ఏప్రిల్‌ 9 నుంచి ఓటీటీలో ‘యువరత్న’

ఇంటర్నెట్‌ డెస్క్‌: కన్నడ పవర్‌స్టార్‌ పునీత్‌రాజ్‌కుమార్‌ నటించిన ‘యువరత్న’ ఓటీటీలో విడుదల కానుంది. ఏప్రిల్‌ 9 నుంచి ఆమెజాన్‌ ప్రైమ్‌లో ప్రేక్షకులు ఈ చిత్రాన్ని వీక్షించవచ్చని ఆమెజాన్‌ ప్రైమ్‌ తన ట్విటర్‌ హ్యాండిల్‌ ద్వారా వెల్లడించింది. కళాశాల రాజకీయాల నేపథ్యంలో ఈ సినిమాను తెరకెక్కించారు. పునీత్‌రాజ్‌కుమార్‌ తెలుగులో నేరుగా సినిమా విడుదల చేయడం ఇదే తొలిసారి. కాగా.. ఏప్రిల్‌ 1న థియేటర్లలో విడుదలైన ఈ చిత్రం అటు కన్నడ ప్రేక్షకులతోపాటు టాలీవుడ్‌లోనూ అలరిస్తోంది. ప్రకాశ్‌రాజ్‌, సాయేషా కీలకపాత్రల్లో కనిపించారు. సంతోష్‌ ఆనంద్‌రామ్‌ దర్శకత్వంలో తెరకెక్కించిన ఈ సినిమాను హోంబలే సంస్థ నిర్మించింది. తమన్‌ సంగీతం అందించారు.