందమూరి చైతన్య కృష్ణ హీరోగా పరిచయమైన సినిమా ‘బ్రీత్’. వైద్యో నారాయణో హరి అనేది ఉపశీర్షిక. ఓటీటీ ‘ఆహా’లో స్ట్రీమింగ్ అవుతోన్న ఈ చిత్రం ఎలా ఉందంటే? -
Bhimaa movie review: రివ్యూ: భీమా.. గోపిచంద్ ఖాతాలో హిట్ పడిందా?
Bhimaa movie review: యాక్షన్ హీరోగా పేరుతెచ్చుకున్న గోపిచంద్ కీలక పాత్రలో నటించిన ‘భీమా’ మూవీ మెప్పించిందా? -
Gaami review: విశ్వక్సేన్ నటించిన ‘గామి’ ఎలా ఉందంటే..!
అఘోరాగా విశ్వక్సేన్ నటించిన చిత్రం ‘గామి’. మరి ఈ పాత్రలో విశ్వక్ భయపెట్టాడో.. లేదో తెలుసుకుందాం. -
Premalu Movie Review: రివ్యూ: ప్రేమలు.. మలయాళ బ్లాక్బస్టర్ తెలుగులో ఎలా ఉంది?
Premalu Movie Review: మలయాళంలో ఘన విజయం సాధించిన ‘ప్రేమలు’ తెలుగులోనూ అదే పేరుతో ప్రేక్షకుల ముందుకు వచ్చింది. మరి ఈ సినిమా ఇక్కడి ప్రేక్షకులను మెప్పించిందా? -
Valari Review: రివ్యూ: వళరి.. రితికా సింగ్ నటించిన హారర్ మూవీ ఎలా ఉందంటే?
Valari Review: రితికా సింగ్ నటించిన హారర్ చిత్రం ‘వళరి’. నేరుగా ప్రముఖ ఓటీటీ ‘ఈటీవీ విన్’లో విడుదలైన ఈ సినిమా ఎలా ఉందంటే? -
The Indrani Mukerjea Story: రివ్యూ: ‘ది ఇంద్రాణీ ముఖర్జియా స్టోరీ’.. షీనా బోరా హత్య కేసుపై డాక్యుమెంటరీ
షీనా బోరా హత్య కేసుపై రూపొందిన డాక్యుమెంటరీ సిరీస్ ‘ది ఇంద్రాణీ ముఖర్జియా స్టోరీ’. ఓటీటీ ‘నెట్ఫ్లిక్స్’లో స్ట్రీమింగ్ అవుతోంది. -
Bhoothaddam Bhaskar Narayana Review: రివ్యూ: భూతద్దం భాస్కర్ నారాయణ.. థ్రిల్ పంచాడా?
Bhoothaddam Bhaskar Narayana Review: శివ కందుకూరి కీలక పాత్రలో నటించిన మిస్టరీ థ్రిల్లర్ ‘భూతద్దం భాస్కర్ నారాయణ’ ఎలా ఉంది? ప్రేక్షకులకు థ్రిల్ పంచిందా? -
Operation Valentine Review: రివ్యూ: ఆపరేషన్ వాలెంటైన్.. వరుణ్ ఖాతాలో హిట్ పడిందా?
Operation Valentine Review in telugu: పుల్వామా ఉగ్రదాడి నేపథ్యంలో వరుణ్ తేజ్ కీలక పాత్రలో శక్తి ప్రతాప్ సింగ్ దర్శకత్వం వహించిన ‘ఆపరేషన్ వాలెంటైన్’ మెప్పించిందా? -
Malaikottai Vaaliban: రివ్యూ: మలైకోటై వాలిబన్.. మోహన్లాల్ నటించిన పీరియాడికల్ చిత్రం ఎలా ఉందంటే?
మలయాళ నటుడు మోహన్లాల్ నటించిన తాజా చిత్రం ‘మలైకోటై వాలిబన్’. ఓటీటీ ‘డిస్నీ+ హాట్స్టార్’లో స్ట్రీమింగ్ అవుతున్న ఈ సినిమా ఎలా ఉందంటే? -
siddharth roy movie review: రివ్యూ: సిద్ధార్థ్ రాయ్.. దీపక్ సరోజ్ నటించిన మూవీ ఎలా ఉంది?
siddharth roy movie review: ప్రచార చిత్రాలతో ఆసక్తిని పెంచిన ‘సిద్ధార్థ్ రాయ్’ ప్రేక్షకులను మెప్పించిందా? లేదా? -
Bramayugam Movie Review: రివ్యూ: భ్రమయుగం.. మమ్ముట్టి కీలక పాత్రలో నటించిన హారర్ థ్రిల్లర్ ఎలా ఉంది?
Bramayugam Movie Review: మమ్ముట్టి నటించిన ‘భ్రమయుగం’ తెలుగు ప్రేక్షకులను మెప్పించిందా?
తాజా వార్తలు (Latest News)
-
ముంబయి లక్ష్య ఛేదన దిశగా వస్తుందని భావించారా? ప్యాట్ కమిన్స్ సమాధానమిదే!
-
గవర్నర్ పదవి త్యజించడం మంచిదే: తమిళిసై
-
హైదరాబాద్, ముంబయి మ్యాచ్లో నమోదైన రికార్డులివీ..
-
కాంగ్రెస్ బ్యాంకు ఖాతాల వ్యవహారంపైనా అమెరికా వ్యాఖ్యలు!
-
ప్రవీణ్ప్రకాశ్ భేటీ వెనుక ఉద్దేశం ఏమిటో!
-
బల్కంపేట ఎల్లమ్మను దర్శించుకున్న నీతా అంబానీ