Updated : 17 Nov 2020 12:30 IST

కెనడాలో అనంత యువకుడి ఆత్మహత్య

అనంత నేరవార్తలు: ప్రేయసి దూరమవుతోందనే మనోవేదనతో అనంతపురానికి చెందిన ఓ యువకుడు కెనడాలో ఆత్మహత్యకు పాల్పడ్డాడు. మృతుని కుటుంబసభ్యులు, నాలుగో పట్టణ సీఐ శ్రీనివాసులు తెలిపిన వివరాల ప్రకారం.. అనంతపురంలోని కోవూరు నగర్‌కు చెందిన నారాయణ స్వామి కుమారుడు ప్రణయ్‌ (29) గత రెండేళ్లుగా కెనడాలో ఉంటున్నాడు. అక్కడే ఏపీకి చెందిన ఓ యువతితో పరిచయం ఏర్పడింది. గత ఆరునెలలుగా వీరిద్దరూ సన్నిహితంగా ఉంటున్నారు. ఈ క్రమంలో పెళ్లి చేసుకోవాలని నిర్ణయించుకున్నారు. విషయాన్ని ఇరు కుటుంబాల తల్లిదండ్రులకు తెలియజేయడంతో వారు అంగీకరించి కరోనా పరిస్థితుల తర్వాత పెళ్లి చేయాలని నిర్ణయించారు. ఈ నేపథ్యంలో కెనడాలో వివాహ రిజిస్ట్రేషన్‌ కోసం దరఖాస్తు చేసుకున్నారు. 

అయితే అక్టోబర్‌ 11 నుంచి ప్రణయ్‌, ఆ యువతి మధ్య అభిప్రాయబేధాలు ఏర్పడ్డాయి. అనంతరం యువతి అమెరికా వెళ్లేందుకు వీసా లభించింది. అమెరికా వెళ్తున్నందున వివాహాన్ని వాయిదా వేసుకున్నట్లు యువతి చెప్పింది. అప్పటి నుంచి తనకు ప్రేయసి దూరమవుతోందని.. దీనికి తోడు మరో యువకుడితో పరిచయాలు కొనసాగిస్తోందని ప్రణయ్‌ భావించాడు. ఈ క్రమంలో మనోవేదనకు గురైన ప్రణయ్‌.. విష వాయువు పీల్చి ఆత్మహత్యకు పాల్పడ్డాడు. మృతదేహం శనివారం అనంతపురం చేరుకునే అవకాశమున్నట్లు కుటుంబసభ్యులు తెలిపారు.


 


Read latest Nri News and Telugu News

 Follow us on Facebook, Twitter, Instagram, Koo, ShareChat and Google News.

Tags :

గమనిక: ఈనాడు.నెట్‌లో కనిపించే వ్యాపార ప్రకటనలు వివిధ దేశాల్లోని వ్యాపారస్తులు, సంస్థల నుంచి వస్తాయి. కొన్ని ప్రకటనలు పాఠకుల అభిరుచిననుసరించి కృత్రిమ మేధస్సు సాంకేతికతతో పంపబడతాయి. ఏ ప్రకటనని అయినా పాఠకులు తగినంత జాగ్రత్త వహించి, ఉత్పత్తులు లేదా సేవల గురించి సముచిత విచారణ చేసి కొనుగోలు చేయాలి. ఆయా ఉత్పత్తులు / సేవల నాణ్యత లేదా లోపాలకు ఈనాడు యాజమాన్యం బాధ్యత వహించదు. ఈ విషయంలో ఉత్తర ప్రత్యుత్తరాలకి తావు లేదు.


మరిన్ని

జిల్లా వార్తలు

సినిమా

మరిన్ని

బిజినెస్

మరిన్ని

క్రీడలు

మరిన్ని

పాలిటిక్స్

మరిన్ని

వెబ్ ప్రత్యేకం

మరిన్ని

జాతీయం

మరిన్ని